Hindi pinalampas ni Karla Estrada ang tweet ng isang basher patungkol sa kanyang pamilya at anak na si Daniel Padilla.
Noong December 16, 2022, ni-retweet ni Karla ang tweet ng isang basher na ikinukumpara ang anak na si Daniel kay Donny Pangilinan.
Bukod sa pagtawag ng "cheater" ng basher kay Daniel, binansagan din nitong "problematic" at "chaotic" ang pamilya ni Karla, kumpara umano sa pamilya ni Donny na "complete and happy."
Ito ang tweet ng basher na ngayon ay burado na (published as is): "Si DJ, cheater, si Donny, hindi. Yung nanay ni DJ, problematic. yung nanay ni Donny, hindi.
"si DJ, chaotic yung fam. si Donny, complete and & happy family. Gusto niyo talaga mag-compare? okay."
Mukhang nakarating agad ito kay Karla dahil mabilis sinagot ng TV host-actress ang tweet.
Wala raw katotohanan ang pinagsasabi ng basher at mukhang ang pakay lang nito ay siraan si Daniel at ang kanyang pamilya.
Gigil na buwelta ni Karla: "Huh? Saan galing ang mega judgment na ito? Dito ka ba naninirahan sa pamamahay ko? At akala mo alam mo lahat?!?
“Mag hunos dili ka huy. Maka-problematic at chaotic ito?? Hala inday pagtarong diha! [Hala inday umayos ka diyan].
"Wag mandamay ng pamilya, panget yun.”
Marami naman sa KathNiel fans ang rumesbak at nagtanggol kay Daniel laban sa basher.
Tweet ng isang netizen (published as is), "Cheater? Naka isang dekada na nga sila ng nobya niya.
"Attitude? 11 years in showbizness but still on top.
"Came from a broken fam? Atleast nabigyan niya ng magandang buhay pamilya niya.
"Few of the many reasons why Daniel/ KathNiel is worth stanning. So ‘yung mga kuda niyo about sa kanya/ kanila, keep it for yourself nalang kasi we don’t care."
Si Kathryn Bernardo ang kasintahan ni Daniel.
Read: Daniel Padilla on girlfriend Kathryn Bernardo: "Pinipili namin ang isa't isa all the time."
Muli itong ni-retweet ni Karla, kalakip ang kanyang pasasalamat at ilang pangaral tungkol sa usaping pamilya.
Saad niya, "Salamat. Lahat ng family ay broken kapag hindi nag kakasundo. Hindi lamang dahil hiwalay ang magulang.
"Importante ay mag palaki ang mga anak na hindi bastos at mapagkumbaba."
Hindi pa rito natapos, dahil isa pang tweet ang ibinahagi ni Karla noong December 17, 2022, kung saan naglalaman naman ng pagpapaalala na maging maingat sa pagbibigay ng komento.
Aniya, "Walang mali sa iba.. ang mali ay nasayo kung paano mo tratuhin at tingnan ang kapwa mo.
"Wag tayong manghusga lalo na at hindi natin alam ang pinagdaanan ng iba.
"Pilitin natin maging mabuti kahit minsan mahirap mag timpi. Masarap sumaya at libre pa."
Si Daniel ay anak ni Karla sa dati nitong karelasyon na si Rommel Padilla.
Bukod kay Daniel ay may tatlo pa siyang anak— sina Jose Carlito Padilla, na anak niya sa singer na si Naldy Padilla; Margaret "Magui" Planas kay former Quezon City Councilor Mike Planas; at Carmella Ford sa non-showbiz partner niya noong si Patrick o PJ.
READ MORE:
- Karla Estrada denies Daniel Padilla-Kathryn Bernardo breakup rumors
- Daniel Padilla on Kathryn Bernardo: "Nag-aaway din kami."
- Daniel Padilla on maintaining "magic" of his love team with Kathryn Bernardo: "Iba na yung ibig sabihin ng kilig."
- KathNiel movies you can watch on Netflix
- Kathryn Bernardo to Daniel Padilla seeing her off at airport: "Bye, Lover!"