NOEL FERRER
Madamdamin at lubhang malungkot ang teleserye queen na si Judy Ann Santos-Agoncillo nang magka-text kami tungkol sa pagkamatay ng APO Hiking Society member na si Danny Javier.
Tandang-tanda ko pa na sa kasal nila sa Batangas noong April 28, 2009, tanging ang APO Hiking Society lang ang napusuang mag-perform sa reception nina Juday at ang asawang si Ryan Agoncillo.
Destination wedding ito na secret —at dumating ang APO—Jim, Boboy at Danny para sa itinuturing nilang bunso sa ‘Sang Linggo nAPO Sila na si Juday nga.
Sabi ni Juday sa kanyang post (published as is): "My dearest tito danny… i will never forget your hugs, your smile.. your wisdom… how i nervously approached you to ask if APO could sing on our wedding day.. suntok sa bwan ang ginawa namin.. at buong puso nyo kaming pinagbigyan.. tinupad nyo at hinigitan pa ang mga pangarap na yun
"hindi natapos sa gabing yun ang pagka kaibigan natin.. nagkakamustahan pa rin tayo at nagkekwentuhan paminsan minsan… salamat tito danny.. salamat sa pagkakataong ibinigay mo para makilala kita ng husto.. nakakalungkot … mabigat.. pero ngayon.. tapos na ang paghihirap at sakit na dinaanan mo.. oras ng magpahinga at maging maligaya sa langit.. mahal ka namin…."
Maging ang aming alaga na si Ryan Agoncillo ay nagpadala ng mensahe para kay Tito Danny.
Ang sabi niya, “His voice is one third of the very first song we danced to as husband and wife. His memory will be forever cherished.”
Hanggang sa huling performance ng grupong APO sa Music Museum, magkakasama kami nina Ryan at Juday para ipakita ang solid na suporta at pagmamahal sa banda ng aming panahon.
GORGY RULA
Mula pa kagabi ay trending na sa Twitter ang #DannyJavier. Naging bahagi naman talaga ng sambayanang Pilipino ang mga awitin ng APO Hiking Society. Mapa-showbiz man at pulitika, naging bahagi ang APO Hiking Society.
Kahit magkakaiba ng paniniwala sina Danny, Jim at Boboy. Iba ang pinapanigan sa pulitika, may impluwensiya sa mga tao ang kanilang boses at pananaw.
Itinutugtog muli sa radyo ang mga awitin ng APO at napapakinggan na naman natin ang boses ni Danny Javier.
Halos lahat na mga veteran singers, kagaya nina Zsa Zsa Padilla, Leah Navarro, Richerd Merck at marami pa, ay may mensahe para kay Danny na ipinu-post sa kanilang social media account.
Isa sa napaka-touching na mensahe ay mula sa presidente ng OPM (Organisasyon ng Pilipinong Mang-aawit) na si Ogie Alcasid. Sabi ni Ogie sa kanyang Instagram account: “Napakarami kong alaala na ikaw ay hindi naging maramot sa pagbigay ng oras sa aming mga singer noong kami ay nagsisimula pa.
“Ang pagkakaalam ko pa nga ay ang OPM ay ikaw mismo ang nakaisip.
“Ilang beses din kami nagpunta sa inyong tahanan upang makipagsalo sa iyong pamilya. Ang aming mga noo’y maliliit na gigs ay iyong pinupuntahan para lang kami ay suportahan.
“Meron pa tayong nagawang kanta nag pinag-jamman. At sa inyong show sa Sa Linggo nAPO sila at ‘Sang linggo nAPO sila, napakaraming pagkakataon na tayo ay ‘nakaprod’.
“At siyempre noong naisapelikula ang inyong mga awitin at kami nina Gary, ZsaZsa, Uge, ang napiling gumanap na magulang sa musical na ito, magpahabang buhay na naitatak sa aming puso ang inyong legacy.
“Sobrang dami Danny. Wala kaming ibang masabi kundi-Salamat Sir. Salamat sa lahat. Mahal ka namin. Magpahinga ka na.
“Nakikiramay po kami sa lahat ng nagmamahal sa kanya.”
Ang tinutukoy ni Ogie ay ang 2012 musical film na I do Bidoo Bidoo: Heto nApo Sila!.
JERRY OLEA
Facebook post ng multi-awarded writer-director na si Jose Javier Reyes, “We joked each other by claiming we were long lost cousins. He was always one to argue... and laugh. He was one to think on his own, never swayed by opinions. His was a voice that sang the music of a generation. His was the music that shall be eternal, embedded by our culture.
“Mission accomplished, Sir. Have a safe trip home to the waiting arms of our Father, Pinsan. You shall be missed as you are so loved.”
Facebook post ng comedian na si Eagle Riggs, “Rest with God APO DANNY JAVIER! Salamat sa mga masasayang panahong pinagsamahan natin sa tv show na ‘Sa Linggo nAPO Sila’ every Sunday at nung ginawa itong daily ng abscbn via ‘Sang Linggo nAPO Sila’ ay ipinagkatiwala mo sa akin ang pamimigay sa live viewers natin ang iyong PIDRO shirts thru Baranggay APO.
“Sing with the angels in heaven. You will forever be remembered.”
Facebook post ni Dulce in Cebuano, “Matinud-anon nakong higala taud-taud nga wa na kita magkahinabi… apan akong gitigom sa akong kasing-kasing sa tanang panahon ang imong mga pahimangno ug pahinumdom nga bisan sa luyo sa kagubot ug kangitngit nga akong gisagubang, kinahanglan nga kita motabok sa suba, sukol sa sulog nga wa’y kukahadlok, kay sukad sa sinugdanan kaligdong ug kamatuoran mao da’y atong hinagiban. Daghang salamat pinalanggang higala ug igsoon... pahuway na…”
Ang English translation ng FB post ni Dulce, “My loyal friend it's been a while since we've talked.. but I keep in my heart all the time your admonitions and reminders that even behind the chaos and darkness I face, we must cross the river, face the ground without fear, for ever The beginning of righteousness and truth is our weapon. Thank you so much dear friend and brother.. Let's take a rest...”
Kaakibat ng post ni Dulce ang video ng marubdob na pag-awit ni Danny, “Lahat tayo’y mamamatay/ Gusto mo bang makisabay?/ Saan mo nais humimlay/ Pag nawalan ka ng malay
“Sige, ako’ng mauuna/ Pangakong susunod ka, ha?/ Malungkot ang nag-iisa/ Mas masayang kasama ka “O sige, mauna ka na/ At susunod naman sila/ Mas masaya kung kasama/ Bitbit-bitbit mong barkada…”