Ang matinding away ng aktres at ng kanyang karelasyon ang dahilan kaya naapektuhan nang husto ang trabaho niya para sa isang proyekto.
Kasama sa mga apektado sa personal na problema ng aktres ang mga kasamahan nito sa isang television program.
Iyak daw kasi siya nang iyak—dahilan para hindi niya magampanan nang maayos ang trabaho.
Read: Aktor, nanganganib di matuloy ang kasal sa kanyang fiancee
AKTRES, "TOXIC" ANG RELATIONSHIP?
Dinidibdib nang husto ng aktres ang huli at ang matinding away nila ng kanyang karelasyon, na naghamong maghiwalay na sila.
Umiikot ang mundo ng aktres sa lalake na kanyang pinakamamahal kaya hindi niya matanggap ang katotohanang posibleng humantong sa hiwalayan ang kanilang pagsasama.
Marami nang isinakripisyo ang aktres na sunud-sunuran sa lahat ng mga ipinag-uutos at ipinapagawa sa kanya ng boyfriend.
Kamakailan lamang, hindi nagdalawang-isip ang aktres na tanggihan ang isang pangmatagalang proyekto sa telebisyon dahil hindi ito pumasa sa panglasa ng karelasyon niya.
Ipinagdarasal ng mga nagmamalasakit sa aktres na magising na ito sa katotohanan sa lalong madaling panahon.
Habang tumatagal kasi, tila lumalala ang alitan nila ng kanyang boyfriend.
Bukod dito, nababahala ang mga malapit sa aktres dahil diumano'y biktima siya ng verbal abuse.
Sobra raw kung murahin siya ng boyfriend.
Sana ay makawala ang aktres sa "toxic" niyang relasyon.
Read: BLIND ITEM: TV personality, nagtampo dahil sa billing issue