JERRY OLEA
Na-late ang nakababatang kapatid ni Jerome Ponce na si John Jerricho Porciuncula sa press presentation at sashing ceremony ng Mr. Grand Philippines 2024 noong Oktubre 8, 2024, Martes, sa Viva Café, Cubao, Quezon City.
“Feeling ko, hindi pa ako prepared. Pero ayun, well, kailangan kong maging prepared agad kanina,” lahad ni Jerricho, na kinatawan ng Antipolo, Rizal sa timpalak.
“This whole day kasi, kaninang umaga, nag-take ako ng apat na midterm exams kaya na-late ako. Dumating ako na naka-school uniform pa ako.”
Graduating si Jerricho ng kursong Tourism sa NBS College.
Keri lang ni Jerricho na rumampa nang naka-underwear sa harap ng maraming manonood, kahit hindi pa raw siya prepared physically and mentally.
“Mentally kasi yung iniisip ko, yung midterms ko pa. Ha! Ha! Ha!” pagtawa ni Jerricho, na nakalabas na sa ilang pelikula at TV shows.
Related Stories:
- Mr. Grand Philippines 2024 candidate may pasilip habang rumarampa
- TikToker Jayden Fernandez joins Mr. Grand Philippines 2024
- Mr. Grand PH 2024 candidate, gusto ring mag-artista gaya ng ama
JERRICHO ON HIS KUYA JEROME AND PAPA JESSIE
Kumusta ang Kuya Jerome niya?
“OK naman siya. Supposedly dapat may travel kami ngayon, na nag-cancel nga ako kasi Mr. Grand, conflict yung schedule,” sambit ni Jerricho.
“Same na schedule. Sayang nga, nag-apply pa ako ng visa.”
Susuportahan ba siya ni Jerome sa coronation night ng Mr. Grand Philippines 2024 sa Oktubre 25, Biyernes, sa Metrotent, Ortigas, Pasig City?
“Hindi pa natin sure.”
Nag-artista rin ang ama nina Jerome at Jerricho, si Jessie Delgado na mabait sa mga showbiz reporter.
Read: Jerome Ponce, di natulungan sa kampanya ang amang si Jessie Delgado
“Mapagmahal” si Jessie at may mga anak sa ibang babae. Nagtampo o naghinanakit ba si Jerricho noon sa kanyang papa?
“Siyempre when I was younger siguro, wala pa akong masyadong understanding about adulthood,” saad ni Jerricho.
“For a time, siyempre kinamulatan kong family is a broken family na kaagad. Tapos middle child pa ako.
“So I was looking for attention na hindi ibinibigay sa akin ng family ko, ng parents ko. Pero eventually, I grew old.
“Ayun, na-realize ko na iba ang nagagawa ng time sa adult. Mas nilalagay nila sa ibang bagay kung saan mas maggo-grow yung maraming tao.
“Like, hindi lang para sa isang tao, hindi lang para sa isang anak, but for the good of everyone.”
MR. GRAND PHILIPPINES 2024 CANDIDATES
Maliban kay Jericho, kalahok sa Mr. Grand Philippines 2024 sina Jayden Fernandez aka Jonas Harina ng Quezon Province; Aaron Jo Reyes ng KSA Fil Comm; Aaron Paul Francisco ng Malolos, Bulacan; Albert Decio ng Marikina City; Aljay Dado ng Zambales; Austin Gabriel Otu ng Nigeria Fil Comm; Carl Joseph Abueg ng Castillejos, Zambales; Christian Geca ng San Pedro, Laguna; Dale Danielle Fisher ng Australia Fil Comm; Daniel Paulo Elumba ng Silang, Cavite;
Jake Lawrence Coronado ng Rizal, Laguna; Jake Rayos ng Batangas City; Jeffrey Jaquin ng France Fil Comm; Joe Marzon Dunuan ng Cordillera; John Christofer Lagus ng Manila; John Denmark Tomelden ng Quezon City; John Kenneth Dela Cruz ng Arayat, Pampanga; John Roland Capuz ng Cabuyao, Laguna; John You Capili ng Dasmariñas, Cavite, Jonathan Perez ng Bulacan Province;
Keith Andrei Llera ng Laoag City; Kent Lambert Garcia ng Infanta, Quezon; Kim Cenia ng Cebu; Mark Jayson Gaerlan ng Pangil, Laguna; Mark John Oronea ng Tagaytay City; Mark Joseph Macalintal ng Caloocan; Mark Wilson Laresma ng Albay; Marky Cielo Santos ng Porac, Pampanga; Matthew Louie Arbole ng Cagayan de Oro;
Noel Peter Sena ng Pangasinan; Ram Soriano ng Muntinlupa; Sandy "Zandro" Sales Jr. ng Mandaluyong City; Teddy Von Jay Manalo ng Balayan, Batangas; Tranx Risch ng Taguig City; WallMartin de Leon ng Parañaque; at Zyrus Aaron Fortes ng Sta Rosa, Laguna.
