JERRY OLEA
Wagi ang "Barbenheimer" phenomenon sa takilya ng North America last weekend, July 21-23, 2023.
"Barbenheimer" ang blending o partmanteau ng movie titles na Barbie at Oppenheimer.
Sabay na nag-open nitong nakaraang weekend ang Barbie (114 minuto ang haba) at Oppenheimer (180 minuto ang haba).
Read: 'Mission: Impossible 7,' malampasan kaya ang box-office gross ng 'Top Gun: Maverick'?
Sa takilya ng U.S. at Canada, nanguna ang Barbie na agad humamig ng $162M. Pumangalawa ang Oppenheimer na naka-$82M.
Worldwide, humamig agad ng $356M ang Barbie, samantalang naka-$180M ang Oppenheimer.
Title role sa fantasy comedy film na Barbie si Margot Robbie, at scene stealer dito si Ryan Gosling bilang Ken.
Read: 'Barbie,' hindi banned sa Pilipinas; Julie Anne San Jose, daring sa 'The Cheating Game'
Facebook post ng multi-awarded scriptwriter-director na si Jose Javier Reyes kaugnay sa Barbie, “The bewilderment and all the confused faces of all the little girls and tweens while stepping out of the movie's screening. That was my biggest laugh!
“Hearing one of them squeak, ’Duh, what was that?’ BWAHAHAHAHA”
Ang “Barbie energy”… bow!
Nasa cast din ng Barbie sina America Ferrera, Dua Lipa, Simu Liu, Michael Cera, Will Ferrell, Kate McKinnon, Issa Rae, at Helen Mirren bilang tagapagsalaysay.
Ryan Gosling and Margot Robbie
Title role sa biographical thriller film na Oppenheimer si Cillian Murphy, at sinasabing itong Oppenheimer ang best film so far ng direktor na si Christopher Nolan. Pang-Oscars!
Nasa cast din ng Oppenheimer sina Emily Blunt, Matt Damon, Robert Downey Jr., Florence Pugh, Josh Hartnett, Casey Affleck, Rami Malek, at Kenneth Branagh.
Cillian Murphy
Nakipagsalpukan sa "Barbenheimer" sa local cinemas last weekend ang Joy Ride nina Ashley Park at Stephanie Hsu, at horror movies na The Captive at Mary Cherry Chua.
Saan kaya pinulot ang mga pelikulang iyan? Bukas, Hulyo 26, Miyerkules, ay mag-o-open sa local cinemas ang Litrato nina Ai-Ai delas Alas at Quinn Carrillo, at The Cheating Game nina Julie Anne San Jose at Rayver Cruz.
Kasabay nilang mag-o-open ang Haunted Mansion, Talk To Me, Psycho-Pass: Providence, at Cobweb.
Sa Agosto 2 nakatakda ang playdate ng Meg 2: The Trench, Teenage Mutant Ninja Turtles: Mutant Mayhem, Soft & Quiet, at Doraemon: Nobita’s Sky Utopia.
Sa Agosto 4-13 naman ang Cinemalaya XIX: ilumiNasyon sa PICC, kung saan sampung bago, mapaghamon at makabuluhang pelikulang Pilipino ang magpapakitang-gilas.
Ang mga ito ay ang Tether ni Gian Arre, Ang Duyan ng Magiting ni Dustin Celestino, Bulawan Nga Usa ni Kenneth de la Cruz, Gitling ni Jopy Arnaldo, Huling Palabas ni Ryan Espinosa Machado, Iti Mapukpukaw ni Carl Joseph E. Papa, Maria ni She Andes, Rookie nina Samantha Lee at Natts Jadaone, As If It’s True ni John Rogers, at When This Is All Over ni Kevin Mayuga.
Heto ang updated list ng dalawampung pinakamalalakas na pelikula worldwide so far this year: The Super Mario Bros. Movie ($$1.3B), Guardians of the Galaxy Vol. 3 ($845M), Fast X ($705M), Spider-Man: Across the Spider-Verse ($675M), The Little Mermaid ($561M); Ant-Man and the Wasp: Quantumania ($476M), Transformers: Rise of the Beasts ($427.2M), John Wick: Chapter 4 ($426.9M), Mission Impossible: Dead Reckoning Part One ($371M), Elemental ($358M); Barbie ($356M), Indiana Jones and the Dial of Destiny ($336M), Creed III ($275M), The Flash ($268M), Dungeons & Dragons: Honor Among Thieves ($208M); Oppenheimer ($180M), Scream VI ($169M), Insidious: The Red Door ($156M), Evil Dead Rise ($147M), Shazam! Fury of the Gods ($134M).
