GORGY RULA
Masama ang loob ng aktres na si Nadia Montenegro sa paglabas sa media ng incident report kaugnay ng alegasyong humithit siya ng marijuana sa loob ng ladies' room sa Senado.
Bagamat hindi pa natatapos ang imbestigasyon tungkol sa insidente ay nag-resign na si Nadia bilang political affairs officer ni Senator Robin Padilla.
Sa pamamagitan ng kanyang representative na si Atty. Maggie Abraham-Garduque, ipinahayag ni Nadia ang kanyang saloobin.
Read: Maine Mendoza clarifies remark on Alden Richards meant no malice
Ayon kay Atty. Maggie, walang karagdagang pahayag si Nadia kasunod ng kanyang written explanation.
Ang ikinasama lang daw ng loob ni Nadia ay ang pagre-release sa media ng incident report na naka-address sa Office of the Senate Sergeant at Arms o OSSA.
Bakit daw agad itong inilabas sa media na naging dahilan kaya nahusgahan agad si Nadia.
“Nakalagay naman sa IR na hindi siya nakitang nag-marijuana sa CR. When the OSSA approached her, vape lang ang nakita kay Nadia at pinaamoy pa niya ang grape-flavored vape niya,” text ni Atty. Maggie sa PEP Troika.
So far, yun daw muna ang update sa isyung kinasasangkutan ng kanyang kliyente.
RITA DANIELA-ARCHIE ALEMANIA CASE
Kinumusta na rin namin kay Atty. Maggie ang iba pang controversial na kasong hawak niya.
Napag-alaman naming tapos na pala ang pagdinig sa kasong acts of lasciviousness na isinampa ni Rita Daniela laban kay Archie Alemania.
Inaasahan daw nilang bandang October ay ibababa na ang promulgation sa kaso na dininig sa Bacoor Regional Trial Court.
Read: Liza Soberano finally confirms breakup with Enrique Gil
SANDRO MUHLACH VS NONES AND CRUZ
Hindi naman makapagbigay ng update ang abogado tungkol sa kasong rape through sexual assault na isinampa ni Sandro Muhlach laban sa independent contractors na sina Jojo Nones at Richard Cruz, na mga kliyente ni Atty. Maggie.
Wala raw siyang masasabi tungkol dito dahil meron silang gag order.
Sa aming pagkakaalam ay sa Regional Trial Court ito dinidinig, pagkatapos itong ma-dismiss sa Metropolitan Trial Court ng Pasay.
JERRY OLEA
Nag-alala naman ang ilang malalapit na kaibigan ni Archie Alemania dahil halos isang taon nang walang trabaho ang aktor pagkatapos pumutok ang isyu nila ni Rita Daniela.
Tinanggal ang karakter ni Archie sa teleseryeng Widows’ War (Hulyo 2024-Enero 2025) kung saan co-stars sila ni Rita.
Meron palang isang malaking project na dapat ay kasali si Archie, pero dahil sa kasong kinasangkutan niya ay hindi na siya kinuha ng producer. Pinalitan siya ng isang award-winning actor.
Naaawa raw sila sa komedyante dahil ang tagal na niyang walang natatanggap na trabaho. Paano pa kung hindi maganda ang resulta ng kasong kinakaharap niya?
Read: Mayor Ina Alegre desididong sampahan ng reklamo si Michole Sorela ng GenSan Warriors
GERALD SANTOS AND ENZO ALMARIO VS DANNY TAN
Samantala, naghihintay tayo ng legal move nina Gerald Santos at Enzo Almario laban kay Danny Tan.
Ayon sa source ng PEP Troika na nakatsikahan ngayong Martes, Agosto 19, 2025, via Messenger, “May buildup pa sa case. Hindi pa patay ang kaso.”
Looking forward tayo sa Dreams concert ni Gerald na nakatakda sa Disyembre 3, 2025, sa Newport Performing Arts Theater sa Newport World Resorts, Pasay City.
Ang musical director ay si Jason Cabato, at ang concert director ay si Antonino Rommel Ramilo.
TWO MALE TALENTS VS INDIE DIRECTOR
Ipinadala naman sa PEP Troika ng isang talent coordinator ang kopya ng warrant of arrest sa isang indie director. Kinasuhan siya ng dalawang lalaking talents.
Criminal cases iyon sa Quezon City — Lascivious Conduct under Section 5 of Republic Act No. 7610.
Nakapagpiyansa na kaya ang indie director?
PHP180,000 ang recommended bail sa bawat kaso. Bale PHP360,000.
Ayon pa sa talent coordinator, may lumabas ding warrant of arrest laban sa indie director sa Naga City, pero hindi niya batid kung nakapagpiyansa ito roon.
Read: First guesting ng BINI sa All-Out Sundays, tinutukan ng mga manonood
NOEL FERRER
Naka-text ko rin si Nadia Montenegro, at medyo off naman talaga ang ibang pambabatikos sa kanya ng netizens.
Pinahahalagahan daw niya lahat ng nagpapakita ng concern at pagmamahal sa kanya.
Ani Nadia, “I’m at peace, Noel. Out of the lion’s den. Napaaga lang. But I’m good.”
Tungkol kay Archie Alemania, nakakalungkot at sayang talaga at parang tinamaan ang trabaho niya sa kasong hinaharap niya.
Sana, maayos at matatag pa rin ang buhay-pamilya niya.
As for Sandro at ang mga dating GMA contractual talents, naka-move on na ba ang lahat?
Sana, nakahanap na sila ng sariling pagkakaabalahan na kapaki-pakinabang.