GORGY RULA
Maituturing na pagbabalik-showbiz na rin ni Derek Ramsay ang pelikulang gagawin niya, ang (K)ampon, na entry ng Quantum Films sa Metro Manila Film Festival (MMFF) 2023.
Read: Sharon-Alden, Dingdong-Marian starrers among first four official entries at MMFF 2023
Ang (K)ampon ay isinumite na ng Quantum Films ni Atty. Joji Alonso sa MMFF noong 2019.
Si Kris Aquino ang lead actress, na napabalita pa noong co-produder sa proejct na ito. Si Derek ang first choice na gaganap na male lead, pero hindi kinaya sa schedule niya dahil sa may ginagawa pa siyang soap sa GMA-7 nung panahong yun.
Read: Derek Ramsay, tuluyan nang nag-backout sa MMFF 2019 entry
Kailangan nilang palitan, at si Gabby Concepcion ang napili. Pero hindi umabot sa deadline kaya na-disqualify sila.
Read: Gabby Concepcion, kapalit ni Derek Ramsay sa movie with Kris Aquino
Mukhang maganda ang script nito dahil muling natanggap ngayong taon. Balik kay Derek ang role at si Beauty Gonzalez na ang lead actres.
Sinabi ni Derek sa nakaraang interviews na puwede siyang bumalik sa pag-arte, pero sa pelikula.
Read: Derek Ramsay: “It would have to take something very, very special for me to decide to do a project.”
"Kapag may magandang project, siguro gagawin ko yun. Pero siguro, big screen.
"Yung mga teleserye, medyo time consuming na yan e. Hindi ko na talaga kaya," sabi ni Derek nung nakatsikahan siya namin noon.
Tinext ng PEP Troika si Derek, at gagawin daw niya itong (K)ampon dahil maganda ang script at para na rin sa Ninang Joji niya, si Atty. Joji Alonso.
"Yes I'm doing it. Matagal ko na gusto itong script. I read this 2019 pa and I promised Ninang Joji I'd do it.
"I'm doing this for Ninang Joji, and my love for MMFF," text ni Derek sa PEP Troika.
Hanggang sa pelikula lang daw siya, at ayaw pa rin niyang mag-teleserye.
"Di talaga kaya teleserye, friend," text uli ni Derek.
Isinulat ni Dodo Dayao ang script ng (K)ampon at si Ding Palisoc ang magdidirek.
JERRY OLEA
Dalawang beses nang naging best actor ng MMFF si Derek Ramsay.
Wagi siya para sa mga pelikulang English Only, Please (MMFF 2014) at All Of You (MMFF 2017).
Si Dingdong Dantes na lead actor ng MMFF 2023 entry ring Rewind ay nakadalawang best actor trophy na rin sa December filmfest.
Consecutive ang panalo ni Dingdong para sa Segunda Mano (2011) at One More Try (2012).
Malamang na panlaban din ang akting ni Alden Richards sa drama movie nila ni Sharon Cuneta na A Mother and Son’s Story. Kaya sadyang nakaka-excite ang 49th MMFF!
NOEL FERRER
Exciting nga iyan, and let’s not forget, may Matteo Guidicelli pa with Cristine Reyes (Penduko) na in the running, at hindi pa natin alam ang mga papasok pang-apat na entries from the finished films by the last quarter of the year.
Sana ay magkalakas-loob ang producers na mag-submit pa ng kanilang works for consideration. Kasi, gusto talaga nating i-showcase ang best of the best of Philippine Cinema, na buhayin muli ang ating industriya by major actors lending the names and artistry lalo pa kung nasa level sila to influence other stakeholders in the industry and most specially our vast film audiences.
Sana talaga, makabangon na tayo sa mundo ng pelikula! Sa sinehan muna bago sa streaming talaga!