"I used to be a people pleaser talaga. That was my downfall when I was competing for Miss Universe."
Ito ang pag-amin ni Rabiya Mateo tungkol sa pagkatalo niya sa Miss Universe 2020 na ginanap sa Hollywood, Florida noong May 16, 2021.
Ang Ilongga beauty queen ang pambato ng Pilipinas sa prestihiyosong pageant na pinaghandaan niya mula nang siya ay manalo noong October 25, 2020.
Kaya dinibdib iyon ni Rabiya.
"It was hard. I will be honest. It was emotionally devastating on my part because you’ve been preparing for what, seven months, for that biggest fight of your life?
"And it’s just not meant for you.
"Pero of course, on that moment, you weren’t able to absorb everything.
"Parang nasasayangan lang din ako for that opportunity because I’ve dreamt for it for my whole life. And it didn’t happen," balik-tanaw ni Rabiya sa PEP Exclusives.
Eksklusibong nakapanayam ng PEP.ph (Philippine Entertainment Portal) si Rabiya noong November 23.
Bago ito ay humarap din sa press si Rabiya nang siya ay opisyal na maging exclusive Kapuso star noong November 19.
Sa mediacon, sinabi ni Rabiya na pagkakamali niyang tutok siya sa social media noong lumaban siya sa Miss Universe.
Aniya, "I wanted na ma-appreciate. Ganun talaga ako as a person. Dun ako nakakakuha ng strength, once you get appreciated."
Kaya mabilis din siyang maapektuhan sa sasabihin ng iba.
"When I joined Miss Universe Philippines, I was still shocked with the consequences of being a public figure.
"There are a lot of opinions about you that sometimes [I get hurt] with the comments that I hear from other people."
Isa sa mga eksenang hindi malilimutan sa Miss Universe stint ni Rabiya ay nang maiyak siya sa tindi ng stress na naranasan sa National Costume competition.
Nasugatan siya at hindi nasuot ang head piece ng kanyang national costume kaya naging emosyonal siya sa hindi inaasahang pag-Instagram Live niya noon bago pa ang main competition.
Sa mismong coronation night ay hanggang sa Top 21 finalists ang inabot ni Rabiya, at hindi na naipakita ang galing sa Q&A portion sa sumunod na Top 10 round.
HOW SHE GOT HER CONFIDENCE BACK
Ikinuwento naman ni Rabiya sa PEP Exclusives na malaking bagay na nakapagbakasyon siya sa U.S. matapos ang Miss Universe pageant.
Halos dalawang buwan siyang nanatili roon bago bumalik ng Pilipinas.
"Kasi doon, at least, nakakahinga ako, I can be myself, hindi ako mare-remind na I lost Miss Universe.
"So, parang sa akin din, it was a learning experience na sometimes, things are not meant to be, not because you failed to do your part, but because you’re not just meant to be in that position."
Sa halip na malugmok sa pagkatalo niya, pinili ni Rabiya na maging positibo lalo na't nabigyan siya ng offer ng GMA-7 na pasukin ang showbiz.
"So now, I’m open for the possibilities na, 'Okay, baka, after ng beauty pageant, now let’s try to do acting, to try show business.
"I have no regrets even though I failed. Kasi, at least I tried doing something that I love.
"And ganun, e. Parang sa buhay, laban lang po talaga."
Iyon din ang payo ng ina ni Rabiya.
"My mom would always remind me that, 'Anak, don’t be scared. Anak, don’t be so sad. Because, ganun lang talaga. Sometimes you get the things that you want, sometimes you don’t.'"
LEARNING TO LAUGH AT HERSELF & her friendship with mj
Isa rin sa positibong impluwensiya kay Rabiya ay ang pagkakaibigan nila ni Miss Universe Philippines 2014 MJ Lastimosa.
Sa mediacon, tinanong ng PEP.ph si Rabiya kung paano ba sila naging malapit ni MJ sa isa't isa.
Saad niya, "Si MJ kasi di siya madamot in sharing her experience. Hindi siya madamot sa presence niya.
"Kasi di po talaga kami magkakilala. Nagkakilala lang kami kasi she was one of our judges during our preliminary competition [in Miss Universe Philippines 2020].
"From then on, she helped me all the way. Di man namin yun palagi napo-post sa social media back then, but she was my greatest backup.
"When I didn't make it, I was so sad... But she would share her experience, how she was able to overcome those obstacles, how to accept things with a humble heart.
"Kaya hanggang ngayon, kumare kami."
Madalas ay nangunguna pa si MJ sa pang-aasar kay Rabiya.
Isang halimbawa ay nang matisod sa stage si Rabiya bago niya ipasa ang korona kay Beatrice Luigi Gomez, noong Miss Universe Philippines 2021 coronation night.
Kuwela ang reaksiyon noon ni Rabiya, at game din siya sa pag-repost ng memes na shinare ni MJ tungkol sa kanyang pagkakatisod.
"The show must go on. Wala e, nadapa ka. Anong gagawin mo, iiyak? Gugulong? You have to stand up," natatawang komento ni Rabiya.
Sabay matalinhagang dagdag niya, "Hindi ko masasabi na iyon na ang last kong dapa.
"Pero every time na madadapa ako, pangako ko sa sarili ko na tatayo at tatayo ako."
READY FOR SHOWBIZ
Dahil sa kanyang Miss Universe journey, naniniwala si Rabiya na may baon siyang tapang sa pagharap sa mundo ng showbiz.
"I'm happy that I had that training. Now I'm gonna enter show business, ang iniisip ko na lang paano ko mapaghuhusayan yung trabahong binigay sa akin [and] not to mind the bashers.
"If you don't give them power over you, you're not gonna be affected."
Alam daw niyang kasabay ng pagiging "public property" ay madaming puwedeng ibatong panghuhusga sa bawat kilos niya.
Pero diin niya, "Now that I'm 25, it's not important how they see you. What's important is how you see yourself.
"Kasi it's a cruel industry. But I'm ready for it mentally and emotionally."
Makakapareha ni Rabiya si Bong Revilla sa book two ng Kapuso weekly series na Agimat Ng Agila.
Nais din ni Rabiya na pasukin ang TV hosting kung mabibigyan ng pagkakataon.