Sa pagkamatay ng ama ni David Chua, napag-alamang mayroon siyang 16 siblings.
Masasabing makulay ang buhay ng kanyang biological dad na si Gerson Kummer Mallillin, na half-Filipino at half-German.
Read: David Chua, nalungkot sa pagkamatay ng amang minsan lang niya nakita
Si David ay panglabing-dalawa sa labing-anim na magkakapatid, na lahat ay pawang panganay sa maraming babae na nakarelasyon ng ama niya.
Rebelasyon ng actor-director, “Ang dami naming magkakapatid, sixteen.
"Iba-ibang lahi, United Colors of Benetton nga. Meron sa UK, meron sa Amerika, meron sa Dubai, sa Qatar, sa Japan.
"So ang layo, ang dami.
"Ang alam ko, pang-12 ako sa mga anak niya na panganay."
Sa tantsa ni David, “Siguro yung pinakamatanda ay nasa 55 years old. Yung youngest, siguro, 16."
Hindi gaanong nasubaybayan ni David ang love life ng kanyang ama.
Panaka-naka, may mga nababalitaan lang siya.
“Actually, ang dami niyang asawa. Ang alam ko na pinakasalan lang niya, Italyana. Tapos, ang huling balita ko, nagpakasal ulit siya sa isang babae sa Bacolod.”
Read: David Chua, nakasaksi ng trahedya sa gitna ng bagyo
DAVID CHUA'S MINI-REUNION WITH SIBLINGS
Isa sa mga half-siblings niya ang kumontak sa kanya noong 2017 sa pamamagitan ng Instagram.
Nagkaroon sila ng mini-reunion sa isang restaurant sa Bonifacio Global City.
“Nag-reach out sa akin ang mga kapatid ko. Nagulat ako pagpasok ko sa bahay, ang dami namin. ’O, ito yung pamangkin mo, ito yung pamangkin mo, ito apo,’ pero wala ang tatay ko doon.
“So parang na-overwhelm ako. Ang dami pala namin.
"Parang nagulat ako dahil sanay akong mag-isa, kasama ng kapatid ko sa nanay tapos biglang ang dami pala namin."
Naging malapit ba siya sa ilang kapatid niya sa ama?
“Pinipilit ko na magkaroon ng relationship sa iba kong mga kapatid sa tatay, pero hindi ko masyadong makuha kasi nasanay nga po ako na mag-isa.”
Bukod dito ay abalang-abala talaga siya.
Mas malapit siya sa kanyang kapatid sa ina na si Lucy Uy, na pumanaw noong Jnauary 2019 dahil sa pneumonia.
Sabi niya, referring to his half-brother sa mother's side, “Si Emman, kaming dalawa lang, kaya na namin.”
Read: David Chua recalls dealing with his late mother's hospitalization