GORGY RULA
Active ang fans ni Nadine Lustre sa social media.
Ayon sa ilang fans na nakatsikahan ko, mas nagpo-focus sila sa mga positibong bagay at deadma na sila sa kanegahan.
Kapansin-pansin sa ilang group chats na hindi nila pinag-uusapan ang isyu ng actress-singer sa Viva Artists Agency (VAA).
Pati ang napapabalitang paggawa ni Nadine ng pelikula sa Viva Films ay hindi pa nila pinag-uusapan.
Noong nakaraang Linggo, August 22, nag-promote ang fans ng streaming party na hinost nila para kay Nadine.
Todo ang suporta nila rito dahil nakipag-collaborate sila sa kilalang South Korean singer-dancer na si Taemin, member ng SHINEE. Kaya super tweet sila gamit ang hashtag na "#TaeminXNadine."
Hindi ko lang na-check kung nag-trending ba sila noong gabing iyon.
Kasabay nito ay ipinagdiwang nila ang kaarawan ng mommy ni Nadine na si My Lustre.
Ipinost ng daddy ni Nadine na si Ulysses Lustre ang flowers at balloon na ipinadala ng aktres.
Noong Lunes, August 23, meron silang Twitter Space Session na hinost naman ng Naddicts Official.
Kaya talagang itinotodo ng mga Nadine Lustre fans na magpaka-active sa social media.
Kay Nadine sila naka-focus at hindi nababanggit si James Reid.
JERRY OLEA
May pahayag ang abogado ni Nadine na si Atty. Lorna Kapunan tungkol sa pelikulang gagawin ng aktres sa Viva.
"Nadine has a separate movie contract with Viva that is still existing. What she terminated was the management/agency contract with VAA.
"The case is still pending since we filed a Motion for Reconsideration of the Decision of the court.
"Nadine is now self managing."
Inaasam nating mapanood ang Gawad Urian best actress na si Nadine sa pelikula sa lalong madaling panahon!
NOEL FERRER
In fairness, nami-miss ko na si Nadine Lustre.
After kasi ng kanyang single, wala na naman tayong narinig sa kanya. Sayang ang momentum ng pagkapanalo niya ng Gawad Urian!
Oh well, hindi pa naman bukas ang mga sinehan, kahit online, hindi ko rin siya masyadong nararamdaman.
Sana makagawa ng magagandang proyekto ulit si Nadine!
Use these Lazada vouchers when you shop or order online. Marami pang ibang coupons dito.