Tungkol sa influencer na "plastic at mayabang" ang isa sa mga kontrobersiyal na rebelasyon ni Heart Evangelista sa panayam sa kanya nina Chariz Solomon at Buboy Villar sa Saturday night podcast na Your Honor.
"PLASTIC, MAYABANG" INFLUENCERS
Ang tanong ni Chariz: "Nagkaroon ka ba ng friend na aware ka na plastic sila sa iyo?"
Ang mabilis na sagot ni Heart, "Oo naman."
Saka siya nag-cite ng karanasan sa taong hindi niya pinangalanan pero mahihinuhang may issue sila.
"Paano ba? May isa pa nga ano, e, naalala ko, wala siyang upuan sa isang show. Tapos, naawa naman ako kasi parang sweet-sweet yung boses, 'You know, I've never done this. You're so good, you know. I really want to do this. I really want to do this also. I really love what you are doing. It's amazing...'
"Siyempre, [tinanong ko siya], 'Where's your seat?'
"'Oh no, I'm there in the press keme-keme.'
"Sabi ko, just sit here beside me...
"Malaman-laman mo, pak, kung anu-anong pinagsasabi ngayon, kung anu-anong mga ano...yun yung parang, anyari?"
Saka siya nag-explain tungkol sa image niya on cam versus her real personality off-cam.
Tila sagot niya ito sa mga bumabatikos sa kanyang mga posts na nagpapakita ng kanyang lavish lifestyle.
"Gets ko yung image namin on social media na pak, sosyal, fasyon. That's what we sell, that's the branding.
"You know, sometimes, all of these instructions come from what we are briefed with—don't smile with teeth, give fashion, ganyan, that's all.
"And sometimes, yun din yung parang binubuong branding, it has to be luxe. Siyempre, kung magpapabayad ka sa isang brand, yun yung binibili nila, yung pagka-elegante mo."
Pero in real life, sabi ni Heart, "kalog tayo...and koboy din kami."
Isa sa mga taong ni-label ni Heart as "hindi ko ma-take" ay yung kung makaasta raw ay parang "rich kid...ang taas!"
Sa pagpapatuloy ng kuwento niya: "Honestly, mas gusto kong mataas kang tingnan sa Instagram, pero pagdating mo in person, shocks, ang bait niya. Ay, ang cute! Ay, nakaupo siya sa sahig...Ay shocks, relatable.
“Hate na hate ko yung umawra tapos biglang, 'Kemerut, eh, you know...,'" habang ginagaya ni Heart ang paraan ng pagsasalita ng influencer na kanyang tinutukoy.
Dugtong ng Kapamilya actress: "Oh my god! I can’t! I cannot!
“Pero ang hindi ko ma-take kasi yung mga ibang influencers na kung umasta, yabang mo, Sis! Ang yabang mo.
"I hate that. Ako, mayabang ako, niyayabang ko yung kailangan kong iyabang kasi trabaho ko iyon. Pero kung ano ang binili ko, hindi ko i-a-unbox.”
May isa pang klase ng tao na red flag para sa kanya.
"I don’t like entitled people. I don’t like that. Turn-off ako and if you wanna name names or if you want to say things about me, I’ll never say it like this because I wasn’t brought up that way.
"But hanapan mo ako ng dumi, ilagay kita sa microscope, mas madaming mahahanap sa iyo na bacteria...yung flesh-eating bacteria na hindi ka sinipon, na-ICU na agad. Ganoon, as in!
"Pero sila yung maiingay. Sila yung akala mo, hindi ko take…I cannot. Yung parang wow, Aboitiz, Zobel?"
Ang mga apelyidong binanggit ni Heart ay kabilang sa Philippines’ 50 Richest list ng Forbes.
Paano kung mag-krus ang landas niya at ng mga taong "hate na hate"?
Aniya: "I can go with I just don’t see them or I’ll be pleasant, but I’m not gonna make chika-chika to you.
"What I’m gonna make chika to you, di ba? Yun ang totoo. ha?
"Iba-bash ako for sure sa comments section.
"Okay lang iyon pero, we are the people behind the camera. We know. We know our jobs.
"We know the real attitudes of people and some people that are noisy, mostly are the one that have the real [problem]..."
Walang anumang binanggit na pangalan si Heart, pero ilan sa mga netizens ang nag-bring up sa recent issue ng personal assistant ni Heart na si Resty Rosell kay Mimiyuuuh.
Inalmahan ni Rosell ang sinabi ng social-media influencer tungkol sa hinahangaang "down-to-earth" celebrity na si Anne Curtis.
Ani Mimiyuuuh: "We only love Anne in this household, kasi siya talaga ang clean-money girl.”
Hindi nabanggit si Heart, pero ayon kay Rosell, pasaring daw sa kanyang amo ang "clean-money girl."
Read:
Cinemalaya 2026 box-office ranking
ABS-CBN Broadcasting Center's main gate permanently closed