GORGY RULA
Emotional si Lovi Poe na humarap sa ilang miyembro ng entertainment press sa Super Sam restaurant, sa Quezon City, ngayong Martes, February 27, 2024.
Isa raw sa dahilan kaya bumalik siya ng bansa ay para makasama ang isa sa mga alaga niyang aso, si Phoebe, sa mga huling araw nito.
Si Phoebe (nasa kanan) ay babaeng Shih Tzu na labimpitong taon niyang nakasama.
Read: Lovi Poe ends FPJ’s Batang Quiapo stint; her character Mokang dies
View this post on Instagram
“Yes, 17 years ko na po kasama si Phoebe. Nandiyan siya sa bawat stage ng life ko,” medyo gumagaralgal ang boses sa sabi ni Lovi nang nakapanayam ng PEP Troika.
“It’s such a difficult time kasi nga okay pa siya nung umalis ako, and then I just didn’t expect na pag-uwi ko, ganun na yung kalagayan niya.
“The main reason why I flew back talaga was to spend some time with Phoebe.”
Kailangan ay nandito si Lovi bago "patulugin" si Phoebe dahil nahihirapan na ito sa sakit na cancer.
Kuwento ng Kapamilya actress, “Nagkaroon siya ng tumor sa face niya.
"But before that, two years ago, she already had, like, tumor din inside sa body niya. And then, basically, sinabi sa akin ng vet na she’ll be given, like, six months to live.
"But then, I’m just so grateful na she gave us two years pa.
“So ayun! And she was still strong when I left, that’s why it felt so unexpected.
“Although sinabi sa akin na may six months siya, pero binigyan pa niya ako ng two years.
"And then, I'm just so grateful for that. But even it’s like 17 years, it’s still short.”
Naiiyak na pagpapatuloy ni Lovi, “I think dog moms would understand, di ba? People who have pets… that they’re not just animals, they’re actually family.
“It’s hard, di ba, kasi when we tried to balance life and work and everything, parang I just… now, all I wanna do is make… I don’t wanna cry.”
Hindi na natapos ni Lovi ang kanyang sasabihin dahil sa tuluy-tuloy na ang kanyang pagluha.
Isang linggo lang sa Pilipinas si Lovi at babalik na siya ng Amerika bukas, February 28.
Inayos lang daw ni Lovi ang cremation ni Phoebe at inuwi na ang mga labi nito sa bahay niya kahapon.
Inaayos na rin ng aktres ang mga requirement para maisama niya sa Amerika ang isa pa niyang alagang aso, si Señor, na isang Maltese.
View this post on Instagram
NOEL FERRER
Isa sa na-realize ni Lovi ay ang pagpapahalaga sa mga nakakasama niya sa buhay, bukod sa kanyang pamilya.
“You really don’t know the value of things, the value of life and everything.
"So now, when you’re older, that’s when you realize that, you know… that’s when I get closer even more pa.
“Ayun! That’s why I always make time not just for your dogs but the people you love. I think that’s one thing that I learned from this,” saad ng 35-anyos na aktres.
Sinikap ni Lovi na isingit sa kanyang schedule na makaharap ang ilang miyembro ng entertainment media. Bilang pasasalamat na rin daw ito sa mga nakasama niya sa lahat ng bahagi ng kanyang buhay at showbiz career.
“Ever since, like, you guys have been part of me. So, I’m really grateful sa inyong lahat, each and everyone of you, I’m just really grateful.
"Kasi talagang, you know, if anything, you guys would always be there for us. Not just that me… I just wanna say thank you.
“What I said, I don’t want in such a dramatic moment, but yun nga…. it’s not something that I would usually say to anybody.
"But I really do value each and everyone of you. So, thank you so much,” seryosong pahayag ni Lovi.
Isa sa magandang balitang ibinahagi ng aktres ay ang ipinatayo niyang film production kasama ang asawang si Monty Blencowe.
Read: WEDDING ALBUM: Lovi Poe and Monty Blencowe
Sisimulan na raw nila ang first project ng film production nilang mag-asawa, ang C’est Lovi Productions.
Ayon kay Lovi, “Ang pinaka-goal ng C’est Lovi Productions is yung showcase Filipino talent and, hopefully, you know, bring Filipino talent internationally, and globally.
“Kasi ako, I’ve been in the industry for quite sometime… marami tayong magagaling na actors, directors, writers. And I just… I think that would be nice to see everyone, you know, the best of the best excel globally as well.
“So, we’re working on this for film, and that’s one thing that we’re producing this very moment,” saad ni Lovi.
During her short trip to the Philippines ay nakapunta pa siya sa Baguio at sumakay ng float para pasinayaan ang Flower Festival doon.
JERRY OLEA
Isang horror film daw ang ipo-produce nina Lovi at Monty, na balak nilang i-distribute sa international market.
“It’s written by Jerrold Tarog and it’s gonna be directed by Jerrold Tarog. We’re in the middle of casting at the moment.
"But, yeah! I’ll talk to you guys about it, the moment it’s completely iron out,” sey ni Lovi.
Sa pagkamatay ng aso ni Lovi, naalala ko tuloy ang kuwento ni Manay Lolit Solis sa mga aso niyang natetegi.
Hindi na niya ipinapa-cremate ang mga iyon. Bagkus, sinunod ni Manay Lolit ang payo ng kanyang girl friday na ilibing ang mga namamatay na aso sa kanilang hardin.
Read: Lolit Solis, gustong isama ang alagang aso pag ike-cremate siya
“Kaya tumataba yung mga halaman sa garden!” bulalas ni Manay Lolit noong Pebrero 22, Huwebes, sa Oriental Palace restaurant, Tomas Morato Avenue, Quezon City.
Labing-apat na aso na lamang ang alaga ni Manay Lolit, at matatanda na ang mga ito. Si Dyok-dyok pa rin ang katabi niya sa pagtulog.
“Malabo na ang mga mata ni Dyok-dyok. Inaamoy na muna niya ang pagkain bago kainin.”