Sumagot at nagpadala ng maiksing mensahe si Luis Manzano sa PEP.ph (Philippine Entertainment Portal) upang ipaliwanag ang tungkol sa viral photo, kung saan magkasama ang kanyang ina na si Lipa City Rep. Vilma Santos at ang nali-link sa kanya ngayong si Jessy Mendiola.
Read: Vilma Santos meets son Luis Manzano's rumored new GF Jessy Mendiola
Sa mensaheng ipinadala ng Kapamilya TV host-actor ngayong Huwebes ng gabi, July 21, sinabi niyang inimbitahan silang dalawa ni Jessy ni Ate Vi para kumustahin dahil sa mga isyung kinakaharap nila.
"My mom just invited us for dinner to talk and check up on me and also to meet and check up on Jessy regarding all the unwarranted bashing going her way," mensahe ng Minute To Win It host sa PEP.
Pinag-usapan kamakailan ang pag-amin nina Luis at Jessy na nagdi-date sila.
Pero lalong uminit ang isyu matapos magbigay ng pahayag si Angel Locsin, ex-girlfriend ni Luis, tungkol sa pagdi-date nina Luis at Jessy, at sumagot pa si Jessy sa pahayag ni Angel.
Read: Angel Locsin on Luis-Jessy romance: 'Kung ine-enjoy nila yung moment na yun, e, di good job!'
Read: Jessy Mendiola cries foul over Angel Locsin's statement about her and Luis Manzano