Kinakasa na ng business tycoon na si Manny Villar kung paano patatakbuhin ang pagmamay-aring TV network, ang Advanced Media Broadcasting System (AMBS) Inc.
Ang AMBS ay nagawaran ng National Telecommunications Commission (NTC) ng Channel 2 frequency na dating hawak ng ABS-CBN Corporation ng pamilya Lopez.
Mayroon silang 18-month "provisional authority" para gamitin ang Channel 2, na dating analog TV frequency ng ABS-CBN, at Channel 16, na dating digital TV frequency ng Kapamilya network.
Read: Richest Pinoy Manny Villar takes over ABS-CBN channels: A Timeline
Ayon sa ulat ng bilyonaryo.com kahapon, February 6, nagpaabot diumano ng mensahe ang kampo ni Villar sa kampo ng mga Lopez para sa isang posibleng pagsasanib-puwersa ng kanilang mga istasyon.
"Feelers pa lang but its possible Villar might go for the jugular and get ABS-CBN to fill up his network’s air time," saad ng source.
Dagdag pa ng source ng ulat, sinisikap ng kampo ng dating senador na timbangin kung interesado ba ang pamilya Lopez sa pakikipag-alyansa sa kanila dahil maari itong paraan upang mailabas muli ang mga shows nila sa Channel 2 at Channel 16.
WILLIE TO HOST GAME SHOW ON VILLAR'S TV NETWORK
Kumpirmado na ang paglipat ni Willie Revillame sa pagmamay-aring TV station ng matalik na kaibigang si Manny Villar, ang Advanced Media Broadcasting System (AMBS).
Nitong weekend, lumabas na rin ang balitang lilisanin na ni Willie ang GMA upang lumipat sa istasyon na pagmamay-ari ng matalik na kaibigan.
Sa February 14, 2022 nakatakdang mag-expire ang kontrata ni Willie sa GMA-7.
Siyam na araw bago pormal na kumalas sa Kapuso network, namataan si Willie kasama ni Villar.
Noong February 5, nag-post ang kaibigan ni Willie na si Efren Syyap ng larawan nito at ni Villar. Kasama rin nila si Congresswoman Camille Villar. at tila galing sila sa isang pagpupulong.
Si Camille ay anak ni Manny Villar at dating co-host ni Willie sa Wil Time Bigtime sa TV5.
Sa post ni Syyap, tila kinumpirma nito ang nakatakdang pagsanib ni Willie sa AMBS base sa sinabi nitong "new network" ng TV host.
Kapansin-pansin din ang pag-shake hands nina Willie Revillame at Manny Villar, na tila nagpapahiwatig ng isang kasunduan.
"Goodluck WBR and to your new network," saad ni Syyap sa caption ng litrato nina Willie at Villar.
Isang game show ang iho-host ni Willie sa TV network ni Manny, ayon sa bilyonaryo.com.
WHO ELSE IS MANNY VILLAR TAPPING FOR AMBS?
May ilan pang entertainment industry veterans ang nais kunin ni Manny Villar para sa TV network niya.
Magiging bahagi umano ng AMBS si Freddie Garcia, dating presidente ng ABS-CBN mula 1998 hanggang 2003.
Pati ang pangalan ni Johnny Manahan, aka Mr. M, ay isa sa mga nabanggit na industry veterans na posibleng hikayatin ni Villar. Sina Garcia at Manahan ay co-founders ng Star Magic, ang talent management arm ng ABS-CBN.
"Villar could possibly get Johhny M (Manahan) and get all the talent and producers to get that Kapamilya vibes back," saad pa ng source ng online portal site.
Si Mr. M ay kasalukuyang consultant ng Sparkle, dating kilala bilang GMA Artist Center o siyang talent management arm ng GMA-7.
GRANTING OF ABS-CBN FREQUENCIES TO AMBS INC.
January 25, 2022 lumabas ang ulat na naigawad ng NTC ang mga dating TV at radio frequencies ng ABS-CBN Broadcasting Corporation sa kumpanya ni Villar.
Bahagi ng pahayag ng NTC: "After the technical evaluation of AMBS’ request for a simulcast channel, Channel 2 (the paired analog channel in Mega Manila of digital channel 16) was temporarily assigned to AMBS.
"This temporary assignment is for simulcast purposes only, and only until the analog shut-off scheduled in 2023.
"The temporary assignment was granted to ensure service to both analog and digital TV signal users as the country transitions to full digital TV."