JERRY OLEA
Naka-P72M na sa takilya ang pelikulang Five Breakups And A Romance nina Alden Richards at Julia Montes.
Ipinagmalaki ito ng GMA Pictures sa X (dating Twitter) ngayong Nobyembre 14, Martes ng 3:28 pm.
Post pa ng GMA Pictures, “Maraming salamat sa walang katapusang suporta! At hindi pa dito nagtatapos! Nasa 5th week na tayo sa mga sinehan sa Pilipinas at magkakaroon din tayo ng international screenings! Abangan ang susunod na mga announcements!”
Wow!!! Pupuntahan din kaya ni Alden ang international screenings, kung paanong napakasipag niyang pumunta sa block screenings?
Aba! Magpo-promote na rin si Alden ng MMFF 2023 movie nila ni Sharon Cuneta na Family of Two (A Mother and Son Story), di ba?!
Read: MMFF 2023 Top 10 official entries: Pinaghalu-halong romance, drama, horror, comedy, fantasy, action
Noong Oktubre 18 nag-open sa local cinemas ang Five Breakups And A Romance.
Ang sumunod na Pinoy movie na ipinalabas sa mga sinehan ay ang Nagalit Ang Patay Sa Haba Ng Lamay: Da Resbak.
Naghingalo agad ito nang mag-showing noong Nobyembre 8, Miyerkules. At least, hindi DOA as in Dead On Arrival.
Bukas, Nobyembre 15, Miyerkules, ay showing na sa mga sinehan ang pelikula ni Melai Cantiveros na Ma’am Chief: Shakedown in Seoul sa 96 sinehan nationwide.
May special participation dito sina Lee Seung-gi, Do Ji-han, Ju Young Ha, Seongjin Park, Hyeonyul Kim, Suya Lee, at Ji Yong Park. Di ba, SPO4 Crisselda Kaptan?
Kasabay nito ang showing ng Trolls Band Together, The Hunger Games: The Ballad of Songbirds & Snakes, at The Concierge.
Nasa November 22 playdate naman ang Marita nina Louise de los Reyes at Rhen Escaño.
Makikipagbakbakan ito sa Wish, Thanksgiving, Tokyo MER: Mobile Emergency Room The Movie, Dancing Queen, at Not Friends.
Kasado na sa November 29 playdate ang horror trilogy na Shake, Rattle & Roll Extreme sa pangunguna nina Iza Calzado, Jane de Leon, Jane Oineza, RK Bagatsing, Paolo Gumabao, at ng agaw-eksenang si Ninong Ry.
Read: Shake, Rattle & Roll Extreme uunahan ang mga nakapasok sa MMFF 2023
Kasabay nito ang madramang In His Mother’s Eyes, ganoon din ang Asian Persuasion nina Dante Basco at KC Concepcion, The Boy and the Heron, Silent Night, at Napoleon.
Nasa December 6 playdate ang Wonka.
Magsasalpukan sa December 13 playdate ang launching film ni Jhassy Busran na Unspoken Letters, at ang Para Kang Papa Mo nina Mark Anthony Fernandez at Nikko Natividad.
Magpapayanig sa December 20 ang Aquaman and the Lost Kingdom, pero “magpapahinga” muna ito by December 25 to give way sa sampung official entries ng 49th Metro Manila Film Festival.
If ever, sa IMAX cinemas lang mapapanood ang Aquaman and the Lost Kingdom mula Pasko hanggang Enero 7, 2024.
By January 8, malamang na raratsada muli ito sa iba pang mga sinehan.
Wala pa tayong balita kung kailan na ipapalabas sa mga sinehan iyong 1521: The Quest for Love & Freedom nina Danny Trejo at Bea Alonzo.
NOEL FERRER
Kaabang-abang din ang mga paandar ng 11th QCinema International Film Festival ngayong Nobyembre 17-26, kung saan tampok ang 65 titles sa 10 sections.
Ang mga venue ay Gateway, Ali Mall Cineplex, U.P. Town Center, Robinsons Magnolia, Shangri-La Plaza, at Power Plant Mall.
Ang opening film ay ang critically claimed na Poor Things ni Yorgos Lanthimos. Golden Lion winner ito sa Venice filmfest.
Ipapalabas ito sa Nobyembre 17, Biyernes ng 5:30 p.m. sa Gateway Cineplex sa Araneta City, Quezon City. By invitation only ito.
Sa Nobyembre 19, Linggo ng 5:30 p.m. gaganapin ang QCinema At The Park sa Liwasang Aurora, Quezon Memorial Circle.
Mapapanood doon nang libre ang Senior, Ang Nanay ni Justin Barber, Papa’s Shadow, Sa Ngalan Ni Ultimate Warrior, at Bonifacio.
Kabilang pa sa mga pelikulang tampok sa QCinema 2023 ang Gitling, Essential Truths of the Lake, Enter The Dragon, A Clockwork Orange, Chungking Express, Mutt, Fallen Angels, Only The River Flows, Sweet Dreams, Foremost By Night, Femme, Red Rooms, Women From Rote Island, Passages, at All Of Us Strangers.
Pero ako, gusto ko ring umabot sa P100M ang kikitain ng Five Break Ups And A Romance para maging magandang come on ito sa producers sa sigasig nila sa paggawa ng maganda at pagpo-promote ng mga pelikulang pinagpaguran nila!
GORGY RULA
Nanguna sa takilya ng North America last weekend, Nobyembre 10-12, ang kabubukas pa lamang na The Marvels.
$46.1M ang opening weekend gross sa U.S. at Canada ng superhero film na pinagbidahan nina Brie Larson bilang Carol Danvers o Captain Marvel, Teyonah Paris bilang Monica Rambeau, at Iman Vellani bilang Kamala Khan o Ms. Marvel.
Ito ang ika-33 pelikula sa Marvel Cinematic Universe (MCU). Ito rin ang pinakamaikli so far, at pinakamahinang opening weekend para sa isang MCU film.
Ang dating pinakamahina ang opening weekend gross sa MCU ay ang The Incredible Hulk (2008) na naka-$55.4M lang. Iyong Ant-Man (2015) ay naka-$57.2.
Ang dalawa pang big screen adventures ng MCU ngayong 2023 ay Ant-Man and the Wasp: Quantumania na $106M ang opening weekend gross noong Pebrero, at Guardians of the Galaxy Vol. 3 na $118M ang opening weekend gross.
Ang MCU film na pinakamalakas ang opening weekend gross ay Avengers: Endgame (2019) na naka-$1.2B.
Meron na nga bang Marvel fatigue? Maging sa Pilipinas ay so-so lamang ang hinamig ng The Marvels mula nang mag-showing ito noong Nobyembre 8, Miyerkules.