JERRY OLEA
Magse-78 years old na si Nova Villa sa Abril 13, 2024, Sabado. May mga minememorya siyang dialogue sa shooting na nade-delete sa kanyang isip.
Mag-e-83 years old na si Noel Trinidad sa Agosto, at may pagkabingi na siya.
Seventy-three years old si Tessie Tomas, at nagma-manifest na sa kanya ang pagiging senior citizen.
Sina Nova, Noel, at Tessie ang mga bida sa pelikulang Senior Moments, sa panulat at direksiyon ni Neal “Buboy” Tan.
Pahayag ni Tessie sa storycon ng Senior Moments nitong Abril 7, 2024, Linggo, sa Limbaga 77 restaurant, Sct. Limbaga St., Quezon City, “Ako ang youngest sa aming tatlo, OK. Ahh kaya medyo maayus-ayos pa.
“Siyempre, may mga knee problem, ganyan-ganyan. Kaya lang, ang ipinagmamalaki ko, kayang-kaya ko ang pagratsada ni Buboy Tan.
“Kasi kagagawa ko lang ng Ikalawang Ina in the title role. Hindi ba, where it was such a you know… beautiful movie.”
May importanteng punto si Tessie bilang isang artistang senior citizen na.
Salaysay ni Tessie, “Meron lang kasi, artista yung tinutukoy ko, sa set o ewan ko kung sa meeting or what.
“Minsan, naano sila, slip of the tongue ng tungkol sa mga seniors. And of course, I am referring to younger actors and actresses na parang…
“Hindi ko na masyadong maalala pero… at hindi ko rin siyempre babanggitin ang one or two names of actresses na nagsabi noon na, ‘Ay! Ayoko yatang dumating sa senior moment ako, limot na!’
“Sabi ko, ‘Hoy! Senior na ako!’ I have to bring, you know… even if it’s a joke or whatever, whatever, ‘Ay! Hirap ka nang maglakad, senior ka na talaga!’
“Masakit iyon, di ba? So, pag may nakikita kayong ano mang karamdaman, kesyo pilay-pilay, kesyo nakakalimot ng line or something, o bingi — anuhin ninyo, try to be supportive.
“Because one day, darating ka rin dun. Yun ang importante. Yun ang appeal ko sa younger actors and actresses. You will not stay young forever.”
Bakit ayaw niyang tukuyin kung sinu-sino ang mga nasabing mas batang artista?
“Hindi na! Naku, iba-bash niyo pa ako! Hindi na, hindi na!” sambit ni Tessie.
“Nasabi ko lang. Saka anong tawag dun? Hindi nila naisip. ‘Ayokong dumating or whatever.’ ‘Ayokong maging kulubot.’ Ganito, ganun, ‘Kasi, ayokong maging senior.’
“Matagal na yun. Remember, I don’t live here. Antagal na nitong nangyari. Kaya lang, ako, para sa akin, since I’m a very frank person, sasabihin ko, ‘Uy, senior ako. Huwag kang magsalita ng ganyan. Mangyayari din sa yo ito.’
“I have no problem about that, calling your attention. Di ba? Kasi, respeto naman sa amin.
“Ganun din, kung nakalimot kami ng line, huwag niyong tatawanan. Kunyari for the younger people. E, mangyayari din sa yo ito one day.
“But right now, OK pa yung utak ko.”
Read: Noel Trinidad grateful for patience of Family Matters co-stars each time he asks, "Ano raw?"
GORGY RULA
Meron pa bang ibang okasyon o sitwasyon na na-disrespect si Tessie Tomas ng mas batang artista?
“Because I walk with a limp. Because I’ve had left and right hip replacement. So, hindi ko ikinakaila yon,” lahad ni Tessie.
“So, nun pa lang, sa The Blood Sisters [Pebrero-Agosto 2018]… alam naman ng lahat, hindi ko ikinakaila. Blood Sisters, hindi ba?
“So, parang sinabi ko kaagad sa start ng shoot, sabi ko, ‘Mga fellow actors, I’ve had left and right hip replacement, please, I walk with a limp. So my acting is from the waist up. But I think I’m a good actress.'
"Ginanun ko sila. E, totoo namang ano, totoo namang… ibig sabihin, ginagalingan ko yung akting ko.
“Pero at the same time, binigyan pa nga ako ng baston and all. Inihulog pa ako sa hagdanan, mga ganun-ganun.
“I don’t care. For as long as it’s part of the role, I don’t care, di ba? OK. Dirty Linen, same thing. Meron pa ring konting limp.
“Now I walk better but I can’t be pretending, di ba? Nakikita ko rin, bakit, maski na si Judi Dench walks with a limp. Or Helen Mirren, for instance.
“Bakit, iko-close up mo ang paa?! Iko-close up mo ang mukha. Thank you!”
Read: Noel Trinidad, gustong gumanap ng role na kinasusuklaman
NOEL FERRER
Bakit tinanggap ni Tessie Tomas ang Senior Moments project?
“Kaya ko tinanggap dahil Buboy Tan. Dahil alam ko na ang kalibre niya, at swak naman kami sa style,” lahad ni Tessie.
“But he’s a very fast director… at kumbaga, kaya niya lahat. Aata-atado niya yan. Kunyari, may nakalimutan kang line, ‘Take 2, o, sige! Recap tayo, ganito.’
“He will go with the music. He will adjust to you. At saka sabi nga niya, siya ang nag-e-edit. Kaya nothing to worry about pag nakalimutan mo yung mga lines mo.
“Kasi napagdudugtung-dugtong niya. Because he’s also editing it. Pero wa-warning-an ko kayo, Nova, Noel, ambilis niyang magtrabaho.
“So bilisan din natin. Kasi para matapos daw natin. O, di ba?”
Aside from this movie, masaya rin na pagkatapos ng Dirty Linen kay Tessie at Can’t Buy Me Love kay Nova ay may kasunod na silang project.
Nasa FPJ’s Batang Quiapo na si Tessie. Sila ang mga bagong Senior Curacha, mga Babaeng Walang Pahinga.