GORGY RULA
Nakatakdang dinggin sa Land Transportation Office (LTO) ang violation ng komedyante at Dabarkads ng Eat Bulaga! na si Ian Red, na nahuling hindi nakasuot ang seatbelt habang nagmamaneho ng kotse.
Nakapanayam ng PEP Troika ang chief ng LTO na si Assistant Secretary Markus Lacanilao.
What worsened IAN Red's violation
Ang nagpalala raw kasi sa kaso ni Ian ay nagba-vlog siya habang nagda-drive na walang seatbelt.
Ani ASec Lacanilao: “Siyempre, meron tayong seatbelt law na bawal talaga yung ginagawa nila, nagda-drive, tapos walang seatbelt, tapos vina-vlog mo pa.
"Ang masama dun, highway yun, e. Bumaba pa siya ng sasakyan, at saka siya sumakay uli.
"Parang hininto niya yung sasakyan. Hindi ko alam… hindi ko sure kung traffic, pero bumaba siya dun, nagvi-video, baba siya, saka sumakay.
"Ang ano ko kasi dun, siyempre, gumagawa tayo ng video. Tapos sila, mga TV host, dapat maging example sila na hindi nila ginagawa yun.
“Siyempre ang tao, lalo na yung mga batang bago pa lang nagmamaneho, iisipin, 'Ah okay lang, e, sila puwede.' E, may batas, e, seatbelt law."
Sa ngayon, suspended nang 90 days ang driver’s license ni Ian, at may "alarm" status ang kotse niya.
Malalaman sa darating na linggo kung ano ang magiging resulta ng hearing na kailangan niyang daluhan.
Read: Deniece Cornejo, Cedric Lee granted release by Court of Appeals
JERRY OLEA
NINO MUHLACH TO MAKE AN APPEAL
Nakatsikahan din ng PEP Troika si Niño Muhlach, na nalungkot sa pagkaka-revoke ng kanyang driver’s license sa loob dalawang taon.
Balak na iapela ito ni Onin. Aniya, hindi siya nasangkot sa road rage pero bakit ganun kabigat ang ipinataw na kaparusahan?
Hinarap din daw ni Niño ang kaso at sinagot ang mga naapektuhan ng aksidenteng nilikha niya.
“Hindi ko naman tinalikuran. Pati nga pamasahe, pa-China nung isa, e, pinasagot pa sa akin.
“Ang sa akin lang, hindi naman ito road rage e,” himutok ni Niño.
Puwede naman daw ito iapela ni Niño, sabi ni ASec Lacanilao.
May ilan kaming katanungan tungkol sa kaso ni Nino, at nabigyang-linaw sila ni ASec. Markus Lacanilao.
Aniya: “Una, nag-issue kami ng show cause order dahil sa dami nga ng kanyang nabangga. Ang sabi niya, nakatulog siya… inararo niya yun.
“Pero kasi sa pangyayari na yun, may mga violations. So, na-revoke namin yung driver’s license niya.
“Ang LTO kasi, tatlo kasi ang ano niyan, e: suspension for one year, revocation for two years, or perpetual revocation, lifetime ban yun.
“Yung sa kanya, revocation, two years.”
Read: Niño Muhlach admits falling asleep at the wheel in Antipolo crash
NOEL FERRER
Ipinaliwanag ni Niño Muhlach na nakatulog talaga siya habang nagmamaneho, dahil wala pa siyang tulog, at tumuloy pa raw sa breakfast with Jeff Tam sa Antipolo. Hindi niya binanggit kung lasing ba siya o kung ano pa. Aksidente lang daw talaga yun.
Ang sabi ni ASec. Lacanilao, nag-base lang daw ang LTO sa isinumiteng report ng mga pulis. Pero mas malalaman sana kung nakainom si Niño kapag dumaan ang aktor sa breath analyzer.
Ani ASec. Lacanilao: “Pero yung dahilan kung siya ay lasing… ang problema kasi dun, nung nangyari yun ay yung mga pulis na dapat nag-imbestiga, pina-breath analyzer siya.
“So, walang breath analyzer…. pero puwede silang mag-request sa amin, e. Pupunta kami, i-breath analyzer namin. Pero wala.
“Kung nagkataon na lasing siya nun, perpetual revocation. Nagbase lang sa police report na na-submit sa kanila.
“Humarap naman siya sa hearing. Cooperative naman siya. Sinurender niya yung driver’s license niya. Ahhh nakiusap siya… kaya lang ano, e, may violation e. Inararo po e.”
Samantala, nasa LTO ngayon ang Porsche Spyder ni Derek Ramsay at nakatakda na itong ipa-auction.
Tingnan natin kung merong magri-represent mula sa kampo ni Derek para makasali sa auction.