NOEL FERRER
DAY 4 RECAP: Manila International Film Festival (MIFF)
Last day ng pagpapalabas ng Metro Manila Film Festival (MMFF) 2023 entries sa MIFF kagabi, February 1, 2024.
Obvious hit on this day is GomBurZa, na nagkaroon ng extra screening nitong Pebrero 1, Huwebes ng hapon, at isa pa sa gabi which closed the MIFF.
May early screening din ng Mallari na puno rin.
Then, kagabi rin ang Talk Back premiere ng Family Of Two (A Mother and Son Story) with Alden Richards in attendance.
I was wondering why wala man lang direktor or producer na kasama si Alden, pero he managed naman.
One of the highlights, too, of MIFF 2024 ay ang dialogue ng mga taga-industriya natin, led by the FDCP, producers and actors with the MMDA sa Metro Manila Council and the Mayors.
Agenda: ZERO AMUSEMENT TAX for local films for three years; how to ease the process of doing business with government—gaya ng pagkakaroon ng standardized guidelines ang mga LGUs para sa permits to shoot and actor’s welfare on set, atbp.
Pag-uusapan pa ito sa Metro Manila Council.
Pero grabe lang ang suporta ng ating local leaders.
SALAMAT sa lahat for coming together and working for a shared vision for our industry!!!!
Sana, mas maging masigla pa at masaya ang susunod na mga linggo sa box office!!!
GORGY RULA
Ang ganda ng pag-uusap ng FDCP, kasama ang MMDA, executive committee ng MMFF, at ilang alkalde ng iba’t ibang munisipalidad.
Napanood ko ito sa Instagram account ni Sir Noel Ferrer.
Ang gandang pakinggan na sumusuporta sina Mayor Francis Zamora ng San Juan, Mayor Jennie Sandoval ng Malabon, Mayor Emi Calixto-Rubiano ng Pasay City, at si Mayor John Tiangco ng Navotas City.
View this post on Instagram
Nilinaw rin ng president ng Philippine Councilors League, na si Councilor Carol Cunanan, na noong 2015 pa ay 10 percent lang ang kinukuha nilang amusement tax sa mga pelikulang ipinapalabas sa kanilang mga sinehan.
Kapag Filipino films ang nagsu-showing ay mas mababa pa: five percent lamang ang kinakaltas.
Bago pa umalis ang team ng FDCP patungong MIFF sa Los Angeles, California, sinamahan nila ang film producers na makipagkita kay DILG Secretary Benhur Abalos para hilingin ang tatlong taong tax holiday.
At ngayon ay muling pinag-usapan ito sa Amerika, at nakakatuwa na nagpahayag na ang ilan ng kanilang suporta.
Sana matuloy na talaga ito, dahil ito na lang palagi ang pinag-uusapan tuwing MMFF. Sana this time ay totoo na talaga at hindi lang prank!
Samantala, magkatuwang sina Councilor Aiko Melendez at Alfred Vargas sa pagsumite ng resolution para sa pelikulang Rewind, na kinunan ang ilang eksena ng pelikula sa Quezon City.
Ipinasa nila noong January 25 ang resolution expressing the sincerest congratulations and commendation of the City Mayor, Honorable Ma. Josefina G. Belmonte; the City Vice Mayor, Honorable Gian G. Sotto; and the Honorable Members of the 22nd City Council.
Ang commendation ay para sa artists and production team ng 2023 Metro Manila Film Festival (MMFF) movie Rewind as the highest-grossing Filipino film.
JERRY OLEA
Suportado ni MTRCB Chairperson Lala Sotto ang MMFF 2023.
Namataan ko siya sa premiere night ng Family Of Two (A Mother and Son Story) noong Disyembre 17 sa TriNoMa, Quezon City.
Noong Disyembre 25, Araw ng Pasko na first day ng MMFF, nasilayan muli siya sa TriNoMa para manood ng sine.
“Of course, we want the movie industry to thrive,” sabi ni Chair Lala Sotto sa courtesy call ng Society of Philippine Entertainment Editors (Speed) noong Enero 30, Martes, sa tanggapan ng MTRCB sa Timog Avenue, Quezon City.
“Galing! Galing nung filmfest. I think pabalik na talaga, 'no?”
Napi-feel niyang sisigla muli ang local movie industry?
“Yes, napi-feel ko! Ha! Ha! Ha! Ha!” masayang paghalakhak ni Chair Lala.
Kung mahigpit ang Movie and Television Review and Classification Board sa TV shows, medyo lenient ang ahensiya sa mga pelikula.
R-13 ang Anyone But You.
R-16 Without Cuts ang I Am Not Big Bird ni Enrique Gil.
Maging ang critically-acclaimed na Poor Things ay aprubado sa MTRCB.
“Kasi we are really stricter with television programs. Because children can just watch easily with just a remote control,” pagmamatuwid ni Chair Lala.
“Sa movies, sa theatres, we have full control. We are able to tell cinemas not to accept children below a certain age group, that’s why.
“And then, each material, or every material, every movie submitted to us, whether it’s a publicity material… a television program that is complained about, is all subject to the interpretation and the judgment of the board.
“Yung sa movies kasi, may kanya-kanyang assigned board members who will be reviewing, and issuing a classification permit.”
Inirereklamo pa ba ang mga pelikulang ipinapalabas?
“So far, wala naman. Kasi nga, rated naman siya, e. Ang sagot diyan is, precisely why it was rated this particular rating,” tugon ni Chair Lala.
Ang isyu ay kapag may pinapasok na paslit sa R-16 or R-18 movie.
In fairness, sa pagmo-monitor ko sa mga sinehan, mahigpit ang mga takilyera. Kung tingin nila ay wala pa sa tamang edad ang gustong manood ng movie na R-13 o R-16, hinihingan nila ng ID.
Sa premiere night ng Kampon sa SM Megamall, hindi pinapanood ang bidang child actress na si Erin Espiritu.
Pahayag ni Chair Lala, “Kasalanan yun ng cinema kung nagpapasok sila ng kunwari lang, ang rating ay R-18, bakit ka nagpapasok ng 10 years old? O ng 13-year old?”
May Pribyuhan weekly movie rating guide na inilalabas ang MTRCB.
Kapansin-pansin na walang R-18 movies nitong mga nakaraang buwan.
Kung may R-18 man, meron ding R-16 version iyon para maipalabas sa SM Cinemas.
“Kung may R-18, nag-a-adjust sila on their own para maging R-16 at maipalabas sa SM. Yun ang nagiging concern nila,” sambit ni Chair Lala.