The Master Cutter leads PH primetime rivals on Netflix

JERRY OLEA

Ten consecutive days na nanguna sa Top 10 Movies ng Netflix Philippines ang The Loved One nina Jericho Rosales at Anne Curtis — mula Mayo 15, 2026, Biyernes, hanggang Mayo 24, Linggo.

Love-love-love ng Netflix subscribers!

Noong Mayo 28, Huwebes, nag-umpisa ang Netflix streaming ng The Lotto Winner nina Albert Martinez, Kylie Padilla, at Sienna Stevens.

Seven consecutive days itong topnotcher (winner!) sa Top 10 Movies ng Netflix PH — mula Mayo 29, Biyernes, hanggang Hunyo 4, Huwebes.

Mayo 30, Sabado, nag-umpisa ang Netflix streaming ng documentary na Eraserheads: Combo on the Run.

As of this writing ay hindi pa ito pumupuwesto sa Top 10 Movies.

Hunyo 4, Huwebes, nag-umpisa ang streaming ng pelikulang Until She Remembers, kung saan bida sina Charo Santos-Concio, Boots Anson Roa-Rodrigo, at Barbie Forteza, sa direksiyon ni Brillante Mendoza.

Nag-debut ito sa third place.

Sa Hunyo 18 magsisimula ang Netflix streaming ng pelikulang A Special Memory na pinagbidahan nina Bela Padilla at Carlo Aquino.

Read: Christian Esguerra dismayed by takedown of YSpeak 2.0 guesting

TOP 10 MOVIES ON NETFLIX (JUNE 5, 2026)

Ang Top 10 Movies ng Netflix Philippines ngayong Hunyo 5, 2026, Biyernes: 1

1. Speak No Evil
2. The Lotto Winner
3. Until She Remembers
4. Those Who Wish Me Dead
5. Lost in the Stars
6. Goat
7. Swapped
8. Mortal Kombat
9. Lord of the Rings: The Fellowship of the Ring
10. The Legend of Tarzan

GORGY RULA

Masaya ang mga taga-Mavx Productions sa kinalabasan ng The Lotto Winner.

Hindi lang kasi dito sa Pilipinas namamayagpag ang naturang pelikula, kundi pati sa ibang bansa.

Nasa No. 3 ito sa Qatar; No. 4 sa United Arab Emirates; at No. 10 ito sa Bahrain at Kuwait.

Sa totoo lang, malaking tulong ang Netflix at ibang streaming service sa mga film producers.

Hindi man "success" sa takilya ang The Lotto Winner at Until She Remembers, at least nababawi naman nila sa Netflix.

Kaya tuloy pa rin sila sa pagpo-produce.

Buhay pa rin ang movie industry, kahit mangilan-ngilan lang ang tumatabo sa takilya.

Read: Robin Padilla faces backlash over "force majeure" argument

NOEL FERRER

Pawang streaming sa Netflix ang tatlong TV primetime shows na nasa 8:00 P.M. slot — The Master Cutter ng GMA-7, A Secret in Prague ng TV5, at Blood vs. Duty ng AllTV.

Sa TV ratings ay namamayagpag ang The Master Cutter na bida ang Kapuso Primetime King na si Dingdong Dantes.

Pangalawa rito ang Blood vs. Duty na bida sina Richard Gutierrez at Gerald Anderson, at pangatlo ang A Secret in Prague nina Enrique Gil at Andrea Brillantes.

BLOOD VS. DUTY

Sa tatlong ito, naunang mag-Netflix streaming ang Blood vs. Duty (80 episodes) umpisa Abril 3, Biyernes Santo.

Dalawang araw lamang ito pumuwesto sa No, 1, noong Abril 7 at 8.

Abril 28, nakumpirmang kasama na sa Blood vs. Duty si Robin Padilla bilang Ahmad Mustapha.

Dalawa pang Padilla ang nasa cast nito, sina Bela at Rommel.

Naligwak ang Blood vs. Duty sa Top 10 TV Shows ng Netflix PH noong Mayo 11, Mayo 15-25, Mayo 28-Hunyo 1, at Hunyo 3-5.

Ngayong Hunyo 5, Biyernes ng gabi, matutunghayan ang Episode 46 nito.

Streaming sa Netflix ang Blood vs. Duty hanggang Hulyo.

A SECRET IN PRAGUE

Abril 24, Biyernes, nag-umpisa ang Netflix streaming ng A Secret in Prague (115 episodes).

Limang araw itong nag-No. 1 sa talaan ng Top 10 TV Shows — Abril 28-29, at Mayo 6-8.

Ngayong Hunyo 5, for the first time ay pumuwesto ito sa No. 10.

Ngayong Biyernes ng gabi matutunghayan ang Episode 31 nito.

Streaming sa Netflix ang A Secret in Prague hanggang Setyembre.

THE MASTER CUTTER

Originally ay Abril 17 ang umpisa ng Netflix streaming ng The Master Cutter (100 episodes).

Dahil na-extend ang papalitan nitong Encantadia Chronicles: Sang’gre sa Kapuso primetime, ipinagpaliban ang Netflix streaming nito sa Mayo 8, Biyernes.

Five consecutive days na nanguna ito sa Top 10 TV Shows noong Mayo 10, Linggo hanggang Mayo 14, Huwebes.

Mula Mayo 15 hanggang Hunyo 4 ay K-drama ang nanguna — My Royal Nemesis noong Mayo 15, Sold Out On You noong Mayo 16, at The Wonderfools noong Mayo 17 hanggang Hunyo 4.

Ngayong Hunyo 5, Biyernes ng gabi, matutunghayan ang Episode 21 ng The Master Cutter.

Kagaya ng A Secret in Prague, hanggang Setyembre ang streaming ng serye ni Dingdong kung saan tampok din sina Max Collins, Shuvee Etrata, Jo Berry, at Sienna Stevens.

TOP 10 TV SHOWS ON NETFLIX (JUNE 5, 2026)

Ang Top 10 TV Shows ng Netflix Philippines ngayong Hunyo 5:

1. Michael Jackson: The Verdict
2. The Wonderfools
3. My Royal Nemesis
4. Ashes to Crown
5. The Master Cutter
6. Smallville
7. Sold Out On You
8. Jae-seok’s B&B Rule
9. The Witness
10. A Secret in Prague

Read: Newlywed Pinoy couple in Canada dies after paddleboarding mishap