"Justice Being Served."
Ito ang pahayag ng negosyanteng si Drake Ibay sa arraignment o pagbasa ng sakdal sa Kapamilya actor na si Tony Labrusca.
Ngayong Martes, December 14, ibinalita ni Drake na humarap si Tony sa Makati Regional Trial Court para sa arraignment nito.
Si Tony ay nahaharap sa kasong acts of lasciviousness matapos magdesisyon ang piskalya na may "probable cause" sa reklamo sa kanya ng isang non-showbiz female complainant na kaibigan ni Drake.
Si Drake ang pangunahing saksi ng female complainant na nakaranas umano ng pambabastos mula kay Tony.
Sa pamamagitan ng Instagram post, inihayag ni Drake na natagalan ang arraignment dahil sa "delaying tactics" ng kampo ni Tony.
Lahad ni Drake: "Today, I was informed by my friend who is the victim of Tony Labrusca's lewd acts that he was finally brought to court to be read the charges against him.
"Despite his counsel's last ditch effort to delay the arraignment, the judge refused to allow the delaying tactics.
"All of us who had always been behind her supported by our legal team are so happy and elated with this development."
Ayon pa kay Drake, umaasa silang mabuhayan din ng loob ang ibang "victims of abuses" na may pag-asang manaig ang hustisya.
"News, such as this, gives hope to victims of abuses like her that justice can swiftly and fairly be achieved despite and inspite of going against a more powerful and influential person such as Mr. Labrusca.
"This is not just a small victory but also a significant one for us as we inch closer to bringing Mr. Labrusca to face the consequences of his criminal acts."
Sa huli, nanawagan si Drake na iwasan ang pagpakalat ng bashing at hayaang sa korte na umandar ang kaso.
"Calling also the public to not spread HATE. Let’s let justice and the Honorable Court to run its course.
"Let’s pray for everyone involved."
Kasama ni Tony sa arraignment ang kanyang ina na si Angel Jones.
Ang acts of lasciviousness case ang dahilan kaya naghain ang biktima ng hold-departure order sa Bureau of Immigration sa paniniwalang "flight risk" si Tony.
Kaugnay ito ng hindi pagsipot ni Tony sa isang pagdinig ng preliminary investigation noong Agosto.
Kaya nais siguruhin ng kampo ng female complainant na hindi makalabas ng bansa ang aktor para harapin daw nito ang kaso.
Muling magkakaroon ng pagdinig sa kaso sa February 2022.
BACK STORY
Noong November 11, inulat ng PEP.ph (Philippine Entertainment Portal) ang desisyon ng Makati Prosecutor's Office na makasuhan si Tony ng acts of lasciviousness.
Naganap ang insidente sa party sa bahay ng pamilya ni Drake sa Dasmariñas Village, Makati City, noong January 16, 2021.
Nakadetalye sa resolusyon ang reklamo ng female complainant laban kay Tony.
Dahil umano sa sobrang kalasingan, sa isang punto ng party ay nilapitan ni Tony ang female complainant, hinila umano ang strap ng damit nito, dahilan para ma-expose ang dibdib ng complainant.
Hinawakan din umano ni Tony sa baywang ang babae at inupo ito sa kandungan ng aktor.
TONY LABRUSCA'S LAWYER INSISTS ACTOR IS "INNOCENT"
Taliwas ito sa depensa ni Tony.
Argumento ni Tony, hindi niya kasalanan na nalalaglag ang strap ng damit ng female complaintant, at ito umano ang kusang kumandong sa kanya.
Sa opisyal na pahayag ng legal counsel ni Tony na si Atty. Josabeth Alonso noong November 15, idiniin nitong "innocent" at "unfounded" ang ikinasong acts of lasciviousness sa aktor.
Sinabi rin noon ng abogada na nagpiyansa si Tony at naghain ng motion for reconsideration sa kaso.
Nananatiling bukas ang PEP.ph (Philippine Entertainment Portal) sa anumang pahayag ng mga personalidad na nabanggit sa artikulong ito.
Use these Zalora vouchers when you shop or order online. Marami pang ibang coupons dito.