GORGY RULA
Marami tayong aabangan na mga pelikula bukas, pero sana’y huwag i-ignore ng moviegoers ang The Cheating Game nina Julie Anne San Jose at Rayver Cruz.
Read: Julie Anne San Jose and Rayver Cruz: Better together
Matino itong ginawa ni Direk Rod Marmol, na masasabi kong pelikula talaga ito ni Julie Anne dahil sa pagkakaganap niya bilang si Hope.
The cast of 'The Cheating Game'
Tama ang sinabi ni Miss Nessa Valdellon ng GMA Public Affairs na kakaibang pelikula ito na hindi yung typical na romcom movie na madalas nating napapanood.
Sabi ni Ms. Nessa sa nakaraang mediacon ng naturang pelikula, “It's not the expected romcom.
"You think you're watching a romcom when you start out and then it becomes something completely unexpected in the middle.
"That's what we're loooking for, e. Thought-provoking, inspiring stories with the twist, that play on genre. You don't expect what you're going to see.
"That's what we're trying to do in GMA Public Affairs when we make movies. Medyo iba siya."
Sana, makatawid dito sina Julie Anne at Rayver mula sa telebisyon at makakaya na rin nila sa pelikula.
Dito kasi sa The Cheating Game ay hindi yung Julie Anne at Rayver na madalas nating napapanood sa telebisyon.
Ibang-iba sila, lalo na sa kanilang kissing scenes na may kakaibang spark kang nakikita.
At sa totoo lang, may sensuality naman pala silang dalawa. Kaya tama lang na sa kanila ipinagkatiwala ng GMA Public Affairs ang kakaibang film project na ito.
“You have the thought that love your own naman tayo. People who were so talented... and Julie and Rayver are very talented, and you will see this in the movie.
"Julie shines here. You will be so surprised, as in... ako, nagulat ako. Ilang beses ko napanood, ang galing galing niya dito.
"And we have in house talents who deserve to be movie stars. So, that was the thought process behind casting them," sabi pa ni Miss Nessa Valdellon.
Suportado ng JulieVer fans ang premiere night ng The Cheating Game na ginanap sa SM The Block nung Lunes, July 24. Dalawang sinehan ang ginamit para makapanood ang lahat.
"Kabado, pero exciting," pakli ni Julie Anne.
"Galing nga kami dun sa isang cinema. Tapos nandito pa kayong lahat. Naramdaman namin yung support," sabi naman ni Rayver.
"Saka ano... first time namin ulit in the long time na alam mo yun yung experience na premiere, tapos ang daming nanood.
"Sana magustuhan niyo yung movie," dagdag na pahayag ni Julie Anne.
NOEL FERRER
Sana talaga, kumita itong pelikula nina Julie Ann at Rayver na The Cheating Game if only to reward the team for coming up with a beautiful crafted romcom na prino-promote nang maayos!!!
Ang maganda lang sa pelikulang ito ni Ma’am Nessa Valdellon ay calculated na ang sales nito kaya bonus talaga ang kita nito sa takilya.
Pero magandang hudyat sa industriya kung kikita dahil finally, masasabi natin (sana) that the long drought in local movie hit is over.
Nasa cast din ng The Cheating Game sina Martin del Rosario, Yayo Aguila, Candy Pangilinan, Winwyn Marquez, Thea Tolentino, Phi Palmos, at Paolo Contis.
Nabigyan ng eighty-three (83) cinemas on its opening day itong The Cheating Game.
Samantala, ayon sa 3:16 Media Network, as of July 24, Monday, ay nabigyan na ng labinsiyam (19) na sinehan ang Litrato nina Ai-Ai delas Alas at Quinn Carrillo.
Hopefully ay hindi naman sliding ang screenings nito.
Ang Litrato ay idinirek ni Louie Ignacio, at nasa cast din nito sina Ara Mina, Liza Lorena, Bodjie Pascua, Ermie Concepcion, Joe Gruta, Lui Manansala, Tabs Sumulong, at Rolando Inocencio.