JERRY OLEA
Muntik nang madurog ang daliri ni Ian Veneracion nang maapakan iyon ni Mon Confiado sa shooting ng pelikulang Nanahimik Ang Gabi.
Read: Mon Confiado reveals struggle in "de-roling" after shooting Nanahimik ang Gabi
“Ano yun, e, wala yun, dapat unconscious na ako nun, e,” lahad ni Ian sa mediacon noong Disyembre 13, 2022, Martes, sa Director’s Club ng The Block, SM North EDSA, Quezon City.
“Naisip ko lang, ‘Oops, ipapa-X-ray ko siguro ito.’ Kasi, ambigat ng boots niya saka solid yung takong!
“Sabi ko, ‘Malamang, magpapa-X-ray ako mamaya.’”
Hindi nag-cut si Ian at nagkunwaring walang nararamdaman.
Sundot ni Mon, “Hindi ko nga alam, e. Sinabi lang niya nung nakaupo na kami.”
Napapangiwing paggunita ni Ian, “Ang sakit lalo na sa daliri! So, nakita ni Mon, ‘Uy! Ba’t dumudugo?’ Sabi ko, ‘Wala. Walang kaso.’”
Sorry nang sorry si Mon kay Ian.
Ang Nanahimik Ang Gabi ay isa sa walong official entries ng 48th Metro Manila Film Festival (MMFF).
Isinulat at idinirek ito ni Shugo Praico, at kasama rin sa cast si Heaven Peralejo.
GORGY RULA
Pagkatapos ng shooting ng Nanahimik Ang Gabi, nakabitaw ba agad si Ian sa karater niyang si Chief?
Sagot ng kilabotitong aktor, “You can only play a role that is a part of yourself. So once na-introduce ka sa part ng sarili mo na ganun, parang na-meet mo na yung ganung part mo, hindi mo naman maa-undo na yun, e.
“Nakilala mo na, e. So, hindi mo lang siya dadalhin araw-araw pero alam mo nang nandun na yun.
“Kumbaga, for example, you’re playing a role of someone who’s really violent. E, hindi ka naman bayolenteng tao.
“You have to find that in you, kung bakit gagawin mo yun. At pag nahanap mo, na-meet mo yung violent part mo for example, e, di yun yun, magkakilala na kayo.
“Hindi mo siya dadalhin, pero after ng movie, kakalas ka dun. Pero hindi mo rin maa-unlearn yun, e.
“Kasi nakita mo na yung part ng sarili mo na ganun pala. So yun, any character that you play, ganun naman.
“So on a micro-level naman, parang sa eksena, if I spend ten minutes in getting into that scene, that particular scene… you also have to spend that same amount of time getting out of it.
“So, ganun din in character sa buong movie, for example one month ka para nandun ka talaga in character, so ganun din yung time pagkalas.”
NOEL FERRER
Kumusta ang pelikula? Maayos, di ba?
Meron lang ibang nagsasabing medyo puwede pang i-edit nang tighter ang pelikula — but clearly, it must be one of the must-see sa darating na Metro Manila Film Festival 2022.
Kudos sa director nitong si Shugo Praico na na-orchestrate at na-mount nang maayos ang mga eksena plus the very competent actors in Ian, Heaven, and Mon.
Sana talaga, kumita at tumabo sa takilya ang Nanahimik Ang Gabi, if only to affirm the producers to churn out really more noteworthy films in the future!!!
READ MORE: