GORGY RULA
Hindi itinatanggi ni Lovi Poe na malaki ang impluwensiya ng kanyang namayapang ama na si Fernando Poe Jr. sa tinatahak niya ngayon bilang isang producer.
Marami pa raw siyang gustong matutunan, pero ipinagpasalamat niyang nandiyan si Roselle Monteverde ng Regal Entertainment, Inc. na tumatayong mentor niya.
Anytime daw ay open ang line ni Roselle sa tawag niya.
Read: Lovi Poe producer ng upcoming film niyang Guilty Pleasure
Hindi matatawaran ang na-accomplish ng kanyang ama, sa dami ng FPJ movies na nagawa nito, at kahit konti lang dun ay gustong ma-achieve ng premyadong aktres.
“I am trying to do the same thing, and it’s wonderful because it’s something I’m most passionate about, which is acting.
“Now, I’m also venturing into producing good stories.
“I’ve been in the industry for quite some time, and we have many talented actors, directors, and writers. I think it would be great to see these talents excel globally,” saad ni Lovi.
LOVI IMBIBING SISTER SENATOR GRACE POE'S VIBE
Ang nakakatuwa pa kay Lovi, pati ang kapatid niyang si Senator Grace Poe ay gusto ring i-imbibe ng aktres sa kanyang role bilang lawyer sa Guilty Pleasure.
Ipinost ni Lovi sa kanyang Instagram account ang kuha sa shooting ng kanyang pelikula.
Caption niya rito, “This time, imbibing Senator Grace Poe for my role as Atty. Alexis.”
Doon na rin niya binati ang kanyang Ate Grace Poe.
View this post on Instagram
Bukas, October 16, Miyerkules, na ang showing ng Guilty Pleasure.
Pero magkakaroon ng premiere na gaganapin sa SM North EDSA The Block ngayong Martes ng gabi, October 15.
Read: Lovi Poe, "napilayan" sa pagpanaw ng manager na si Leo Dominguez
NOEL FERRER
Ang isa pang pinupuri kay Lovi ay ang pagiging malapit nito sa mga tao, at alam nilang kuha niya ito sa kanyang namayapang ama.
Sa nakaraang media conference ng Guilty Pleasure, ikinuwento ni Jun Lalin kung gaano kalapit si Lovi sa mga tao, na tiyak na namana raw nito kay FPJ.
Sa nakaraang mall show para sa promo ng Guilty Pleasure, na ginanap sa SM Clark at SM Pampanga, hindi makapaniwala ang aktres sa dami ng mga taong dumagsa para makita siya.
Na-appreciate daw nila si Lovi na talagang pinagbigyan lahat ng gustong magpa-picture sa kanya.
Sabi ni Lovi, “Sa totoo lang, I was really nervous before our mall shows and cinema visits, kasi it’s been awhile.
“Siguro last time na ginawa ko was pre-pandemic pa. So, I was nervous and I did not expect yung warmth.
"I’m just so grateful that everyone came to see us, and I’m praying that they’re going to watch the movie.”
Read: Lovi Poe, nahihiya pa ring tawaging "Hollywood actress"
JERRY OLEA
Ang ama ni Lovi na si Fernando Poe Jr. ay isa sa labing-isang National Artists for Film and Broadcast Arts.
Dumalo si Lovi sa gala ng 4th Philippine Film Industry Month noong Setyembre 13, Biyernes, sa Teatrino, Greenhills, San Juan City, kung saan pinagpugayan ng Film Development Council of the Philippines (FDCP) ang 11 Pambansang Alagad ng Sining para sa Pelikula at Sining Brodkast.
Read: Ricky Lee, Kidlat Tahimik feted at 4th PFIM gala night
Ano ang naramdaman niya sa nasabing pagpaparangal kay FPJ o Da King?
Sabi ni Lovi, “Sobrang heartwarming talaga. Kasi, the fact na yung legacy ni Papa, alam mo yun, ramdam na ramdam mo yung legacy ni Papa.
“I’m just so thankful sa FDCP kasi nga binibigyan nila ng tribute lahat, it’s not just my dad. Ang mga ito kasi iyong mga pillars ng industriya. I just can’t believe that’s my father.”
Hindi lang aktor si FPJ kundi direktor din at producer ng pelikula. Kaya isa sa mga inspirasyon ni Lovi sa pagpoprodyus ng pelikula ang kanyang ama.
Darating kaya ang panahong magdidirek din si Lovi?
Oh well, panoorin po muna natin ang sensual movie niyang Guilty Pleasure, kung saan leading men sina JM de Guzman at Jameson Blake.