JERRY OLEA
Napuruhan ni Rhen Escaño si Krista Miller sa bakbakan nila sa pelikulang Karma.
“May eksena na nasuntok niya ako sa mukha, as in,” sambit ni Krista sa premiere night ng Karma noong Hunyo 18, 2024, Martes, sa SM North EDSA, Quezon City.
“Nagkamali siya ng suntok. And then ako naman, siyempre umilag ako. Kaso nagkamali nga siya. So, tumama talaga siya sa mukha ko.
“Dito sa right side. Pero OK lang.”
Read: Krista Miller, ginagawang good karma ang bad karma
Namaga iyong nasuntok na bahagi ng mukha niya?
“Actually dumugo siya. Pero tuloy pa rin, tuloy pa rin ang eksena,” pagtatapat ni Krista.
“After na lang ng eksena, dun ako nag-react na, ‘Wait lang. Parang nasaktan ako, ahh?!’”
KRISTA MILLER-RHEN ESCAÑO FIGHT SCENE
Nagalit ba siya kay Rhen?
“Hindi, hindi. Kasi alam ko din naman na hindi naman intentionally gagawin ni Rhen yon,” sey ni Krista.
“Alam ko din naman na tinodo lang niya yung ginagawa niya, di ba?”
Gumanti ba siya kay Rhen?
Natatawang tugon ni Krista, “Gumanti ako sa suntok din.”
Nasa cast din ng Karma sina Sid Lucero, Roi Vinzon, Paolo Paraiso, Leandro Baldemor, at Cris Villanueva.
Showing na sa mga sinehan ang Karma umpisa Hunyo 19, Miyerkules.
Read: Sid Lucero shares non-conventional concept of karma
NOEL FERRER
First time ba iyon na “dinugo” o nasaktan si Krista Miller sa shooting?
“Ahhh hindi. Actually may mga nagawa na rin akong film na talagang may part na… nalunod ako,” sabi ni Krista.
Nangyari iyon sa shooting ng pelikulang Hukluban (2014) na idinirek ni Gil Portes. Katambal niya roon si Kiko Matos.
“Lumusong ako sa ilalim ng tubig. And then, inagos na pala ako sa ilalim. Tapos nagulat sila, hindi ako umahon,” pagbabalik-tanaw ni Krista.
“Yun pala, ang layo ko na. Which is pabagsak na. Konting ano na lang sa akin, nasa ano na ako. Hindi na nila ako mahahanap talaga.”
Read: Paolo Paraiso, walang limitasyon sa paghuhubad sa pelikula
GORGY RULA
Once in a while na lang nakakagawa ng pelikula si Krista Miller. Gaano niya na-miss ang pag-arte?
“Sobra, kasi ito naman talaga ang passion ko simula nung pagkabata ko,” sagot ni Krista.
Action drama ang Karma, kung saan birador o assassin ang papel nila nina Rhen, Sid, at Paolo.
“Yung character ko dito, palaban. Mature ang role ko dito, e. May pa-sexy din ako dito. May konting pa-sexy pero more on action talaga,” sabi ni Krista.
“Sa trailer naman, kitang-kita natin, pasabog talaga… Iyong pinakamatinding scene namin, yung sa Diplomat Hotel sa Baguio.
“May eksena kami dun ni Rhen na talagang fight scene. At may part na muntikan na kaming malaglag sa pinakaitaas ng Diplomat.
“Nakakatakot! Kasi talagang pag itotodo mo, hindi mo na mapapansin…”
Minulto ba sila sa Diplomat Hotel? Meron bang nagparamdam sa kanya?
Napangiti si Krista, “Hindi ako takot sa multo. Takot ako sa tao! Matakot tayo sa tao, huwag sa multo!”
KRISTA WILLING TO DO DARING SCENES
R-16 ang MTRCB rating ng Karma, kaya tame ang paghuhubad ni Krista, maging ang pakikipagharutan kay Roi Vinzon.
If ever, tatanggap pa ba siya ng daring project kung saan wagas ang hubaran at lampungan?
“Yes naman po. Kaya nga tayo binibigyan ng ganung project, kasi pasok pa rin tayo sa qualification ng ganung ano. Ba’t naman tayo tatanggi sa ganung blessing?” sey ni Krista.