JERRY OLEA
Ayaw patawag ni Jon Santos na "Sir." Kasi, hindi naman daw siya doktor.
Homophones or magkatunog ang "Sir Jon" at "surgeon." Mas OK sa kanya na tawaging "Lola."
Ang nice-nice ni Jon, pero noong bagets pa siya ay may pagka-naughty siya.
“Ay, naku!” bulalas ni Jon sa mediacon noong Nobyembre 15, 2024, Biyernes sa Borro restaurant, Sct. Borromeo St., Quezon City.
“I think, I think isang nakaka-bond sa isang classroom, pag merong isang pasaway na palaging gumagaya sa teacher pag hindi nakaharap yung teacher.
“So all throughout high school, all throughout elementary, pag nakatalikod si Teacher, binibigyang-buhay ko siya sa harap ng aking mga classmates.
“Si Mrs. Ganito, si Sister Ganyan, si Father Ganyan. Nakakaganti kami! Nakakaganti kasi yung mga students pag napa-punchline at nagagaya at napa-parody nila si Teacher.
“I think I grew up naughty that way… Pag hindi nakatingin si Principal, hindi nakatingin si Teacher, pe-playtime-in natin sa classroom.
“But otherwise I think, and I think you may have noticed sa ibang comedians na nainterbyu nyo na, they tend to be serious when they are not working.
“Pag walang camera si Mang Dolphy, very serious. Si Tessie [Tomas], si Joey de Leon. Maiinis lang yon sa inyo pag sinabihan ninyo, ‘Mag-joke ka nga! Mag-joke ka nga!’
“Parang they tend to… pag nakapatay yung makina, di ba, hindi rin sila ma-joke at mapilyo. I had to recall kung kailan ako naging naughty.
“I’m mostly serious and private.”
finding a way to escape
Ang forthcoming Christmas payanig ni Jon ay pinamagatang Naughty & Nice: Jon Santos Is Coming To Town. Gaganapin ito sa Disyembre 7, Sabado ng 8:00 P.M. sa Samsung Hall ng SM Aura Premier, BGC, Taguig City.
“It was a year na… magbukas ka lang ng radyo, every other day, sobrang good news. Every other day, mapapakamot ng ulo ka, napaka-frustrating,” himutok ni Jon.
“Na in one week ba, tatlo yung bagyo? Nangyari nga ba yun? Apat? Naubos yung alphabet.
“K, Kristine. Leon… Nika, Ofel, Pepito. Di ba, shinare ko sa 'yo, ang pinakamalala niyan, yung T?
“Tukso. Kasi, andaming winasak na tahanan ng Tukso," banggit ni Jon na may reference sa Eva Eugenio classic hit song na "Tukso."
"And I guess, mahilig tayong maghanap ng way na kahit dalawang oras lang, di ba? Maka-escape. Manood ng sine. Manood ng show, manood ng play.
"Extra-thankful din nga pala ako dahil theatre scene was very, very alive this year.
“Bukod sa nakabalik po ng another season yung aming reality drag superstar search at naka-collaborate po uli tayo with Gino Cruz ng another song entitled 'Mr. Chan,' nakabalik yung Bawa’t Bonggang Bagay.
“And it’s so inspiring na yung community is alive na alive.”
Read: Jon Santos opens up about looking after ailing mom, husband
NOEL FERRER
Natutukso ba si Jon Santos? O siya ang mapanukso?
“Ahhh mapanukso! Kasi, kasi kaya yata tayo natututong mag-cope kasi kaya nating hanapan ng funny side ang napakarami sa ating mga unos!” sambit ni Jon.
“At krisis! Hindi lang typhoon, hindi lang pagtaas ng presyo… magkano ngayon ang kilo ng bigas? PHP50 plus, di ba? Balita ko, next year, PHP25 na lang per half kilo.
“Gasolina, magkano ngayon ang regular? PHP60 plus, oo, per liter? PHP30 plus per half liter na lang daw next year.
“And lagi nating nahahanapan ng… natutunan ko din yan kay Mang Joey de Leon.
“Nagda-drive siya mula Baguio hanggang Manila. Lahat ng billboard na madaanan niya, hahanapan niya ng joke. Yun ang kanyang pampatalas.
“Listung-listo siyang hanapin ang funny side ng billboards. Kaya ata tayong mga Pinoy, napaka-resilient. Napakatibay.
“And after nating pagdaanan yung something tragic… sabi nga nila, comedy is tragedy plus time. After a while, nahahanapan natin ng tatawanan…
“Andito raw ang longest Christmas season, di ba? Kasi, September 1 at hindi pa tapos iyan ng January 1. Nagpapatuloy pa hanggang Three Kings.
“Ang Valentine, longest Valentine din dito. Kasi, merong dine-date ng 13, meron ding 15. Di ba? Meron ding 16, kasi hihintayin munang sumuweldo ng 15, di ba?
“O, Halloween, alam nyo ba, longest din? Buong taon! Tumingin ka sa bill mo ng kuryente, matatakot ka bago ka tumingin.
“Bill ng telepono, di ba, ang presyo ng bilihin. So I guess kaya din tayo nakaka-cope is dahil tayo din ang may pinakamahabang pasensya. Pinakamahabang pasensya.
“Ikaw ay nasa trapik, buwisit na buwisit ka, kasi yung mga naghihintay sa 'yo, inip na inip na.
“Nahahanapan pa rin natin ng funny or bright side, or something to be thankful for. Bakit?! At least, may naghihintay sa yo…
“Nahirapan ba kayo sa trapik papunta rito? Naku, may nakasabay ako sa Skyway. Alam mo yung karo ng patay?
“Pumasok siya mula Balintawak. Sa haba ng trapik, 40th day na nang nakalabas sa Magallanes. Grabe! Ang haba-haba!
“Ewan ko nga kung effective yung coding, e.”
Read: Jon Santos to impersonate Olivia Rodrigo, BINI?
GORGY RULA
Punung-puno ng regalo ang nalalapit na Yuletide show ni Jon, kung saan guests sina Ice Seguerra, Viñas DeLuxe, at ang Apo Hiking Society.
JON PROUD OF GUEST PERFORMERS
“Ang mga kasama ko sa show, iba-ibang part ng aking journey. Iba-ibang time in my journey, nakasabay ko,” pagsisiwalat ni Jon.
“Si Ice, isang dekada kaming magkalabang noontime show. Hindi kami makapagkita-kita in person at magkatrabaho.
“Kasi andun siya sa Bulaga, andun ako sa Lunch Date… host ako nung 'Munting Mutya Philippines,' kalaban nung kabila.
“So ngayon, nakakatuwa na we get to share the same stage. And of late, nadirek na rin niya ako. For me, very, very happy ako.
“Bandang 90s, Apo! Kasama ko naman ang Apo. I was also part of the Thirdline family na kinabibilangan ng Apo.
“And much later, si Viñas DeLuxe, part naman ng susunod na henerasyon ng Pinoy drag spectacularness.
“I’m happy to tell na Pinoy comedy and Pinoy drag are in very good hands and hearts and heels, kaya excited din akong makasama si Viñas.”