GORGY RULA:
Pagkatapos ng box-office hit na Hello, Love, Again nina Kathryn Bernardo at Alden Richards., "hopiang-hopia" ang KathDen fans na may kasunod pang project na pagsasamahan nilang dalawa.
May lumutang na usap-usapan na kesyo may nilulutong drama series na collaboration daw uli ng GMA-7 at ABS CBN Studio.
Ito na kaya ang pagsasamahan muli nina Kathryn at Alden?
Puwede! Dahil may lumulutang na kuwentong ire-remake na naman daw nila ang Marimar na pagbibidahan ng dalawa.
Read: Kathryn at Alden, nagpansinan sa backstage ng Bench fashion show
Sa ganda at kaseksihan ngayon ni Kathryn, perfect siyang Marimar at sino pa ba ang puwedeng mag-Sergio, walang iba kundi si Alden.
Ayon sa ilang napagtanungan namin, may pag-uusap daw talaga ang dalawang network tungkol sa collaboration na ito.
MEXICAN PRODUCER NG MARIMAR, NAG-REACH OUT SA GMA?
Pero sabi ng aming reliable source, sobrang mahal daw ang siningil ng Mexican production na nagmamay-ari ng Marimar.
Sobrang tagal na nga namang sikat ng Mexican telenovelang ito, at ilang beses nang ineere sa iba’t ibang istasyon, ang OA pa rin daw ng presyo ng franchise.
Natigil na raw ang usapan, at wala na kaming balita kung itutuloy pa ba ang KathDen teleserye.
Pero kamakailan lang ay nag-reach out daw ang Mexican producer ng Marimar na pumayag na raw sila sa tawad ng GMA-7.
Hindi na namin alam kung itutuloy na ba ang pagiging Marimar ni Kathryn at pagiging Sergio Santibañez ni Alden Richards.
Read: KathDen follow-up project, pinag-uusapan ng GMA at ABS-CBN
JERRY OLEA:
Kung magiging Marimar Pérez de Santibáñez/María del Mar Aldama Pérez/Bella Aldama si Kathryn Bernardo, ang bias ko na Sergio Santibañez ay si David Licauco o Donny Pangilinan.
Kilig-kiligan ako sa KathDav (or KathVid) moment sa clothing line fashion show noong Marso 21 sa SM MoA Arena.
At may chemistry ang KathDon bilang fellow judges sa Pilipinas Got Talent, huh?!
At kung hindi man bagong bersyon ng Marimar, hopia rin ako na gawin ni Kathryn ang Pinoy adaptation ng K-drama na Queen of Tears, or When Life Gives You Tangerines — either with David or Donny.
Marami namang ibang project si Alden Richards.
Meron siyang dance show. May project with Julia Barretto.
Exciting din kung itatambal si Kathryn sa teleserye with Michael Sager, River Joseph, or Ralph de Leon!!!
Read: Daniel at Kyle, nagkainitan sa after-party ng ABS-CBN Ball?
NOEL FERRER:
Hinay-hinay pa rin. Kasi, depende pa ang lahat sa pag-uusap ng GMA at ABS-CBN.
Superstar ng ABS-CBN ang ibibigay nila sa GMA kung sakali.
May Elena 1944 movie pa si Kathryn, di ba? Nag-hit iyong Marimar (Agosto 2007-Marso 2008) nina Marian Rivera at Dingdong Dantes.
Pero iyong Marimar (Agosto 2015-Enero 2016) nina Megan Young at Tom Rodriguez ay hindi masyadong kinagat ng televiewers.
Ok na ok ba ang Marimar sa KathDen? Mga PEPsters, what do you think?