JERRY OLEA
Hindi nag-submit ng aspiring entry ang Film Academy of the Philippines (FAP) para sa kategoryang International Feature Film ng 94th Academy Awards o Oscars.
Noong Hunyo 30, inihayag ng organizers na Nobyembre 1, 2021, Lunes, ang submission deadline para sa mga kategoryang International Feature Film, Animated Feature Film, Documentary Feature, Original Score, at Original Song.
Nitong Disyembre 6, Lunes, ini-announce ng Academy of Motion Picture Arts and Sciences (AMPAS) ang feature films na eligible for consideration sa mga kategoryang Animated Feature Film, Documentary Feature, at International Feature Film.
Ayon sa official website ng Oscars: “Ninety-three countries have submitted films that are eligible for consideration in the International Feature Film category for the 94th Academy Awards.
"Some of the films have not yet had their required qualifying release and must fulfill that requirement and comply with all the category’s other qualifying rules to advance in the voting process.
"An international feature film is defined as a feature-length motion picture (more than 40 minutes) produced outside the United States with a predominantly (more than 50%) non-English dialogue track…"
Hindi kasama ang Pilipinas sa 93 countries na nagsumite ng aspiring entry.
First-time entrant dito ang bansang Somalia. Kabilang pa sa 93 bansa na nagsumite ang Armenia, Bangladesh, Bhutan, Cambodia, China, Hong Kong, India, Indonesia, Iran, Iraq, Israel, Japan, Jordan, Lebanon, Malaysia, Palestine, Saudi Arabia, Singapore, South Korea, Taiwan, Thailand, Uzbekistan, at Vietnam.
Bahagi ng patakaran upang maging eligible sa International Feature Film category, "The country-selected film must be first released in the country of origin no earlier than January 1, 2021, and no later than December 31, 2021 and be first publicly exhibited for at least seven consecutive days in a commercial motion picture theater for the profit of the producer and exhibitor."
Ibig sabihin, ang alinman sa walong official entries ng Metro Manila Film Festival 2021 ay puwedeng isumite ng FAP.
Puwede ang Kun Maupay Man It Panahon/Whether The Weather Is Fine (P65M ang budget, bida sina Charo Santos at Daniel Padilla) at Big Night (tungkol sa tokhang, bida si Christian Bables).
Puwede rin ang A Hard Day nina Dingdong Dantes at John Arcilla (best actor sa 78th Venice international filmfest para sa OTJ: The Missing 8. Remake ang A Hard Day ng South Korean film of the same title.
Take note na ang South Korean film na Parasite ay nagwaging Best Picture, Best Director, Best Original Screenplay, at Best International Feature Film sa 92nd Oscars.
At any rate, ang shortlist ng labinlimang (15) pelikulang pagpipilian para sa International Feature Film category ay ia-announce sa Disyembre 21, Martes.
Ang mga nominasyon para sa 94th Academy Awards ay ia-announce sa Pebrero 8, 2022.
Ang 94th Oscars ay gaganapin sa Marso 27, 2022, Linggo, sa Dolby Theatre ng Hollywood & Highland sa Hollywood, at ite-televise sa ABC at mahigit 200 territories worldwide.
GORGY RULA
Noong 1947 unang ipinagkaloob sa Oscars ang award para sa Best International Feature Film (known as Best Foreign Film prior to 2020).
Napanalunan ito ng Italian film na Shoeshine (1946), sa direksyon ni Vittorio De Sica. So far, ang mga bansang may pinakamaraming award sa kategoryang ito ay Italy (14) at France (12).
Tig-aapat ang Spain, Japan at Denmark. Tigtatatlo ang Sweden, Soviet Union, at Netherlands.
Tigdadalawa ang Germany, Hungary, Argentina, Czechoslovakia, Switzerland, Austria, at Iran.
Tig-iisa ang Poland, Mexico, West Germany, Canada, Russia, Algeria, Taiwan, Czech Republic, Chile, Bosnia and Herzegovina, South Africa, South Korea, at Ivory Coast.
Dalawampu’t walong bansa pa lamang ang nagwagi sa nasabing kategorya.
Mula noong 1982 ay ang Film Academy of the Philippines ang naatasang mag-send ng aspiring entry sa Oscars. Hindi iyon regular. Maging noong 2005 ay hindi nagpadala ang FAP sa 78th Oscars.
Mula noong 2006 hanggang last year ay may aspiring entry tayo. This year na lang uli tayo lumaktaw.
Noong Nobyembre 12 lamang ini-announce ang eight official entries ng MMFF 2021—tapos na ang November 1 submission deadline para sa International Feature Film category.
Ayaw sigurong manghula ng FAP kaya hindi ito nag-field ng aspiring entry sa Oscars. Hindi ko pa napanood ang MMFF 2021 entries kaya mahirap mag-suggest.
Hangad ko na makapagpadala tayo ng pelikulang makatotohanan at lilikha ng ingay kung makapasa sa Academy Awards.
NOEL FERRER
Sayang naman! Kung nakapagsumite ang ibang Asian countries, bakit hindi ang Pilipinas?
Noong Nobyembre 10 lang nag-open ang local cinemas, at sa Disyembre 15 pa ipalalabas ang Caught in the Act na hindi nag-qualify sa MMFF 2021.
Hopefully, next year ay may maipadala na ang FAP.
Use these Klook promo codes when you shop or order online. Marami pang ibang coupons dito.