Kung isa kang Person with Disability (PWD) at wala ka pang PWD ID o kailangan mo nang mag-renew ng PWD ID, narito ang step-by-step process.
Kaugnay ito ng anunsiyo ng National Council on Disability Affairs (NCDA) kamakailan tungkol sa paglulunsad ng Unified PWD Identification System (UPWDIS).
Read: What to know about PhilHealth contribution exemption for PWDs
Layon ng initiative na ito na masupil ang talamak na pamemeke ng mga PWD IDs para sa mga pribilehiyong dapat ay ibinibigay sa mga lehitimong PWDs.
Inaasahan ding maiiwasan ang delays sa verification o pagtukoy ng PWDs na nag-a-avail ng kanilang mga benefits.
Sa inisyatibong ito ng gobyerno, magiging centralize na ang database, ayon sa post ng NCDA nitong November 7, 2026.
May option din ang PWDs kung nais nila ng pisikal o digital ID.
HOW TO APPLY
Samantala, ang Local Government Units (LGUs) pa rin ang may responsibilidad sa pagpaparehistro at pag-i-isyu ng UPWDIDs.
Sa mga mag-a-apply para sa ID, maaaring makipag-ugnayan sa Persons with Disability Affairs Office (PDAO) o City/Municipal Social Welfare and Development Office (C/MSWDO).
Sa mga PWDs na hindi makalabas ng bahay, may serbisyo ang LGUs para sa mobile and assisted registration, kung saan personal na pupuntahan ang Geographically Isolated and Disadvantaged Areas (GIDAs).
needed DOCUMENTS FOR FIRST-TIME REGISTRANTS
Para sa mga new applicants na may non-apparent disabilities, required silang magsumite ng Certificate of Disability mula sa isang lisensiyadong medical expert.
Kapag valid pa rin o hindi expired ang physical PWD IDs, hindi na kailangan ng bagong Certificate of Disability.
Ang kailangan lamang ay ang general requirements.
Nilinaw ng NCDA na ang mga bagong aplikante na walang existing records sa Philippine Registry of Persons with Disability (PRPWD) ang required na magbigay ng Certificate for Disability for non-apparent.
IMPORTANT INFORMATION ABOUT THE ID
Ang UPWDID ay may kasamang unique QR code at alphanumeric number para sa instant verification.
Mari-release agad ang digital ID ng PWD oras na matagumpay ang registration. Puwede ring mag-print ng physical ID card “upon request or as needed.”
Lifetime ang validity ng ID ng mga persons with permanent disabilities, habang limang taon naman at subject for revalidation ang sa mga persons with non-apparent disabilities.
Pero bakit kailangan pa ng regular evaluation ng mga non-apparent disabilities bagama’t ang kanilang kondisyon ay maaaring long-term o permanent.
Ayon sa NCDA, ang reevaluation kada limang taon ay “not to question the permanence of a condition, but to ensure that records remain accurate, persons with disabilities continue to receive appropriate support, and government programs and services are effectively targeted and accessible to all those who need them.”
Nakatutulong din daw ito upang matukoy ang emerging needs, pag-update ng contact details, matiyak ang proper case management, at para makonek ang mga beneficiaries sa anumang bago o expanded assistance.
Read: Unified PWD IDs to have QR codes, no expiration date