Pinag-iisipang muli ni Sharon Cuneta na magretiro na sa showbiz.
Sa edad na 56, pagod na raw ang Megastar at gusto na lang mag-focus sa pag-aalaga ng kanyang pamilya.
Huwebes ng gabi, November 16, 2022, ibinahagi ni Sharon sa Instagram ang isang sipi ng libro na isinulat ng American author at Magnolia TV network owner na si Joanna Gaines.
Bahagi ng nakasulat sa libro: “EARLIER THIS YEAR, I started to sense the desire to catch my breath and look closely at my life.
“I found myself jotting down memories and stories from my past, journaling about things I was still, years later, working through.
“Things had gotten blurry, I’d gotten blurry. My 44th birthday was just around the corner, and I was realizing that it meant I was nearly halfway through this life of mine.”
Ayon kay Sharon, masyado siyang tinamaan sa ilang linya ng libro ni Joanna.
Pakiramdam ng actress/singer/TV host, nasagad na siya sa kanyang mga ginagawa sa buhay kaya parang tinatawag na siya ng pagreretiro.
Aniya, “This is from Joanna Gaines’ new book, The Stories We Tell. This part really resonated with me because, well, I am 56 now—and I am just undeniably EXHAUSTED. Retirement is calling.”
Kahit naman daw retirado na siya, maaari siyang lumitaw na lamang bigla sa isang pelikula o konsiyerto, maging sa isang TV show o kahit isang series na hindi naman masyadong nakakapagod.
Marami raw kasi siyang nais pang gawin sa buhay pero hindi niya maisisingit sa kanyang schedule.
Saad ni Sharon, “Once in a while I can pop up in a movie or two, a concert, or a TV show, even a season or a series if it’s not too tiring.
“But I AM tired… All I wish I could do is be with my family and take care of them. And do all those other things I always wish I could do but just couldn’t find the time for.
“Please pray with me. Thank you so much and I love you all. @joannagaines”
View this post on Instagram
Hindi ito ang unang pagkakataong sinabi ni Sharon na gusto na niyang talikuran ang showbiz.
Noong 2015, habang nagbabakasyon ang kanyang buong pamilya sa Amerika, sinabi ni Sharon na nais na niyang lisanin ang Pilipinas at tuluyan nang magretiro sa U.S.
Pero hindi ito natuloy.
Read: Sharon Cuneta considering to leave the Philippines and retire in the US
Taong 2019, muli nitong inihayag na nais na niyang magretiro sa showbiz.
Forty-one years na raw kasi siyang nagtatrabaho sa mundo ng showbiz noon at gusto naman niyang maranasan ang magkaroon ng pribadong buhay.
Hindi ito nangyari.
Read: Megastar Sharon Cuneta mulls semi-retirement from showbiz
Taong 2020, sinabi na naman ng Megstar na lalayasan na niya ang industriya. Subalit hanggang ngayong 2022 ay aktibo pa rin siya.