“I’m feeling much better now.”
Ito ang bahagi ng pahayag ni Alex Diaz sa kanyang latest vlog tungkol sa straight culture at LGBTQIA (lesbian, gay, bisexual, transgender, queer, intersex, asexual) community
Kagabi, November 21, nag-upload si Alex sa kanyang YouTube account ng pitong-minutong video—una sa tatlong installment—kung saan binalikan niya ang nangyari sa kanya noong October 17, 2019.
Kaugnay ito ng pagkakalantad ng indecent proposal niya sa fitness coach na si Miguel Lagman Chanco.
Dahil dito ay napilitang umamin si Alex na isa siyang bisexual.
Sa simula ng video ay ibinahagi niya ang pananakit ng kanyang lalamunan na, ayon sa kanyang doktor, ay bunsod ng stress dahil sa insidente. Hindi rin daw siya makatulog nang diretso.
Kasunod nito ay ipinakita ni Alex ang screenshots ng mga balita tungkol sa indecent proposal niya kay Miguel, ang pagti-trend niya sa Twitter dahil dito, ang mga negatibong komento na natanggap niya mula sa ilang netizens, at mensahe ng suporta mula sa kanyang fans at mga kaibigan.
Sinundan ito ni Alex ng isang short video clip ng kanyang sarili noong kasagsagan ng isyu.
Pagtatapat ni Alex: “I was killing myself.
"I was literally, mentally, physically killing myself with consuming alcohol, these vices, smoking, just to make myself feel like I belonged.
"I was looking for validation in the saddest of places, because I didn’t have enough love for myself...
“It’s so sad.”
Kasunod na ipinakita ni Alex ang screenshots ng mga balita sa ibang bansa tungkol sa ilang teenagers na nag-suicide matapos ma-bully dahil sa pagiging gay at ma-out sa social media.
Sinundan niya ito ng mga mensahe mula sa mga taong hindi niya kakilala ngunit nagpakita ng suporta sa kanyang pinagdaanan.
OWNING YOUR NARRATIVE
Pagkatapos ay ibinahagi ni Alex ang kanyang saloobin sa pinagdadaanan niya.
Saad niya, “I’m owning it. I’m owning it, that’s me.
"And I hope every single day you own who you are and you never have to apologize for it."
Papangalanan daw ni Alex ang mga ganitong klaseng episodes ng kanyang channel na “The Open Forum.”
Pagkatapos daw kasi ng nangyari sa kanya, maraming katanungan ang nagsulputan tungkol sa sexual suppression, sa pagiging kloseta, sa pagtanggap, sa hindi pagiging tanggap sa isang komunidad.
Ang layunin daw niya ay “to help educate, dispel stigmas, and help further shed light whether on its gay culture, straight culture, bi culture, LGBTQIA culture, or just being misunderstood."
Dagdag pa ni Alex, “This is an open forum, this is a place where you can weigh in on subject matter.”
Pinangalanan naman niya ang episode na ito na “Owning Your Narrative.”
Isa raw sa magandang nangyari sa insidenteng kinasangkutan ni Alex ay ang pagbuhos ng mga mensahe sa kanyang social media account.
Lahad niya, “A great thing about what happened is I received hundreds of thousands of direct messages on my Instagram.
“Some were indecent proposal, some were stories of people saying that they now love me more because they feel like they know more the honest side of me… some are sending photos about coming out to their families.”
May mga nagkuwento raw sa kanya na muntik na nilang tuldukan ang kanilang buhay; may iba namang umaasang hindi siya gagawa ng masama sa kanyang sarili.
Sa huling bahagi ng video, nagpasalamat si Alex sa ilang news organizations, kabilang na ang PEP.ph (Philippine Entertainment Portal), na humingi ng panig sa kanyang pinagdaanan.
Sa susunod pang episodes, ipapakita ni Alex ang kabuuan ng video na kinunan niya noong kainitan ng isyu at bago humingi ng dispensa si Miguel sa kanya.
Nasa Canada ngayon si Alex upang magpalamig mula sa kontrobersiya.