GORGY RULA
Isa si Alden Richards sa excited sa GMA Gala 2023 na gaganapin sa Marriott Hotel bukas ng gabi, Sabado, July 22, 2023.
Ito raw ang inaasahan niya taun-taon dahil dito lang daw nagkikita ang mga kapwa Kapuso. Madadagdag pa rito ang mga bagong Kapuso pati ang guests mula sa ibang istasyon.
Read: GMA-7’s power couples and prized stars, It’s Showtime main hosts attending GMA Gala 2023
"I'm really happy. I'm very glad that GMA is being consistent about this. Kasi, parang this is that one night in the whole year that all of us get dressed up that showcase, that we are proud to be Kapuso," bulalas ni Alden nang nakatsikahan namin sa virtual mediacon ng Magpakailanman ngayong Biyernes ng tanghali, July 21.
Marami raw sa mga kapwa Kapuso na sa GMA Gala lang puwedeng magkasama at magkumustahan.
"Parang yung, of course, clothes, siyempre andiyan yan. Kumbaga, yung excited ako talaga really what we are really looking forward. Kasi gusto ko every year nakikita kung gaano na ba kami kalaki.
"Kasi, of course, in every day hindi mo naman nakakasalamuha lahat. Of course, you can always see in your home, actors and co-workers on TV.
"You totally have the chance to really meet them and see them in person. So, ganun excited ako, kung gaano na ba kalaki yung Kapuso network, at kung gaano na ba kami karaming artista ng GMA," dagdag niyang pahayag.
Read: GMA Thanksgiving Gala 2022: Kapuso leading men rule the red carpet
Hindi idinetalye ni Alden kung sino ang gumawa ng isusuot niya bukas ng gabi o saan niya nakuha. Basta, surprise na lang daw.
"Naku! Yung damit ko po, hindi ko alam kung saan ko nahagilap.
"Sa Africa ko pa siya nakuha. Ganun siya kalayo!
"And I waited for six months bago ko siya... you know, hindi pa nga namin sure kung may GMA Ball ba this year. But, sabi ko, 'Sige kunin niyo na kasi magagamit natin yan.'
"So, true enough, ito magagamit naman siya. Surprise na lang po bukas," napangiting pahayag ni Alden.
Read: Alden Richards wears PHP5 million watch at GMA Gala Night
Samantala, si Alden ang bida sa month-long special episodes ng Magpakailanman na magsisimula na sa August 5.
Ang unang episode na mapapanood ay pinamagatang "A Runner to Remember: The Jirome de Castro Story." Kasama niya sa episode na ito si Sanya Lopez, na ididirek ni Neal del Rosario.
Ang iba pang episodes na mapapanood sa buong buwan ng August ay ang "The Lost Boy, Epal Dreamboy: The Richard Licop Story" at "Anak, Kapatid, Magulang: The Andrew Cantillana Story."
NOEL FERRER
Ang unang episode na ginawa ni Alden Richards para sa Magpakailanman ay ang life story niya na ginawa pa nung taong 2013.
Okay naman daw siyang magkaroon ng part two ang life story niya sa Magpakailanman, pero ang gusto niya ay iba na ang gaganap.
"Siguro po mas ma-appreciate kung iba yung aarte," pakli niya.
Nag-isip siya sandali nang tinanong kung sino ang gusto niyang gumanap bilang Alden Richards.
“Si Joshua Garcia, nasa GMA na, bakit hindi siya di ba?" sabi niya.
Marami naman daw siyang ibabahagi sa buhay niya ngayon sakaling magka-part two ang life story niya sa Magpakailanaman.
"Gusto ko pa sanang maging highlight naman kung magkaka-part two is... I want the episode to be a feel-good episode yet inspirational.
“Siyempre, sa journey naman po ng buhay, hindi naman lahat nagiging masarap ang journey.
"Lagi yan, kumbaga, yin and yang yan. In every good, there's always a bad, and in every bad there's always a good. It's a cycle.
"It's a continuous journey.
"Kasi dun po, parang life story ko when we were kids, mahirap kami, condition po ng mom ko, towards her deathbed. Tapos nag-start mag-artista, etcetera.
"So, yung second part po, from that part, going na for where I am po now. Sana ganun."
Read: Alden Richards admits he once let success go to his head
Maganda rin itong MPK anthology month-long guesting ni Alden kasi kung mapapangatawanan nila, mayroong magsu-surprise kay Alden na kasamahan niya per episode. Surprise na kay Alden, surprise din sa viewers.
Hindi kaya simula na ito ng MPK Monthly Specials sa big stars ng GMA?
JERRY OLEA
Ang GMA Gala 2023 ang most star-studded showbiz event ng taon. Exciting ang pagtitipong ito ng mga pinakamaniningning na bituin ng local entertainment industry.
Abangan natin ang mga sorpresa, paandar, at pasiklab sa kaganapang ito!