Si Andi Eigenmann ang espesyal na panauhin ni Boy Abunda sa ikalawang kabanata ng My Mother, My Story, ang limited talk series ng King of Talk na mapapanood sa GMA-7 sa Hunyo 9, 2024, ganap na 3:15 ng hapon.
Read: Luis Manzano may rebelasyon tungkol sa inang si Vilma Santos
Mula sa tahanan nila sa Siargao, lumipad sa Maynila si Andi at ang tatlong anak niya na sina Ellie, Lilo at Koa, kasama ang kanyang fiancé na si Philmar Alipayo, noong Mayo 28.
Nangyari ang panayam ni Boy kay Andi sa isang beach resort sa San Fernando City, La Union.
Ang relasyon ng aktres sa kanyang pumanaw na ina na si Jaclyn Jose ang paksa ng kanilang pag-uusap.
Ang paglabas ni Andi sa My Mother, My Story ang unang pagkakataong nagsalita siya nang detalyado at nagbigay-pugay kay Jaclyn na pumanaw noong Marso 2, 2024.
Read: Andi Eigenmann bids goodbye to mother Jaclyn Jose: "Nasa paraiso ka na, Nanay. Pahinga ka na."
koa IS TRULY JACLYN JOSE'S GRANDSON
Taing 2017 nang magdesisyon si Andi na talikuran ang showbiz.
Hindi siya nagsisisi dahil naaalagaan at nasusubaybayan niya ang paglaki ni Ellie at ng mga anak nila ni Philmar.
Read: Andi Eigenmann and daughter Ellie to reside in both Manila and Siargao
Ang pagkakaroon ng disiplina ang unang mapapansin sa mga anak nina Andi at Philmar na patunay ng kanilang maayos na pagpapalaki.
Hindi sila maiingay katulad ng ibang mga bata, pero lumitaw ang kanilang kakaibang sigla nang makita nila ang dagat.
May isang insidente na kinuha ni Philmar si Lilo at isinakay nito sa kanyang surfboard para mag-surfing.
Nang makita ni Koa ang eksena, nagtampo siya pero hindi nagwala o pumalahaw nang iyak.
Tahimik na naglakad sa dalampasigan ang three-year-old son nina Philmar at Andi habang tumutulo ang mga luha niya—na tila kumpirmasyong apo talaga siya ni Jaclyn.
Hinabol at inalo si Koa ng production staff ng My Mother, My Story, na tuwang-tuwa sa kanya at sa ipinamalas niyang "Jaclyn Jose school of acting."
Read: How Andi Eigenmann gets her kids excited to do household chores
LILO'S ADMIRABLE HABIT
May isang anekdota naman si Andi tungkol kay Lilo, ang four-year-old daughter nila ni Philmar.
Ang pag-aalis ng tsinelas bago pumasok ng bahay ang isa sa mga kaugaliang Pilipino na itinuro nina Andi at Philmar sa kanilang mga anak.
Nang magbakasyon ang mag-anak sa Bali, Indonesia, nagpunta sila sa isang convenience store at sa murang edad, pinahanga ni Lilo ang isang foreigner na tuwang-tuwa dahil nakita nito na hinubad ng bata ang suot na tsinelas bago pumasok sa tindahan.
Gaya ng kanyang mga anak, nakaugalian na ni Philmar ang maghubad ng suot na tsinelas o sapatos sa tuwing pumapasok siya sa loob ng mga bahay.
Ikinuwento ni Andi na noong nagsisimula pa lamang ang kanilang relasyon, binisita siya ni Philmar sa set ng pelikulang ginagawa niya noon.
Nagulat ang production staff nang hubarin ng kanyang boyfriend ang suot na sapatos bago ito pumasok.
Hindi kinuwestiyon ni Andi ang inasal ni Philmar dahil iginagalang at tanggap na tanggap ang nakagisnang tradisyon ng kanyang karelasyon na nakasanayan na rin niyang gawin.