JERRY OLEA:
Nag-streaming ang pelikulang Ang Pangarap Kong Oskars umpisa Setyembre 28, 2023, Huwebes, sa Netflix.
Ngayong Oktubre 1, Linggo ay nakapuwesto na sa Top 10 Movies in the Philippines Today ang comedy film na bida sina Paolo Contis, Joross Gamboa, at Kate Alejandrino.Kat
Noong Hunyo 28 nag-showing sa local cinemas iyang Ang Pangarap Kong Oskars. Kaya tatlong buwan ang lumipas bago iyan nag-streaming sa Netflix.
Read: Paolo Contis at Joross Gamboa, todo-promote ng 'Ang Pangarap Kong Oskars'
May isa pang pelikulang Pilipino sa Top 10 Movies ng Netflix Philippines, ang 2014 crime drama na The Janitor starring Dennis Trillo, Derek Ramsay and Richard Gomez.
Ang talaan ng Top 10 Movies in the Philippines Today this Sunday — Nowhere, The Roundup: No Way Out, Halloween Kills, Love Is In The Air, Overhaul, Spy Kids: Armageddon, The Black Book, Reptile, The Janitor, at Ang Pangarap Kong Oskars.
Sa Oktubre 4, Miyerkules ay streaming na sa Netflix ang Pinoy adaptation ng dramedy na Keys to the Heart, starring Zanjoe Marudo, Elijah Canlas, and Dolly de Leon.
Ang logline ng Netflix movie, "Troubled and alone, a boxer moves in with his long-lost mother and autistic pianist brother — but must fit in with a family he hasn’t known for years."
Sa Oktubre 13 naman ang streaming ng pelikulang Love Me Tomorrow nina Dawn Zulueta at Piolo Pascual.
Samantala, na-displace na sa unang puwesto ang Sex Education sa talaan ng Top 10 TV shows ng Netflix PH. Pangatlo na lang ito.
Sa listahan ay tatlo ang gawang-Koreano, at apat ang animated series! Nasa Top 10 TV Shows in the Philippines Today ngayong Sunday — Jujutsu Kaisen: Shibuya Incident, Castlevania Nocturne, at Sex Education.
Kasama rin ang One Piece, Destined With You, The Devil’s Plan, A Time Called You, Power Rangers Cosmic Fury, Powerpuff Girls, at Kengan Ashura.
Sa Oktubre 13 ay streaming na sa Netflix ang DonBelle series na Can’t Buy Me Love.
Read: Andrea Brillantes: "May mga opinyon na wala namang ambag sa buhay."
GORGY RULA:
Kahit matipid ang budget ng isang pelikula, basta maganda lang ang kalalabasan nito, kaya mo nang bawiin sa streaming service, kagaya ng Netflix at Prime Video.
Ganoon na talaga ang gustong gawin ngayon ng mga producers dahil hindi na sila kailangang gumastos ng malaki para sa promo at nabawasan na ng mga taong susuwelduhan.
Sure silang balik-puhunan na kapag maibenta na nila ito sa streaming service. Tapos, ibebenta pa nila ang TV rights, puwede na talagang makabawi o kumita pa kahit konti.
Hindi na talaga maasahan ang sa mga sinehan. Sa SM nga, nabawasan na ng mga sinehan at na-convert na ito sa kainan.
Kaya nakakatakot kung hindi maibabalik ang sigla nito sa 49th Metro Manila Film Festival. Nakakalungkot itong nangyari sa A Very Good Girl na isang Kathryn Bernardo movie, masaya na sila sa PHP40M hanggang weekend na obvious namang padded pa ito.
Siyanga pala, ang Prime Top 10 in the Philippines ngayong Sunday sa Prime Video — Gen V, The Continental, The Wheel of Time, Comedy Island Philippines, at The Ghost.
Kasama rin ang Station, The Killing Vote, Victoria’s Secret: The Tour ‘23, Jujutsu Kaisen: Shibuya Incident, Rurouni Kenshin, at The Kidnapping Day.
Isa lang ang likhang-Pinoy sa listahang iyan, ang Comedy Island Philippines nina Carlo Aquino at Awra Briguela.
Sa Oktubre 5, Huwebes ay streaming na sa Prime Video ang seryeng Linlang nina Kim Chiu, Paulo Avelino, at JM de Guzman. Nasa cast din ng Linlang sina Jake Ejercito, Ruby Ruiz, Maricel Soriano, Jaime Fabregas, Raymond Bagatsing, Vance Larena, Heaven Peralejo, Adrian Lindayag, Race Matias, at Anji Salvacion.
Sa October 19 naman ang streaming ng Cinemalaya 2023 film na Rookie. Pangalawa ito sa Iti Mapukpukaw bilang pinakamalakas sa nasabing indie filmfest.
Wagi ang GL movie na Rookie sa 19th Cinemalaya sa mga kategoryang best actress (Pat Tingjuy), best editing (Ilsa Malsi), at Audience Choice Award.
Read: Rob Gomez, hindi raw intensyong itago ang anak; karelasyon si Herlene Budol?
NOEL FERRER:
Merong mga pelikula akong alam na kapag hindi raw nakapasok sa Final 4 entries ng 49th Metro Manila Film Festival ay they’d rather go straight to the online streaming platforms than go via the commercial theater route.
Nalungkot ako. Parang producers are willing to skip the commercial run na sa mga sinehan and go straight streaming.
Hindi mo rin sila masisisi dahil marami na went unnoticed sa commercial run pero ayun , tinatangkilik kapag online.
Sana na lang, mabawi ng mga producers ang mga investments nila para magkapuhunan sila sa paggawa pa ng mas maraming magagandang pelikula. Good luck talaga!