JERRY OLEA
Hindi muna ipapalabas ang pelikulang Pieta sa alinmang online platform.
Ini-announce ito ni Alfred Vargas sa thanksgiving celebration and fellowship nitong Hunyo 6, 2024, Huwebes, sa Supersam restaurant sa Sct. Tobias St., Quezon City.
Nagwaging best actor si Alfred sa 72nd FAMAS Awards noong Mayo 26 , Linggo, sa Manila Hotel para sa pelikulang Pieta kung saan co-stars niya sina Nora Aunor, Gina Alajar, at ang yumaong si Jaclyn Jose, sa direksiyon ni Adolf Alix Jr.
Read: 72nd FAMAS: Kathryn, Piolo, Alfred win top acting awards
Katuwiran ni Alfred, “Talagang exclusive ito sa mga gustong manood kay Nora Aunor, and hindi natin iaano muna sa streaming, at hindi ito mapapanood sa any streaming platform.
“But what we will do is, nakausap na rin natin ang SM. Pieta will be shown exclusively in SM cinemas, at itu-tour natin ito through special exclusive screenings.
“And right now, I’m happy to say, we already have several fully booked screenings all across the country.
“Tapos yung isang screening dun, si Superstar Nora Aunor mismo ang andudun.”
Kailan mag-uumpisa ang special screenings ng Pieta?
“Late June. We’re finalizing lang the dates, pero July onwards… Late June will be the special screening talaga with Ate Guy,” pagbabalita ni Alfred.
“It will be a tribute to her sa pagiging National Artist niya. Tapos July onwards, start na natin yung tour ng Pieta all across the country.”
THE NORA AUNOR MAGIC
Ano ang reaction ni Ate Guy sa pagkapanalo niya?
“Tinext niya ako the following morning. And tuwang-tuwa siya for me,” sambit ni Alfred.
“And for that, I thank Ate Guy. Kasi during the whole shoot, anlaki ng ginawa niya for me para magawa ko talaga yung karakter ko na pinakamaganda.
“And she never made me feel uncomfortable. Tapos ginabayan niya ako habang nagba-blocking, habang sa eksena. Tapos yung natural niyang galing.”
Read: Alfred Vargas, napatunayan ang "Nora Aunor magic"
Naging lucky charm niya si Ate Guy!
“Hindi lang. Tapos naramdaman ko yung Nora magic. Feeling ko, hindi ako mananalo ng award kung hindi dahil kay Ate Guy at kay Direk Gina Alajar na acting coach ko since two movies, three movies ago,” pagmamatuwid ni Alfred.
“At saka kay Miss Jaclyn, kaya nung speech ko, pinasalamatan ko si Miss Jaclyn Jose.
“Kasi we had very meaningful conversations sa set habang nagba-blocking kami.
“Eto, may kuwento ako. Habang nagba-blocking kami, isang big scene namin, very complicated yung blocking ni Direk Adolf.
“Tapos at one point, magsi-single camera siya. E, ang eksena na yon, si Nora Aunor, Gina Alajar, Jaclyn Jose saka ako.
“So big scene, tapos may konting action scene. So very technical yung blocking, as in bibilangin mo yung steps mo. Tapos yung anggulo mo, dapat perfect.
“So, maraming technical aspects. And bukod dun, merong mga deep acting aspect. Na habang nagba-blocking kami nina Direk Adolf, hinila ako ni Miss Jane [tunay na pangalan ni Jaclyn].
“Tapos pinag-usapan namin yung eksena. Tapos in the end, basta to cut the long story short, nung dun sa eksena, nung iniisa-isa na namin yung blocking, kasi complicated nga…
“Sabi na lang niya sa akin, ‘O, huwag na nating isipin. Damhin na lang natin.’
“Nung sinabi niya yon, nagklik na sa akin. Ahh OK, gets ko na.”
Read: Alfred Vargas, excited mapanood ang eksena kasama sina Nora Aunor, Gina Alajar, at Jaclyn Jose
NOEL FERRER
Pinag-uusapan hanggang ngayon ang pag-disrespect kay Eva Darren sa 72nd FAMAS Awards.
Naramdaman ba niyang na-overshadow ng Eva Darren issue ang pagkapanalo niya bilang best actor?
Read: Eva Darren, dinisrespeto sa 72nd FAMAS Awards?
“Para sa akin po, ano, for me personally, hindi siya na-overshadow,” malumanay na tugon ni Alfred.
