JERRY OLEA
Ang saya-saya ng 10th birthday celebration ng Farrell Triplets na sina Fersiana, Frederie, at Freohsyl noong Hulyo 1, 2023, Sabado ng gabi, sa Okada Manila, Parañaque City.
May kani-kanyang production numbers ang three young ladies, at nakasama pa nila sa pag-awit at pagsayaw ang parents na sina Engineer Frederick Farrell at Ramona Revilla-Farrell.
Read: Former sexy star Ramona Revilla gives birth to triplets
(L-R) Fersiana, Frederie, and Freohsyl Farrell
Aspiring actresses ang tatlo, pero nangangarap ding maging lawyer, doctor, or karate master.
“I don’t know what they want. But all of them normally want to be a doctor but yung nakikita nila na, ‘O, si Mommy pala, naging artista dati.’ So, they’re getting inspired! Ha! Ha! Ha! Ha!” halakhak ni Ramona.
“I don’t wanna give them like, you know, like this is the life that I had in the Philippines, so…”
OK ba sa kanila ng husband niyang si Fred na mag-artista ang kanilang triplets?
Read: Will former sexy actress Ramona Revilla allow her triplets to join showbiz?
Natigilan sandali si Ramona bago sumagot, “It depends. It really depends with Ninang Aster [Amoyo]. Like normally, she will tell me, ‘Huwag na, Ramona!’ Ha! Ha! Ha! Ha!
“It’s alright, so ganun. ‘Huwag na muna, ‘nak.’”
Pero interesadong mag-showbiz ang triplets…
“Yeah, yeah. That’s the thing, that’s why I told Ninang na, ‘Ninang, yung mga bata, parang…’ ‘Ramona, parang OK ka na, huwag ka nang ganyan!’ Ha! Ha! Ha!” paghalakhak ni Ramona.
“Sa akin, it’s just that whatever the kids want, you know. Whatever the kids want, it’s fine with me.
“It’s just that when we got back here in the Philippines, the most important thing is the stability, of course.”
Pinapa-train ba ni Ramona ang triplets niya, halimbawa sa singing at dancing?
“Yeah, meron silang training. They do karate, they do singing, they do guitar, piano. Yeah, meron silang activities.”
Mukhang sanay mag-perform ang tatlo, na meron pang lifting sa dance numbers. Obvious na nag-enjoy sila.
“This is the first time that they did big production numbers. But in school, they normally like sing and do that staff.”
Sa Pilipinas ipinanganak ang triplets, sa Makati Medical Center. Nadestino sa Japan si Engr. Fred kaya naging home base nila iyon.
Three years ago pa sana ang bonggang birthday celebration nila sa Makati Shangri-La Hotel. Naudlot iyon dahil sa pandemya.
Kabilang sa mga panauhin sa 10th birthday celebration ng Farrell triplets sina Assunta de Rossi, John Nite, Jessa Zaragoza, Dingdong Avanzado, Lance Raymundo, Marissa Sanchez, at Aileen Papin.
(From left) John Nite, Dingdong Avanzado, Jessa Zaragoza, Frederick Farrell, Ramona Revilla, Assunta de Rossi, Marissa Sanchez, and Lance Raymundo
NOEL FERRER
Wow, star-studded ang birthday celebration ng Farrell triplets for those stars to have come out and perform — with matching visibility sa press.
Paglaki nila, mapapantayan kaya nila ang naabot ng karera ng naunang Triplets like Manilyn, Tina, and Sheryl? Aabangan natin iyan, ha!!!
GORGY RULA
Kasabayan ni Ramona noong late '90s sina Ynez Veneracion at Yda Manzano na kagaya niya ay hango sa action stars ang screen name.
Noong panahong iyon ay meron ding tinagurian na Rhea Malonzo, Felipa Salvador, Bongga Revilla, at Agapita Muhlach.
Nasa showbiz circle pa rin sina Ynez at Yda. Magbabalik-acting pa ba si Ramona?
“Personally, me, no. I don’t want it anymore. Kasi… what for?” sambit ng dating sexy actress.
“I told Tita Aster, ‘No, not me, Ninang. I don’t wanna be in showbiz anymore.’ Parang my happiness now, seeing my kids…
“But I want them to get inspired, seeing me performing, ‘Oh, that’s Mommy’s doings, e!’ That’s the thing, like ‘Oh! Mommy’s doing that,’ so mas nai-inspire sila.
“I want them to get exposed. They have the talent, they have the beauty, why not? You know, I want them to get exposed.”
Magkakaiba ng persolidad ang triplets.
Kuwento ni Ramona, “Fersiana is like the mommy’s girl. Talagang oh my gosh, she’s like… idol na idol niya ako.
“Si Freohsyl, medyo mahiyain. Si Frederie ang mahilig talagang mag-perform.
“Totoong boses nila yung ginamit kanina. Ni-record namin yun. Sa studio, and the recordings came out good.”
Importante kina Fersiana, Frederie, at Freohsyl ang pag-aaral, ngunit gusto ni Ramona na ma-expose din ang mga ito sa entertainment industry.
“I want them to experience it, what I had here in the Philippines.”
May pa-trivia game sa nasabing party, kung saan pinahulaan ang 1998 movies ni Ramona na Armadong Hudas with Ian Veneracion and Jessa Zaragoza, at Marahas: Walang Kilalang Batas with Raymart Santiago.