JERRY OLEA
“The Ender to Remember” ang finale ng teleseryeng Senior High sa Enero 19, 2024, Biyernes ng 9:30 p.m., sa Kapamilya Channel, A2Z, TV5, iWantTFC, at Kapamilya Online Live sa YouTube channel at Facebook page ng ABS-CBN Entertainment.
Mabubunyag na kung sino ang pumatay kay Luna (Andrea Brillantes).
Lalong umiigting ang kuwento dahil pinag-aagawan nina Obet (Kyle Echarri) at Gino (Juan Karlos) ang kakambal ni Luna na si Sky (Andrea Brillantes).
Pinalaya na nang lubos ni Roxy (Xyriel Manabat) si Tim (Zaijian Jaranilla).
Itutuloy ni Archie (Elijah Canlas) ang panliligaw kay Roxy, habang nagkakamabutihan muli sina Tim at Poch (Miggy Jimenez).
Read: Elijah Canlas and Xyriel Manabat love scene in Senior High trends online
Sa finale mediacon ng Senior High noong Enero 9, Martes, sa Dolphy Theater, ABS-CBN Compound, Quezon City, inamin ni Xyriel na na-inspire siya sa BL (boys love) nina Zaijian at Miggy.
Okey kay Xyriel na gumawa ng GL project na may kissing scene sa kapwa girl. If ever, ang bet niyang maka-partner ay si Andrea.
Read: Andrea Brillantes and Xyriel Manabat open to star in a Girls Love series
Isiniwalat naman ni Kyle na willing siyang gumawa ng BL project, basta ang katambal niya ay si JK o Juan Karlos.
Take note na sa cast ng Senior High, tampok sa Pinoy BL series na Gameboys sina Elijah at Miggy, samantalang Tommy Alejandrino (na gumaganap bilang Kenjie sa Senior High) ay nagbida sa Pinoy BL series na The Day I Loved You.
Read: Pinoy Boys Love series: a genre that boomed during the pandemic
Gumanap sina Elijah at Tommy bilang classmates sa MMFF 2023 movie na GomBurZa. Mentor ng characters nila sa GomBurZa si Padre Jose Burgos na ginampanan ni Cedrick Juan.
May isa pang movie si Tommy sa MMFF 2023 for which he is nominated best supporting actor, ang Mallari, kung saan ang papel niya ay sex worker na si Didi.
Best actor si Tommy sa Cinemalaya 2022 para sa pelikulang The Baseball Player.
Read: Presenting Cinemalaya 2022 winners; Max Eigenmann wins Best Actress
Para sa pelikulang Kalel, 15 (2019), itinanghal si Elijah na best actor sa 43rd Gawad Urian, 17th Asian Film Festival sa Rome, at 16th Harlem International Film Festival.
Sa 6th EDDYS awards ng SPEEd noong nakaraang Nobyembre, nagwaging best actor si Elijah para sa Cinemalaya 2022 film na Blue Room.
Read: 6th Eddys: Max Eigenmann at Janine Gutierrez, tie sa best actress; Elijah Canlas, waging best actor
GORGY RULA
Nagbida si Elijah sa dalawang teleserye sa TV5, ang Paano Ang Pasko?/Paano Ang Pangako? (2020-2021) at Suntok Sa Buwan (2022).
Bago ang Senior High ay napasama muna si Elijah sa The Iron Heart (2022-2023) ng ABS-CBN.
“I did a couple of seryes din po with Cignal Entertainment before pero iba po yung ABS of course,” sabi ni Elijah sa mediacon.
“I remember lang yung mga first TV experiences ko kasi it was honestly not fun, made me want to quit acting.
“So, medyo iniiwasan ko po talaga yung TV for the longest time. Pero dahil nga po sa group of people na ito, sa team na ito, umoo ako.
“Tapos nung nag-pitch po and everything, it was something that was exciting for me and something that I thought was really fresh for TV.
“Kaya payag ako, tapos ang saya lang. Ang saya ng world building dito sa Senior High, ang character building.
“Pero yung TV, iba po talaga siya, e. It’s like an exercise of discipline, urgency, kung gaano ka kabilis mag-internalize or whatever, kung gaano ka kabilis mag-memorize.
“And discipline talaga. Kaya ang daming learnings of course, and at the same time, I don’t mind doing it again.”
Nagpasalamat si Elijah sa Team Senior, partikular sa Dreamscape Entertainment na nagtiwala sa kanya sa nasabing opportunity.
NOEL FERRER
Si Kokoy de Santos ang katambal ni Elijah sa Pinoy BL series na Gameboys na nakadalawang season.
Gumanap doon si Miggy bilang childhood friend ni Elijah, na may gusto pala sa kanya.
Ang naging love interest kapagkuwan ni Miggy ay si Kyle Velino, na ang papel ay ex-BF ni Kokoy.
Tampok naman sina Kokoy, Miggy, at Sue Prado sa pelikulang Anak Ka Ng Ina Mo, na idinirek ni Jun Robles Lana.
At any rate, nakadalawang bilyong views na sa TikTok ang Senior High. Kaabang-abang ang twists and turns ng serye.
Tuluyang magwawala si Z (Daniela Stranner) sa Northford prom night dahil sa mga bangungot niya kay Luna.
Maglalabasan na rin ang mga baho nina Harry (Baron Geisler) at William (Mon Confiado) na maaaring magdulot ng mas malaking sigalot sa pagitan ng kani-kanyang pamilya.
Mapapanood din ang Senior High sa labas ng Pilipinas sa pamamagitan ng iWantTFC at The Filipino Channel (TFC) sa cable at IPTV.