“Para sa akin, in my own experience. Kasi, tuwing hawak ko yung trophy na ito, sobrang saya ko pa rin and I’m so honored.
“Ambigat-bigat ng trophy! So siguro, kung ano yung iisipin ng iba, parang hindi na rin important sa akin.
“Basta ano, meron tayong na-achieve na ngayon sa FAMAS, and at the end of the day, na-recognize yung ginawa natin sa Pieta.
“Ang saya-saya ko na! And that night, kasama ko itong matulog. Ginawa kong unan itong trophy.
“Actually hindi ako nakatulog sa sobrang saya. So siguro yung ibang issues, parang hindi naman siya naka-affect sa akin.
“Kasi, in terms of happiness, in terms of feeling proud, in terms of accomplishment and meaning, parang ako… hanggang ngayon, medyo high pa rin ako sa pagkakapanalo natin.”
Kabilang sina Eva at Alfred sa cast ng Kapamilya teleseryeng Pangako Sa ‘Yo (Nobyembre 2000-Setyembre 2002).
Si Eva ang gumanap bilang Belen, na nag-ampon kay Yna (Kristine Hermosa). Gumanap naman si Alfred bilang Dyno na naging love interest ni Yna.
Ayon kay Alfred, mahigpit silang nagyakapan ni Eva nang magkita sila sa 72nd FAMAS Awards.
Read: Eva Darren, kinabog ang winners at big stars sa 72nd FAMAS
GORGY RULA
Ano ang feeling ni Alfred na katabla niya bilang best actor sa 72nd FAMAS Awards si Piolo Pascual (Mallari)?
Read: Piolo Pascual admits being drunk in FAMAS best actor speech
Nakangiting sagot ni Alfred, “Nanalo lang, masaya na ako. Honestly that night, hindi ko talaga ine-expect.
“Kasi napansin ko, nung gabing yun, lahat ng nominated, nandun. Pero di ba, pag awards night, kung sino ang mananalo, siya na lang nagpupunta?
“Usually, di ba? Sabi ko, 'Ba’t lahat andun?' So, hindi ko na po talaga in-expect. Tapos sinabi ni Christopher de Leon, may tie.
“Sabi ko, ‘Uy! 33.3%, may chance ako. Kasi, kinompyut ko agad, anim kami. So, parang lumaki ang chance ko.”
BEST ACTOR NOMINEES
Bukod kina Piolo at Alfred, nominadong best actor sa nakaraang FAMAS Awards sina Cedrick Juan (GomBurZa), Ken Chan (Papa Mascot), Dingdong Dantes (Rewind), at Alden Richards (Family of Two).
Pagpapatuloy ni Alfred, “And much more so, nung unang tinawag ang pangalan ko, nagulat po ako.
“That time, bago tawagin ang pangalan ko, iniisip ko na kung ano ang ika-caption ko sa Facebook congratulating the winner para di ba, para ano na.
“Tanggap ko na. Pero yun nga, hangga’t wala sa yo yun, baka anything can happen.”
Ano ang naramdaman niya nang tawagin kapagkuwan si Piolo bilang katabla niya?
“E, I feel honored. Kasi, si Piolo… perennial best actor naman siya,” tugon ni Alfred.
“Tapos even in my Talent Center days, tinitingala naman siya. Tinitingala ko siya.
“Parang idol ko rin siya nun. Kasi, magaling. Magaling talaga na aktor. And I’m honored. I’m honored na ka-tie ko siya.
“And to think, lahat ng mga nominees, mahuhusay lahat. So ako, parang OK na ako just to be part of this. Di ba?
“Si Alden Richards, ang galing. Si Dingdong, ang galing sa Rewind. Si Piolo, ang galing. Tapos si Cedrick Juan, si Ken Chan, ang gagaling nila.
“So ako, I’m happy kasi yung simple at maliit naming pelikula, napansin. Kasi halos lahat yun, filmfest movies lahat.
“So kami, kami lang yung indie yon, and together with Direk Louie Ignacio’s movie, oo.”
Kasama si Alfred sa forthcoming Kapuso afternoon drama series na Forever Young, kung saan bida ang kapapanalo pa lang bilang FAMAS best child actor na si Euwenn Mikael para sa Firefly.
Read: Firefly star Euwenn Mikaell bida sa afternoon drama series ng GMA-7