Pamilya o prinsipyo?
Ito ang malaking hamon sa magkasintahang Daniel Padilla at Kathryn Bernardo gawa ng pagsapi ni Karla Estrada sa Tingog party-list.
Si Karla, ina ni Daniel, ang third nominee ng grupo para sa 2022 elections.
Lubha itong ikinadismaya ng KathNiel fan group na may 17,000 followers sa Twitter dahil sa kaalamang ang representative ng Tingog ay si Yeda Romualdez.
Isa si Romualdez sa 70 kongresista na pinagkaitan ng prangkisa ang ABS-CBN noong July 2020.
Sa isang open letter noong October 9, sinabi ng KathNiel fan group na handa silang kumalas sa mga idolong sina Daniel at Kathryn sa oras na malaman nilang suportado ng dalawa ang kampanya ni Karla.
Katuwiran nila, ang political move ni Karla ay taliwas sa pagtindig noon nina Daniel at Kathryn para sa libu-libong empleyado ng ABS-CBN na nawalan ng hanapbuhay sa gitna ng pandemya.
"On 2020, during those times that we were fighting for press freedom, Kathryn Bernardo and Daniel Padilla bravely disclosed their stands and made a promise that they will always stand with what they think is right.
"They will stand for the freedom of the press, for those who lost their jobs, and for thos who are abused by the people who are in power," bungad ng fan group sa kanilang open letter para kina Daniel at Kathryn.
Naniniwala ang KathNiel fan group na hindi magagawa nina Daniel at Kathryn na talikdan ang paninidigan nila noon.
Apela nila, magbigay ng malinaw na pahayag ang dalawang Kapamilya stars hinggil sa isyu.
"We are calling out Kathryn Bernardo and Daniel Padilla to take themselves out of this, to take a stand and never allow their names to be involved on someone's political gains that they don't support and [are] against their beliefs."
KARLA'S "MISLEADING" CAMPAIGN TEASER
Ikinabahala ng fan group ang insidenteng may tao mula sa kampo ni Karla ang nakipag-usap sa administrators ng Instagram accounts ng KathNiel fans na mag-post ng "teaser."
Kaugnay ito ng dalawang teaser tungkol sa anunsiyo ni Karla na mayroon siyang "bagong tahanan."
Lumabas ang mga iyon sa magkahiwalay na petsa. Sa ikatlong teaser lamang lumabas ang party-list na sinalihan ni Karla.
"Also, it was revealed that the admins of the Instagram pages of KathNiel were told to repost the campaign 'teaser' of Ms. Karla Estrada.
"They are not aware that the image is a sign of her candidacy and it is against their own political stand."
Sa huli, idiniin ng KathNiel fan group na hinihintay nila ang opisyal na pahayag nina Daniel at Kathryn hinggil sa isyu.
"For the meantime, we are willing to cut our support of 9 years to KathNiel until they respond to our calls.
"We do this because we do not support and tolerate people that are too different from our principles, even if we stayed together for more than 10 years.
"Everything is political. And we make choices that involves more than 100 million people."
KARLA: "IT'S JUST POLITICS"
Aware si Karla sa hinaing ng netizens na kontra sa sinalihan niyang party-list.
Sa pamamagitan ng Instagram Story, sinabi ni Karla na sana ay hindi mabuwag ang magandang samahan dahil lamang sa pulitika.
"IT'S JUST POLITICS," saad sa quote card ni Karla.
Dagdag pa rito, "Don't let our political preferences destroy friendships and relationships.
"We need to respect each other's choices."
Noong October 9, ipinost ni Karla sa kanyang Instagram ang opisyal na pahayag ng ABS-CBN sa desisyon niyang sumabak sa pulitika.
Gawa ng company rule ng ABS-CBN hinggil sa mga empleyadong tatakbo sa public office, nagbitiw si Karla bilang co-host ng ABS-CBN daily morning talk show na Magandang Buhay.
Sabi sa maiksing pahayag ng pamunuan ng Kapamilya network:
"In her desire to continue serving her kababayans, Karla Estrada has decided to run for public office.
"We respect her decision and wish our Kapamilya well as she pursues her mission of service."
FAN GROUP NOT CONVINCED BY KARLA'S STATEMENT
Una nang ikinatuwiran ni Karla na nagpaalam siya nang maayos sa ABS-CBN management. Siya raw ay at "pinayagan" at "susuportahan" ng network.
Sabi ni Karla sa panayam ng TV Patrol noong October 8, "Dumating man ang usapin muli sa ABS-CBN na prangkisa, alam ko na magiging bukas ang Tingog para sa usaping ito.
"Pagpasok ko rito, ang hangarin at layunin ko, ay alam 'yan lahat ng aking mga Kapamilya dahil ako ay Kapamilya forever."
Pero makikita sa open letter ng fan group na hindi sila kumbinsido sa paliwanag ni Karla na nais nitong maging "boses" ng mga Kapamilya sa Kongreso.
Diin ng KathNiel fan group, "We think differently, if you fight for the right you will never team up with people who once practiced oppression."
Nananatiling bukas ang PEP.ph (Philippine Entertainment Portal) sa anumang pahayag ng mga personalidad na nabanggit sa artikulong ito.
Use these Lazada vouchers when you shop or order online. Marami pang ibang coupons dito.