JERRY OLEA
Waging-wagi sa ratings ang sitcom ni John Lloyd Cruz na Happy ToGetHer mula nang mag-pilot ito sa GMA-7 bago magtapos ang 2021.
Sa first anniversary celebration ng Crown Artist Management (CAM) noong Marso 6, 2022, Linggo, sa Studio 28, BGC, Taguig City, inamin ni Lloydie na may na-pitch sa kanya ang GMA-7 na dalawang TV series.
Ipinahiwatig ni Lloydie na, technically, hindi pa siya Kapuso at wala siyang kontrata sa istasyon.
Hindi na siguro pakakawalan ng GMA 7 si John Lloyd, di ba?!
"Sabihin na natin na… nag-e-enjoy kaming kasama si John Lloyd, I’m sure," sabi ni GMA First VP for Program Management Department Joey Abacan sa virtual mediacon nitong Marso 11, Biyernes ng hapon.
"Gusto namin siya, and marami kaming ipini-pitch sa kanya na projects, ang ETV. Yung Happy ToGetHer is going to have a second season.
"So, ibig sabihin nun, kasama pa rin namin siya. So, sana… huwag na muna siyang umalis, di ba? I’m sure, ayaw mo rin yun! Gusto mo rin siyang manatiling Kapuso!"
May movie project din silang gustong ialok kay John Lloyd.
Coordinated ang efforts ng TV execs kasama sina Nessa Valdellon, GMA First VP for Public Affairs, at Lilybeth Gomez-Rasonable, GMA Senior VP for GMA Entertainment Group.
"We’re working on something with him right now. So, nandiyan lahat, basta nandiyan lang si John Lloyd. Abot-kamay lang siya.
"So, keri iyan. Very creative din si John Lloyd. Kung anong maisip niya, ibinabato namin kina Nessa at Lilybeth, baka meron silang magawa.
"Pero at this point in time, we take everything a day at a time. Happy kami with what he’s actually doing."
Read: Sitcom ni John Lloyd Cruz sa GMA-7, may second season; JL-Bea movie sa Star Cinema, tuloy pa ba?
GORGY RULA
Nabanggit pa ni John Lloyd sa unang anibersaryo ng CAM na gusto niyang makasama sa Kapuso network si Bea Alonzo.
Pero wala pa sa line-up iyan dahil sisimulan na ni Bea ang Start-Up Philippine adaptation kasama si Alden Richards.
Read: CONFIRMED: Bea Alonzo, Alden Richards to headline GMA-7's Start-Up adaptation
May mga pinag-uusapang iba pang shows na posibleng gawin ng magaling na aktor. Pero wala pang napagdesisyunan. Bukas sila sa posibilidad na gumawa ng show kahit sa ibang network.
Sabi ni Rambo Nuñez ng Crown Artist Management, "Merong lumalabas na meetings, of course. Very okay lang naman if you contextualize it.
"Maraming napag-usapan na okay. So, parang yun na lang."
Pinahahalagahan daw ng Crown ang materyal ng proyekto ng kanyang mga alagang artista.
"Maraming development, we need to see the script siguro. Pero, we’re very open to work with everyone.
"That’s what we’re pushing sa Crown na, yun nga, pag may magandang material, di ba?
"Sa panahon ngayon, digital age, social media, content driven, di ba? It’s very empowering for the artist also, na content ang nagpapatakbo ng career nila.
"Na pag may magandang project, open yung doors namin, our ears are open, our eyes are open, and yun, I guess, kung i-contextualize, we’re okay.
"Every meeting that we have, marami talagang okay because of the opportunity na ibinibigay, of course, specifically to John Lloyd and the rest of the artists."
Ang pinag-uusapan ay ang gagawing programa ni John Lloyd sa GMA-7.
Pero walang nababanggit na papipirmahin siya ng exclusive contract. Mas preferred kaya ng Crown Artist Management na freelancer si Lloydie?
Read: John Lloyd Cruz on manager Maja Salvador: "Parang kapatid ko."
noel fERRER
Sa Mayo nakatakda ang shooting ng movie ni John Lloyd with Jasmine Curtis-Smith.
May mga ikinakasa pang projects ang Crown Artist Management for John Lloyd, na ibabalita natin dito in due time.
Of course, we’re looking forward din sa mga paandar pa ng second season ng Happy ToGetHer.
Sa ngayon ay happy si Lloydie at ang GMA-7 with one another. Let’s just wait and see kung kailan magle-level up ang kanilang samahan!