Si Pops Fernandez ba ay single?
Aniya, "I'm always okay. I am very single. Not dating. I want to start dating. Ready to mingle.
"I think there was a time kasi na parang I felt na....."
Naputol ang dapat sana ay sasabihin niya, pero may kinalaman ito sa kanyang pagiging single by choice.
Sa pagpapatuloy niya, "Yeah, parang hindi ko siya makuha nang tama. So sabi ko, break muna ako sa ganyan.
"And, I really want to concentrate more on my kids, my family, my work which is exactly what I did. And hindi ko nire-regret yun because that's exactly what I told myself I will do."
Sina Robin and Ram ang dalawa niyang anak kay Martin Nievera. Pareho silang nasa 30s na, at nakatira sa U.S.
Nitong pandemya, nagkaroon siya ng pagkakataong makasama sila.
Ange kuwento ng Concert Queen, "And siguro when it comes to my boys, gusto ko magkaroon pa kami ng moments together. Kasi nga nung bata sila, siyempre sobrang busy ako noon, busy kami. So ngayon bumabawi ako.
"Sabi ko nga, 'O, bago kayo magkaroon ng sarili niyong pamilya, I wanna be able to travel with them, and that's, pag nakita ninyo naman talaga, yun ang ginagawa ko.
"Bakit? Kasi I wanna make up for my absence before. Alam ko naman kasi kapag nagka-pamilya na sila, at anytime yun kasi nga may edad na sila, di ba? They are very much of age. Alam ko na yun. Hindi na ako makaka, 'Hoy! Labas tayo,' 'Hoy! Come with me.'
"Iba na siyempre ang priority nila. Yun ang ginawa ko. Yun yung isa sa ginawa ko.
"I also spent a lot of time with, I took care of my family. Uhm, ano pa ba? Yung mga bagay na hindi ko ginawa nung single ako, kasi ang aga ko naman talagang nag-asawa. No regrets, okey?"
POPS FERNANDEZ: "AGE IS REALLY JUST A NUMBER"
Samantala, kapag nakakasama ni Pops ang mga anak, para lang silang magkakapatid o magbabarkada.
Hindi aakalaing 55 years old na ang singer.
Pero may mangilan-ngilan na nagre-remind sa kanyang hindi na siya bata.
Aniya, "...ngayon na single na naman ako ulit, may nag-comment kasi na, 'act my age.' There's no such thing, I'm so sorry.
"Age is really just a number. It's how you feel about yourself. It's how you take care of yourself. And I never felt young the way I feel now."
For most of her life, nagtatrabaho raw siya, so ngayon lang talaga siya nakakapaglamyerda.
Paliwanag ni Pops, "Kasi nung bata siguro ako, ang dami kong mga responsibilities. I was really working so hard. Wala akong mga time na going out with friends or exploring and traveling.
"So, yung mga hindi ko nagawa noon, ginagawa ko na ngayon.
"Bakit? E, malay niyo mag-asawa rin ako, di ba," pa-girl na sabi ni Pops sabay lagay ng dalawa niyang kamay sa mga gilid ng labi niya.
"Baka hindi ko na magawa yun as a single person. So, I'm really doing all of that. Again, there's nothing wrong with it.
"I really encourage, not just the women but the men as well, na enjoy life to the fullest. As long as we remember our responsibilities. Okay naman na magsaya tayo, di ba?
"And it's definitely okay to do the things that you wanna do still, di ba?
"It's never too late," giit niya.
Keri pa rin sa kanya na magpakasal ulit?
Aniya, "Again, I'm not planning it. If it happens, it happens, di ba?"
If ever, foreigner or taga-showbiz kaya yung next guy na makakarelasyon niya?
"Hindi pa natin siyempre alam, di ba kung ano man yun. But sana, non-showbiz naman. Para iba naman yung line of work namin."
Wala namang plano si Pops na ilihim ang latest sa kanyang love life if ever magka-boyfriend ulit siya.
"Hindi na. Huwag na. Okey na iyan. 'Tsaka niyo na ako tanungin."
Nagbigay din ng reaksiyon si Pops sa pag-reveal ni Martin sa relasyon niya kay Anj del Rosario.
"It's about time. And I think, dapat noon pa, di ba? I mean, I feel kasi when it comes to living together for so long, di ba? Why not?"
POPS ON REKINDLING ACTING CAREER
Kailan naman niya susubukang umarte ulit sa pelikula at telebisyon?
"Tignan natin. I'm not naman closing my doors, you know?
"It's just that this is another occupation that I realized na, 'Oy, masaya rin pala siya.'
"As challenging as it is, okay naman pala. I mean, naha-handle ko pala siya. So, yun lang yun. I created another thing for me to do.
"Again, it's one of the things na it's part of your 'don't limit yourself,' di ba? Kumbaga, if I feel I can still do it, why not, di ba?
"Uh, the performance, akala ko dati okay na nga ako as a producer. Yun na nga, kapag naumpisahan mo pala nang konti, nakaka-miss pala talaga. So, hinay-hinay.
"That's why nga, nakipag-partner ako with Martin at nakakapag-guest ako.
"Hinay-hinay lang.
"Acting? Sila ba, gusto ba nila akong umarte?
"Siguro kapag feeling ko kaya ko yung ibibigay sa akin na project, bakit hindi? Gusto ko yung sobra akong confident, di ba? Yung feeling ko kaya ko," pangwakas na pahayag ni Pops.
Nakapanayam ng PEP.ph (Philippine Entertainment Portal) si Pops pagkatapos ng Q&A portion sa mediacon ng Four Kings and A Queen, kung saan makakasama niya mag-perform ang veteran OPM singers na sina Rey Valera, Nonoy Zuñiga, Marco Sison, at Hajji Alejandro.
Ang Four Kings and A Queen concert ay gaganapin sa Newport Performing Arts Theater sa Agosto 26 and 27.