JERRY OLEA
Napatunayan ni Ruby Ruiz na napaka-generous ni Nicole Kidman nang makatrabaho niya ito for eleven months sa Hong Kong at Los Angeles, California, para sa limited series na Expats.
Read: Ruby Ruiz mesmerized by Nicole Kidman's acting in Prime series Expats
“Pero hindi ako nagpapatalo dahil binigyan ko siya ng pandesal!” pagsisiwalat ni Ruby sa mediacon noong Enero 30, Martes, sa studio ng Cornerstone sa Mother Ignacia Avenue, Quezon City.
Gumanap si Ruby sa Expats bilang Essie, ang nanny ng mga anak ni Margaret Woo na ginampanan ni Nicole, na tinatawag nilang NK o Madame.
Salaysay ni Ruby, “Ang maganda dun sa role ni Essie, like any other, di ba, English ako pag kausap ko si Madame at saka si Sir.
“Pero pag yung mga bata, pag wala si Madame at si Sir, mag-Tagalog ako. Di ba?
“So for example, meron dung eksena na parang ayaw ng mga bata yung dinner buns na yung the usual na parang pan de limon, di ba? ‘You want pandesal?’ or something, parang ganun.
“Sabi talaga ni Margaret, sabi ni Nicole, sabi niya, ‘What’s pandesal, sorry?’ Ginoogle kaagad nila, pagkatapos, ‘What’s pandesal? Let’s ask Ruby.’
“So in-explain ko. ‘You usually eat it in the morning for breakfast but you can also eat it anytime of the day. It’s like our dinner bun,’ ganun. ‘Is it sweet?’
“Tanong siya nang tanong, ang dami niyang tanong! Ang daming Q&A, ganun, ang daming talk show ni Mommy na feeling ko, gusto lang niyang matikman.
“So, nag-order tayo ng pinakamasarap na pandesal. Siyempre hindi naman tayo papahuli. Noong natikman nila, gustung-gusto nila.
“Very generous si Nicole, not just sa akin but to everyone. Pero sa akin natutuwa kasi siya, so may mga gifts akong natatanggap sa kanya, yon.
“Saka kung magpaandar dun si Madame, kunwari ganun… nakalimutan ko yung tawag, e… parang pandesal…
“Ahh, mahilig pala siya sa mga ganito? So nagpadala ng isang kiosk ng… hindi croissant, e, nakalimutan ko na ang tawag, parang ganun. Malambot na tinapay na ano.
“Yon, tapos tatanungin na niya ako, ‘Hey, have you tasted it?’ Kasi dun, pag artista ka, puwede mong iutos lahat. So, ikukuha ka ng PA. ‘No, I want to line up.’
“Kasi, madami akong hihingin dahil iuuwi ko pa sa apartment. Kung iutos ko, siyempre mahihiya ako.
“Kaya yung apron ko dun sa costume ko, maraming laman na kung anu-ano.”
Anim na episodes ang Expats. Ang Episode 1 (“The Peak”) at Episode 2 (“Mongkok”) ay nag-streaming umpisa Enero 26, Biyernes, sa Amazon Prime Video.
Nitong Pebrero 2, Biyernes, nagsimula ang streaming ng Episode 3 (“Mid-Levels”).
Ang susunod na episode ay sa Pebrero 9.
Ang penultimate episode ay sa Pebrero 16, at ang finale ay sa Pebrero 23.
Maliban kina Nicole at Ruby, nasa cast ng Expats sina Sarayu Blue, Ji-young Yoo, Brian Tee, Tiana Gowen, Bodhi del Rosario, Amelyn Pardenilla, at Jack Huston.
Read: Prime series na Expats starring Nicole Kidman, may Tagalog dialogues
GORGY RULA
Inamin ni Ruby Ruiz na bawal kumain sa loob ng set ng Expats, pero hindi siya nagpaawat.
“Kunyari nag-breakfast kayo ng 7:00 a.m., you count six hours after yung next meal,” kuwento ni Ruby.
“Di ba tayo, breakfast tayo ng 7:00 a.m., alas dose kakain na tayo. Hindi, hindi ganun sa set. E, bawal sa akin ang nagugutom talaga, OK.
“So meron akong maliit na tote bag na katcha, ganyan, merong laman yun na kung anik-anik! May candy, chocolate. May chips.
“So pag gutom ako, nasa isang sulok ako, susubo ako. Nakaupo ako sa ano… lagi niya akong nahuhuli! Tapos, gaganun ako. Tapos kikindat siya sa akin, parang ganun.
“And nung una nga niya akong tinawag na naglalakad ako dun sa pakalat-kalat ako sa labas ng studio, sabi niya, ‘Hey Ruby!’ Napaganun ako. ‘Yes, you!’
