GORGY RULA
Excited si Lovi Poe nang nakatsikahan namin nitong Martes, Mayo 21, 2024, dahil sa susunod na linggo ay darating na ang kanyang asawang si Monty Blencowe.
Magtatagal daw rito si Monty para magkasama sila.
Read: Lovi Poe engaged to Monty Blencowe since December 2020
Sunud-sunod ang projects ni Lovi, pagkatapos ng shooting niya sa pelikulang Guilty Pleasure ng Regal Entertainment.
Kahapon ay nag-renew pa siya ng kontrata niya bilang brand ambassador ng SCD beauty products. May events ang naturang produkto na magiging bahagi si Lovi.
Happy lang si Lovi kahit wala siyang masasabing permanenteng residence.
Nandito siya ngayon sa Pilipinas, minsan sa Amerika naman para samahan ang kanyang asawa. At least ngayon ay matagal-tagal daw niyang makakasama rito si Monty.
“It’s not the typical set-up for most people. But you know what, we’re making it worth, and we want to make it worth.
“I’m just very very good that he’s very understanding and he supports it — whatever it is my goals. And I would like to do the same,” sabi pa ni Lovi.
Read: Lovi Poe ends FPJ’s Batang Quiapo stint; her character Mokang dies
LOVI POE AND MONTY BLENCOWE GET TANNED
Natuwa ang mga taga-SCD sa pagiging morena o kayumanggi ni Lovi.
Pero naloka kami sa kuwento ng aktres sa media conference ng endorsement niya na bago ang kasal nila ni Monty, nagpa-tan pa sila sa South of France.
Nagulat din daw si Lovi nang sinabi ng asawa niyang magpa-tan sila sa Southern France para maganda ang skin nila sa araw ng kanilang kasal. Na-achieve naman daw ni Monty ang tan na gusto nito.
“So funny, di ba? Sobrang random na hindi naman siya planado na trip. Na-achieve naman niya yung tan niya dun,” pakli ng premyadong aktres.
View this post on Instagram
NOEL FERRER
Napag-usapan din ang pagiging flat-chested na hindi naman itinanggi ni Lovi. Minsan ba ay naisip niyang magparetoke ng boobey?
“Matigas nga talaga yung ulo ko before. I was one of those people talaga na, ‘So what if I’m like this?’ Yung stubborn talaga ako.
“And I think it helped me a lot. I don’t know kung saan ko nakuha yung mindset na yun.
"But then, thankful ako, kasi now, parang I just realized na parang what makes you different, what makes unique, it’s gonna make you standout. It’s gonna make you shine."
Pero pag-amin ni Lovi, “To be honest, nag-slip siya sa head ko, 'Should I?'
"Kasi I remember before, they were telling me, ‘You should have your breast done.’ Like, 'Really?'
"But I’m so paranoid, sa totoo lang. I’m too paranoid to do anything like that. So, I’m happy that I didn’t.
“Now, I can wear anything I want. I can wear anything. Pero sa totoo lang, nakakainggit ang mga taong may side boob.
“Pag nakikita ko sila, like, 'sana all'!” natatawa niyang pahayag.
JERRY OLEA
Ang isa sa ikinatuwa ni Ms. Gracee Angeles na CEO ng SCD ay talagang nakikisalamuha si Lovi sa kanilang distributors.
“Lahat ng SCD family, they are requesting talaga to have Ms. Lovi Poe.
“Tinitingnan ko, ang ganda-ganda ng mukha niya, and her skin is morena, because we have other products na talagang… for example, sunblock. You have to protect your skin. Para makita nila na hindi lang pamputi ang SCD.
“And her face is bagay na bagay na sa amin. Very sophisticated, elegant, but kaya niya makisalamuha kahit kanino. Iyon ang nagustuhan namin sa kanya.
“Nung last na Penagbenga, talagang nakisalamuha siya sa mga distributors namin,” papuri ni Ms. Angeles kay Lovi.
Sobrang happy na raw si Lovi ngayon sa kulay niya, kahit isa ito sa panlalait na inabot niya noong nagsisimula pa lamang siya.
Read: Lovi Poe, biktima ng body-shaming noong nagsisimula siya sa showbiz