JERRY OLEA
Maraming beautiful memories si Ara Davao sa lola niyang si Pilita Corrales.
Si Ara ay bunsong anak nina Ricky Davao at Jackie Lou Blanco, na unica hija ni Pilita.
"Kami kasing magpipinsan, close kami talaga lahat,” sabi ni Ara nang mainterbyu namin sandali nitong Abril 14, 2025, Lunes, sa The Heritage Park, Fort Bonifacio, Taguig City, kung saan nakaburol ang cremains ng Asia’s Queen of Songs.
"And talagang yung buhay niya is also mga apo niya.
"So every Sunday, we try, kahit hindi lahat available, we go to Mamita’s house.
"Eat, like chika, masaya na siya dun basta nakikita niya kami."
Anu-ano ang kanyang natutunan sa yumao niyang mamita?
"I think sobrang generous niya sa lahat, and alam naman ng mga tao yun,” sagot ni Ara.
“Ahhmm, since nag-showbiz din ako, super professional niya. So I think, nakuha ko sa kanya is never akong late.
“Si Mamita kasi, okay lang sa kanya na kunyari three hours early siya. Ayaw niya lang na may maghintay sa kanya.”
Isa ba siya sa mga paborito ng kanyang mamita?
“I think lahat naman kami, in different ways. Basta lagi niyang pinag-uusapan mga anak niya, mga apo niya.”
Anong character trait ni Pilita ang namana niya?
“Siguro yung pagiging funny niya. Parang akala mo kasi siguro na serious kami, but there, parang pag nakasama mo nang matagal, andami nang jokes,” pagsisiwalat ni Ara.
“And then siguro yung pagiging on time niya, I’m proud to say. Hahaha."
Read: Pilita Corrales last moments, inalala nina Jackie Lou at Monching
NOEL FERRER
ARA DAVAO ON MAMITA'S DEATH
Mapayapa ang pagpanaw ni Pilita Corrales, 87, noong Abril 12, 2025, madaling araw ng Sabado.
"Hindi naman talaga siya nagkasakit o naospital. More on old age, like, siyempre, normal yung nanghihina, may mga sakit na sa katawan,” lahad ni Ara.
"So yun, naging peaceful naman din.”
Gaano kasakit sa kanya ang pagpanaw ng kanyang mamita?
“Ahhmm siyempre masakit kasi the day before, April 11, birthday ko.
“Na-receive namin yung call, umaga ng April 12. So feeling ko in a way na hinintay niya na huwag sa birthday ko.
“Naniniwala ako sa signs, e.”
Ang nakakatuwa, at mapapansin ng lahat, maliban kina Jackie Lou Blanco at Ramon Christopher, ang mga apo ni Tita Pilita ang masigasig at talagang punong-abala sa pag-e-estima ng mga guests at pamamahala sa mga kailangan sa wake.
Mapalad sila sa pagkakaroon ng lola, tulad ni Tita Pilita, na isang icon. Masuwerte at blessed din si Tita Pilita sa kanila.
Read: Pilita Corrales, 87 ang tunay na edad taliwas sa ulat ng iba
GORGY RULA
THE SHOW MUST GO ON FOR JACKIE LOU BLANCO
The day after ng pagpanaw ni Pilita, may performances pa si Jackie Lou Blanco opposite JC Santos sa dulang The Foxtrot sa The Mirror Studio, Brgy. Poblacion, Makati City.
“Yes, pero since wala naman siyang understudy dun, talagang the show must go on,” saad ni Ara Davao.
“Tapos sabi niya, Mamita would have wanted her to continue, and then yun yung pag-honor niya, which is yung pagiging professional.”
Maluwag o magaan din bang tanggapin ang pagyao ni Pilita? O ang hirap pa rin?
“Hmmnn, siguro, both. Siyempre, we will miss her so much, but, at the same time, she’s at peace.
"And alam namin, she lived a full life. And hindi siya naging in pain na, or nag-suffer, which is sobrang blessing para sa amin.”
Sa napakaraming kanta ni Pilita, pinakapaborito ni Ara ang "A Million Thanks To You."
“Siyempre yun din ang isa sa mga iconic niya, if not the most iconic,” sabi ni Ara.
“And I think, talagang it symbolizes her and our love for her, which is endless thanks namin for her.”
Kasama si Ara sa cast ng pelikulang Fatherland, na ipapalabas na sa Abril 19, Black Saturday.
Ito ay idinirek ni Joel Lamangan, na nakatrabaho ni Ara sa Kapamilya series na FPJ’s Batang Quiapo.
Nasa Fatherland din sina Cherry Pie Picache at Mercedes Cabral, na cast members din ng Batang Quiapo.
Itong Fatherland ang second movie ni Ara.
May maikling papel siya sa pelikulang Love is Color Blind (2021), na pinagbidahan nina Donny Pangilinan at Belle Mariano.