Muling in-unfollow ni Tom Rodriguez sa Instagram ang estranged wife niyang si Carla Abellana.
Sa kanyang pagbabalik sa Instagram kahapon, June 1, 2022, pasabog kaagad ang pambungad ni Tom sa kanyang followers matapos ang ilang buwang social media hiatus.
Naglagay siya sa Instagram Story ng larawan ng dalawang kamay na tila nakawala sa pagkakagapos sa isang kadena.
READ: Tom Rodriguez posts cryptic photo amid annulment rumor with wife Carla Abellana
Hindi pa dito nagtapos ang lahat dahil napansin ng ilang netizens na hindi na naka-follow ang aktor sa asawang si Carla.
Sa kabilang banda, nananatili namang naka-follow si Carla kay Tom.
Nang pumutok ang hiwalayan nina Tom at Carla noong January 25, 2022, napansin ng netizens na parehong hindi na naka-follow sa isa’t isa ang mag-asawa.
Kinabukasan, January 26, nabuhayan ng loob ang mga tagasubaybay ng dalawa dahil naka-follow muli sila sa isa’t isa.
READ: Carla Abellana, Tom Rodriguez follow each other again on Instagram amid rumored split
Nag-ugat ang hiwalayan ng dalawa dahil sa diumano’y infidelity ni Tom.
Ayon sa ama ni Carla na ri Rey PJ Abellana, si Tom mismo ang nagkuwento sa kanyang natukso ito minsan at napasok sa isang one-night stand situation.
Hindi ito matanggap ni Carla kaya nakipaghiwalay ito sa asawa tatlong buwan lamang matapos silang ikasal noong October 2021.
READ: Tom Rodriguez at Carla Abellana, hiwalay na tatlong buwan lamang pagkatapos ikasal?
Ang latest na balita, nagpapahanda na umano ni Carla ng mga papeles para sa annulment of marriage na maaari nitong isampa sa korte upang mapawalang-bisa na ang kanilang kasal ni Tom.
Sa ngayon, wala pang bagong pahayag o post si Carla na may kaugnayan sa masalimuot na relasyon nila ni Tom.