NOE FERRER
“Mapagmahal” din ba si Jerricho Porciuncula?
Mabilis na sagot ni Jerricho, “Yes, of course. Of course! Saan? Kanino? Sa lahat.”
Sa lahat ng gender?
Tumango si Jerricho, “Yes, lahat. Lahat! Everyday.”
Niligawan na ba siya ng gay? Para maging boyfriend siya?
“Yes, meron naman, meron naman. May nag-attempt, may mga nag-attempt. Nag-attempt lang sila. Napagod din. Ha! Ha! Ha! Ha!” pagtawa ni Jerricho.
“Pero thank you so much, thank you so much sa kanila. Kasi ayun nga, sobrang flattering nung ginawa nila sa akin. For a guy, na ligawan.”
May bad experience ba siya sa gay?
“Wala, wala. Kung magkakaroon ako ng bad experience sa gay, e, parang unfair naman yun para sa lahat ng mga genders,” sabi ni Jerricho.
“E, mas marami pa ngang supposedly, e, bad experience sa ibang genders than the gays, e.
“So, no. Wala akong experience.”
Nag-gay role na ang Kuya Jerome niya sa pelikula. Patok ang BL series nito with Teejay Marquez na Ben x Jim.
Read: Jerome Ponce-Teejay Marquez "near kiss" moment in Ben X Jim; other BL series updates
“Hindi nga nila ako sinama, e! Kaya ko namang umakting dun, e!” bulalas ni Jerricho.
“Every project is an opportunity for me to explore.” Kaya niyang makipaghalikan sa kapwa lalaki?
“Sure! If that’s the project, sige! If the price is right, and I’ll trust the director siyempre.”
Marunong ba siyang humalik?
Ngumiti si Jerricho, “Hindi ko alam pero wala pang nagrereklamo sa akin.”
MR. GRAND PHILIPPINES 2024 SPECIAL AWARDS
Narito ang nagkamit ng special awards sa Swimwear Competition noong Oktubre 14, Lunes sa Boracay:
Mister Grand Confident -- Caloocan
Mister Grand Winsome Smile -- FilCom Australia
Mister Grand Darling of the Island -- FilCom Australia
Mister Grand Physique -- Zambales
Mister Grand Flawless Glow -- FilCom Australia
Mister Grand Face of the Night -- Bulacan Province
Mister Grand Masculine -- Quezon City
Mister Grand Charisma -- Mandaluyong City
Mister Grand Blaze of Glory Award —Bulacan
Mister Grand Best Signature Look -- Cordillera
Mister Grand Youth Ambassador -- Cebu
Mister Grand Best Model -- FilCom KSA
Mister Grand Virtual Engagement -- Quezon Province
Alodia Special Award -- Bulacan and Quezon City
GORGY RULA
Mas may karakter ang mukha si Jerome Ponce kesa sa kapatid niyang si Jerricho.
Pero nasilip ko ang guesting ng ilang candidates ng Mr. Grand Philippines sa It’s Showtime nitong Oktubre 18, Biyernes, at maganda naman ang rehistro ni Jerricho sa telebisyon.
Tuluy-tuloy na ang guestings nila sa iba pang TV shows kagaya ng TiktoClock at Eat Bulaga! para ma-promote nila ang competition.
Sa October 25 na gaganapin ang grand finale sa Metrotent Pasig.
Na-release na ang tickets na nagkakahalaga ng PHP5,000 ang SVIP (with dinner) at tigtu-PHP2,000 ang VIP, at meron ding PHP1,000 sa regular, at PHP500 ang general admission.
May mga ibang kandidatong nakatakda na sanang pumirma sa Viva Films, pero naka-hold muna dahil nasa Mr. Grand Philippines pa sila.
Ang latest, ang Pilipinas ang host ng Mr. Grand International 2024. Pero wala pang update kung saang venue gaganapin ang international competition.
Read: Kristzan Karlo Delos Santos is first runner-up at Mister Grand International 2022