“Hindi ako makapaniwala na ano. Kasi, ang trato nila sa iyo bilang ano, kapantay lang nila. Totoo yun, hindi ano yun.
“They really treat you like an equal. Because I think that’s very important for the actor, ganun.”
Maski iyong mga taga-production ay lubos ang respeto sa kanya.
“Akala nga nila, sikat na sikat ako dito! Oo, sobra… sobra ang respect, too much. I would always correct them,” lahad ni Ruby.
“Because si Nicole was one of the first to thank me, ‘Thank you for accepting this role. We know that you are an actress in the Philippines.’
“Ako talaga… HA?! Kayo ang ano, ‘Thank you for approving that I play the role of Essie because it’s a once-in-a-lifetime experience, my God!’
“Tapos sobra silang magalang. Mataas ang respeto nila sa tinatawag na craft. At bawal dun ang ano, yung may mararamdamang kang parang inaano ka, yung racist. Bawal na bawal sa kanila.
“Especially dun sa ginagawa namin which is Expats. Ano yun, e, iba-ibang nationalities. Merong Korean, merong Indian, merong Filipino, you know.
“Even the staff and the actors, we come from all over the world. Our female cinematographer, taga-Spain, OK. Our assistant director is from Australia.
“Merong mga Australian actors. Merong mga Chinese actors. Iba-ibang nasyon. So, kailangan talaga, United Nations ang ano. Pantay-pantay ang pagtrato.”
Read: Ruby Ruiz, angat ang acting; napahanga niya maging si Nicole Kidman
NOEL FERRER
Dumalo si Ruby sa premiere ng Expats noong Enero 21, Linggo, sa Museum of Modern Art (MoMA) sa New York City.
View this post on Instagram
“Yung bata roon, ganun kaliit, ngayon ang laki na! Ang tangkad,” sabi ni Ruby.
“Even when we were shooting, nung patapos na, yung last leg ng shooting, ang lalaki na nila, ang tatangkad.
“So ang blocking, iniiba na. Kailangan nakaupo na lang para hindi mahalata. Tapos ako, tumaba na, ganun. Because of the span of time.
“We started this 2021. Pero sila, naunang mag-start, two years yata ang pre-prod nila.”
Kumusta ang reunion nila sa MoMA?
“Ay! Grabe! Ang saya! Nabali nga ang takong ng sapatos ko sa sobrang ano. Sobrang saya!” bulalas ni Ruby.
“Kasi ang tagal naming hinintay, OK. Everybody was restless. Everybody was ano, you know, ‘Kailan ba talaga?’
“Siyempre may mga announcement. Ilalabas na, kunwari natapos na, ganito. 2022, sabi lalabas na. Tapos hindi.
“Hindi ko alam yung iba pang mga problema, e. And then 2023, na-extend nang na-extend. Walang katapusan na extension.
“So, nung nagkita-kita kami, grabe! Grabe! Alam mong merong mga pinagsamahan, malalim yung pinagsamahan niyo.
“Na finally eto na, it’s like graduation na. ‘We made it!’ Yon. ‘Finally!’ sabi kong ganun, ‘It’s going to be shown.’”
Glam-glam siyempre sila sa MoMA premiere, ibang-iba sa hitsura nila noong nagsusyuting. Ang saya-saya!
“Yung suot kong gown ay gawa ni Paul Cabral na pinagawa ng isang kaibigan, na hindi pa nun sigurado kung kailan ang premiere, kung meron man,” saad ni Ruby.
“Sabi niya, ‘Ipapagawa na kita. Magkakarun yan!’ Si Flora Chua, OK, si Tita Flora.
“Pero takot na takot ako nun, parang wala pang ina-announce kung may premiere. Saan ko kaya isusuot yung gown? Buti na lang, natuloy.”
Kung anu-ano ang ipinadala sa kanya ng ever supportive co-star niya sa Linlang at naging kaibigan na si Maricel Soriano.
Revelation ni Ruby, “Ang nagamit ko na lang, yung coat. But she gave me options. Para silang nagko-contest ni Flora Chua. ‘Kung ayaw mo niyan, ito. Ito, ito, ito!’
“Ganun, very, very generous. I feel so blessed to be provided by a lot of people. Pati sapatos ko, hindi akin. Pati bag, jewelry… ayun, nasoli ko na!
“Yung mga alahas, sinoli ko kaagad. Yung pinapahiram sa akin ni Inay, sobrang… ahh, ‘Inay, ayoko,’ natakot ako!
“Baka may mangyari, mawala. Ibabayad ko ang buhay ko?”