GORGY RULA
Masayang ibinalita ni Lea Salonga na magbabalik na siya sa Broadway.
Magiging bahagi siya ng Here Lies Love na tumatalakay sa kuwento ni dating First Lady Imelda Marcos.
Pero sabi ni Lea, for limited guest engagement lang siya, mula Hulyo 11 hanggang Agosto 13, 2023.
Gagampanan ni Lea ang role bilang si Aurora Aquino, ang ina ng pinaslang na senador na si Ninoy Aquino.
Si Jose Llana ay gaganap pa ring Ferdinand Marcos, at si Conrad Ricamora naman ang gaganap na Ninoy Aquino.
May madadagdag pa sa cast na ia-announce nila isa sa mga araw na ito.
Napanood natin, Sir Noel, ang Here Lies Love sa London na first time na-experience ni Mark Bautista ang London musical.
Read: REVIEW: Mark Bautista in London production of Here Lies Love
Naka-text ng PEP Troika si Mark at sinabi niyang nakatanggap siya ng email mula sa may hawak ng casting nito na sina Tara Rubin, Xavier Rubiano, at Gail Quintos.
Si Bobby Garcia ang Casting Consultant dito sa Pilipinas.
Sabi ni Mark, pinapa-call back siya kaya ipinagdasal daw niyang sana makasama siya. Hindi pa alam kung anong role ang posible niyang gampanan.
"Pagdasal natin… [smile and praying emoji],” text niya sa PEP Troika.
Nakaka-excite daw lalo nang nalaman niyang kasali si Lea Salonga.
Sana nga makapasok si Mark, at makapag-perform uli sa Here Lies Love na gagawin sa Broadway.
Wala pa rin silang in-announce kung sino ang gaganap na Imelda Marcos.
Ang napanood natin noon sa London ay ang Australian at Pinay ring stage actress na si Natalie Mendoza. Isa siya sa mga pinuri sa naturang musical play sa London.
NOEL FERRER
Exciting ang pagbabalik-Broadway ni Lea Salonga.
Ani Lea sa IG Live, “I am so excited to announce that I will be part of Here Lies Love opening on Broadway this summer, for a limited guest engagement!
“And it’s very special to me for a few reasons. Number one: As a Filipino artist, I am incredibly excited that audiences will finally get to see — on Broadway — this beautiful, impactful and important musical.
“Two: I get to go back to the Broadway Theatre, which is where I made my own Broadway debut over thirty years ago, which is wild for me to think about, so it’s a really sweet, full-circle moment.
“And three: I get to be reunited on stage with Jose Llana and Conrad Ricamora, and I am incredibly escoted about that.
"So, come and see us at Here Lies Love, and I can’t wait to see you on the dance floor this summer! Mwah! Bye!"
Question, after Broadway ba ay mapapanood na kaya natin finally ang Here Lies Love sa Pilipinas?
Hindi kaya ito umani ng mga batikos sa mga tao at pamilyang masasagasaan? Aabangan natin ito soon!!!
JERRY OLEA
Si Aga Muhlach naman, balitang-balita na gaganap bilang BBM sa Mabuhay, Aloha, Mabuhay, ang kasunod na pelikula ng Martyr or Murderer, at panghuli sa Marcos trilogy ni Direk Darryl Yap.
Nagtambal sina Aga at Lea sa mga pelikulang Bakit Labis Kitang Mahal? (1992) at Sana, Maulit Muli (1995).
Andaming umaasam na magsama silang muli sa pelikula. Kaya mixed emotions tayo na meron silang kani-kanyang Marcos project ngayon na magkasalungat ang sensibilidad.