JERRY OLEA
Dumalo sina Enrique Gil, James Reid, at Issa Pressman sa premiere night ng pelikulang Lisa Frankenstein nitong Pebrero 6, 2024, Martes, sa SM Aura, BGC, Taguig City.
Ito ay bilang suporta kay Liza Soberano, na malaki ang role sa naturang horror-comedy film.
Read: REVIEW: Liza Soberano’s campy Lisa Frankenstein shocks and awes
Sa billing at laki ng exposure, pangatlo si Liza, after ng mga bidang sina Kathryn Newton at Cole Sprouse.
Paungul-ungol lang si Cole sa mga dialogue niya kaya after Kathryn, si Liza ang may pinakamaraming dialogue.
Bago ang screening ay may mensahe ni Liza na ipinalabas.
Aniya, “Thank you so much to all of you, my dear friends and supporters for celebrating this special moment with me.
“I’m so sorry I cannot be there in person but I feel so warm and encouraged to know that I have people back home rooting for me.”
Pinasalamatan siyempre ni Liza ang kanyang Maya family na nag-host ng premiere night.
Dagdag ni Liza, “Lisa Frankenstein has been such an incredible and life-changing experience for me.
“It was an opportunity for me to grow and challenge myself. It was a chance to start from scratch, to be a newcomer that has something to prove.
“And for that, I am so thankful to my Lisa Frankenstein family for making my first experience in Hollywood a positive one.
“I wanna say thank you so much to Focus Features for having me. Of course to our incredible director Zelda Williams, and writer Diablo Cody, for allowing me to be part of your vision.
“And to my amazing co-actors Kathryn, Cole, Henry [Eikenberry], Carla [Gugino], Joe [Chrest], and to the rest of the cast and crew, thank you so much guys for welcoming me so warmly and for making each day on set a memorable one.
“Once again, thank you all for coming to this premiere. I hope you enjoy this hilarious, quirky and fun movie that Lisa Frankenstein is.
“And I hope I make you all proud of my portrayal of Taffy. So now, I proud present to you Lisa Frankenstein.”
Todo sigaw at palakpak ang dear friends and supporters ni Liza.
May bahid ang pelikula ng sci-fi horror film na Bride of Frankenstein (1935).
Ang setting ng Lisa Frankestein ay taong 1989. Central character ang 18-anyos na goth na si Lisa Swallows, na ni-reanimate ang isang bangkay mula sa Victorian era.
R-13 ang rating ng MTRCB sa Lisa Frankenstein. Puwede lamang ito sa mga manonood na edad 13 pataas.
Kasabay nitong nag-open sa local cinemas ang pelikulang Ikaw Pa Rin Ang Pipiliin Ko nina Aga Muhlach at Julia Barretto, ganoon din ang No Way Up, Mean Girls, Sorry, Charlie, at Tokyo Revengers 2 Part 2: Bloody Halloween — Final Battle.
Pebrero 9, Biyernes, ang wide opening ng Lisa Frankenstein sa North America, kasabay ang wide opening ng Skin Deep, Turning Red, Popular Theory, at Float.
Sa Pebrero 14 naman ang opening sa local cinemas ng comedy film ni Enrique Gil na I Am Not Big Bird, kung saan co-stars sina Pepe Herrera, Nikko Natividad, at Red Ollero.
Kasabay ng I Am Not Big Bird ang opening ng Slay Zone nina Pokwang at Glaiza de Castro, Pasional nina Andrea Torres at Marcelo Melingo, Madame Web, Double Blind, at Poor Things.
GORGY RULA
Pinuri ang acting ni Liza Soberano sa Lisa Frankenstein.
Hindi lang so-so ang role niya kundi markado at talagang mapapansin siya sa pelikulang ito.
Read: How Hollywood film critics react to Liza Soberano's performance in Lisa Frankenstein
Kaya excited ang manager niyang si James Reid sa mga nakalaan pa sa Hollywood career ni Liza. Hindi raw niya muna puwedeng i-share, basta abangan na lang daw natin.
“I really can’t speak too much on right now. But, she’s currently in L.A. She’ll be there for awhile. She does a couple of projects coming soon,” pakli ni James.
Ganundin ang dalangin ni Enrique na sana, tuluy-tuloy na ito at matupad ang matagal nang pangarap ni Liza.
“I hope so, you know. This is her dreams. So whatever she wants to do in her life and this is her dream, I’m all for it,” sabi naman ni Enrique.
NOEL FERRER
Sana nga, maging successful si Liza Soberano sa kanyang Hollywood dream.
At sana, masasabi natin na ganun din kay Enrique Gil sa kanyang I Am Not Big Bird movie project dito.
Maganda rin lang na patuloy silang nagsusuportahan kahit pa hindi na sila...
Teka, hindi na nga ba sila? Parang okay pa rin naman sila, di ba?
Read: Enrique Gil confirms he and Liza Soberano are still together