JERRY OLEA
Number 1 ang Dune sa talaan ng Top 10 Movies in the Philippines Today sa Netflix.
Ang ganda ng timing ng streaming ng nasabing sci-fi movie starring Timothée Chalamet.
Ang sequel nito na Dune: Part Two ay ipapalabas na sa local cinemas umpisa Miyerkules, Pebrero 28, 2024.
Makikipagsalpukan sa Dune: Part Two ang romantic film nina Beauty Gonzalez at Kelvin Miranda, ang After All, na kinunan sa Bolinao, Pangasinan.
Tuloy kaya ang showing ng The Buybust Queen ni Phoebe Walker sa Pebrero 28? Nakita ko ang poster nito na nakalagay sa may lobby ng sinehan sa SM The Block sa Quezon City kamakalawa nang um-attend ako sa premiere doon ng Apo Hapon (A Love Story).
Streaming sa Netflix umpisa ngayong Pebrero 24, Sabado, ang Cinemalaya 2023 film na Iti Mapukpukaw (The Missing).
Isa itong animated film na tinampukan nina Carlo Aquino, Gio Gahol, at Dolly de Leon.
Last year ay nag-number 1 sa Netflix PH ang apat na pelikula na bida si Carlo—Seasons with Lovi Poe, I Love Lizzy with Barbie Imperial, Third World Romance with Charlie Dizon, at Love You, Long Time with Eisel Serrano.
Magna-number 1 din kaya sa Netflix ang Iti Mapukpukaw kung saan accla (or gay) ang character ni Carlo, at lalaki ang kanyang love interest?
E, sa Marso 1, mag-i-streaming naman ang horror trilogy na Shake, Rattle & Roll Extreme, na pinangunahan nina Iza Calzado, Jane Oineza, at Jane de Leon.
Scene-stealer doon si Ninong Ry.
Marso 13 ang streaming ng pelikulang Para Kang Papa Mo, starring Nikko Natividad and Mark Anthony Fernandez, sa direksiyon ni Darryl Yap.
Marso 14 ang streaming ng comedy special ni Red Ollero na Mabuhay Is A Lie.
Sa Marso 25 naman ang streaming ng DongYan film na Rewind, kung saan tampok din si Pepe Herrera bilang Lods.
Read: Rewind, first Filipino film na naka-PHP900M sa box office; MIFF sa Hollywood nagsimula na
Sina Nikko, Red, at Pepe ay co-stars ni Enrique Gil sa pelikulang I Am Not Big Bird, na on its second weekend na sa mga sinehan.
Read: I am Not Big Bird ni Enrique Gil malaki kaya ang kinita sa box office?
Isa na lamang ang Pinoy film sa listahan ng Top 10 most watched sa Netflix PH today, ang English Only, Please nina Jennylyn Mercado at Derek Ramsay. Nasa ikaanim na puwesto ito.
Naligwak na sa talaan ang Apag, Trip Ubusan: The Lolas vs Zombies, at As If It’s True.
Isa rin lang ang Pinoy series sa Top 10 TV shows today sa Netflix PH, ang DonBelle series na Can’t Buy Me Love. Nasa ikasiyam na puwesto ito.
Read: DonBelle's Can't Buy Me Love main cast and their roles
Ang Top 10 Movies in the Philippines Today sa Netflix — Dune, Mad Max Fury Road, American Made, Gran Turismo, The Huntsman: Winter’s War, English Only, Please, RIPD: Rest In Peace Department, The Devil Wears Prada, Einstein and the Bomb, at Ambulance.
Ang Top 10 TV Shows in the Philippines Today sa Netflix — Avatar: The Last Airbender, House of Ninjas, Doctor Slump, Ready Set Love, A Killer Paradox, Warrior, Solo Leveling, Eye Love You, Can’t Buy Me Love, at One Day.
NOEL FERRER
Sa pagne-Netflix ng Rewind, dadami pa lalo ang supporters nito hindi lang sa Pilipinas kundi sa regions kung saan ipapalabas ito.
Back to streaming talaga ang mga tao. Kaya kahit may chance, nakakakonsensiyang gumamit ng MTRCB Deputy card, na nagagamit para libreng makapasok sa sinehan.
Kasi parang tulong na lang natin sa ating industriya ang panonood ng sine at pagbabayad ng ticket dito.
Sana, pag-usapan talaga kung paano ma-e-engganyo ang mga taong bumalik sa sinehan—hindi lang tuwing Kapaskuhan sa MMFF.
GORGY RULA
Agree ako riyan, Sir Noel! Kaya hindi na rin ako nag-effort na kumuha ng MTRCB Deputy card dahil sa buong 2023, dalawang beses ko lang nagamit ito nagamit.
Yung ibang local films na ipinalabas nung nakaraang taon ay ibinili ko na talaga ng ticket, kahit napanood ko na sa premiere night. Yun na lang puwede nating maitulong.
Hindi lang naman dito sa atin mahina ang mga sinehan, kundi sa buong mundo dala na rin ng streaming services.
Kahit ako ay sobrang kuntento na sa sinusubaybayan ko sa Netflix na Can’t Buy Me Love, at sinimulan ko na rin ang Thai BL na To Be Continued, at sinisilip-silip ko na rin ang Single’s Inferno.
Sa mga pelikula ay doon ko na napanood ang Instant Daddy at Wish You Were The One. Pinanood ko ulit doon ang As If It’s True at Love Simon.
Sa Amazon Prime naman ay sinusubaybayan ko roon ang Expats, at manghang-mangha naman ako sa napakagandang kuwento at pabulosang production design ng seryeng The Gilded Age sa HBO Go.
Ang laki talaga ng nagagawa ng streaming service kapag hindi ka na mag-effort na lumabas at gumastos para manood sa sinehan.
Kaya nakakahiya naman kung malilibre ka pa ng MTRCB Deputy card kung gusto mong manood ng pelikula sa sinehan.