Pinapurihan ng Saksi anchor Arnold Clavio ang pagpapakumbaba ni Alex Gonzaga at kagyat na paghingi ng kapatawaran sa kanyang nagawang pagpahid ng icing sa waiter na si Allan Crisostomo.
Sa viral video, mapapanood na pinahiran ni Alex ng icing si Allan sa noo sa birthday asalto ng TV host/actress/vlogger noong January 15, 2023.
Read: Alex Gonzaga, binabatikos dahil sa pagpahid ng cake sa noo ng waiter
Sa kanyang Instagram kahapon, January 19, 2023, sinabi ni Arnold na nakakagaan ng loob ang naging aksiyon ni Alex matapos mabatikos nang husto ng netizens.
Sabi ni Arnold sa kanyang "Tilamsik ni iGan" series: “’It takes a strong person to say sorry.’- Anoymous
“Nakakagaan ng loob ang naging mabilis na aksyon ng aktres na si Alex Gonzaga sa waiter na si Alex (Allan) Crisostomo.”
Kasunod nito ay ginawan niya ng buod ang mga pangyayaring nagdulot ng ingay sa showbiz industry ng ilang araw hanggang sa magkaroon ng kapatawaran ang buong sigalot.
Aniya, “Hindi nagustuhan ng marami ang ginawang pagpahid ni Gonzaga ng cake sa mukha ni Crisostomo habang bitbit niya ito. Nangyari ito sa kaarawan ng komedyante.
“Sa maikling pahayag na inilabas sa ABS-CBN News nitong Miyerkules, ibinunyag ng waiter na si Allan Crisostomo, na pumunta si Gonzaga sa kanyang pinapasukan noong Martes para humingi ng paumanhin sa ginawa nito sa kanya.
“’Last January 17, 2023 around 6:30 PM nasa work po ako. Pumunta po si Ma’am Alex kung saan po ako nagwowork,’ kuwento ni Crisostomo. ‘Then nag apologize and nagsorry siya saken tapos konting kwentuhan at sinabi ko po sa kanya na ok na po yung nangyari. Ok na po kami,’ dagdag pa niya.
“Inilabas din ni Crisostomo ang isang liham sa nangyari na naka-sulat kamay pa niya.
“Sa post naman ni Gonzaga sa kanyang social media account, ‘On my birthday, God taught me a hard and important lesson. Humility, kindness and better judgment.’
“’I am truly sorry, Kuya Allan,’ ani Gonzaga.
“’To my family, I am sorry for causing you pain and embarrassment. I will rise from this a wiser and better person,’ sabi pa niya.”
Dagdag pa ni Arnold, isang magandang aksiyon ang ipinakitang pag-amin ni Alex sa kanyang pagkakamali at pagpapakumbaba.
Sabi pa nito, ang mga ganitong pangyayari ay natatapos sa kapatawaran ng lahat at sana ay magkaroon ito ng aral hindi lamang kay Alex kundi sa ating lahat.
Pagtatapos ni Arnold, “Maraming salamat kay Ms. Gonzaga sa pag-amin sa kanyang pagkakamali at sa pagpapakumbaba na personal na humingi ng paumanhin kay Crisostomo.
“Lahat tayo ay dapat magkaroon ng aral sa nangyaring ito.
“Sa ngayon na natapos na sa kapatawaran ang lahat, baunin natin saan man tayo magpunta—ang mabuting pakikitungo at respeto sa kapwa, anuman ang antas niya sa buhay.
“Walang lugar ang panlalait, pagpapahiya at pagmamaliit ng iba.
“Muli, salamat.
“Walang Personalan.”
View this post on Instagram
Matatandaang noong January 18, naglabas ng hinaing si Arnold tungkol sa napanood na video dahil nagtrabaho siya noon bilang waiter kaya alam niya ang pakiramdam ng isang taong ginamit para maging katatawanan.
Bahagi ng pahayag ng GMA News anchor, “Mga ‘iGan, hindi ako natawa at hindi rin ako natuwa sa inasal ng aktres na si Alex Gonzaga sa isang waiter noong birthday party niya.
“Aaminin ko, nasaktan ako. Bilang dating waiter sa isang fastfood restaurant noong nasa kolehiyo, di ko maatim na hindi mag-react sa maling trato ni Gonzaga sa aking kabaro.”
RELATED STORIES:
- Ika-35 kaarawan ni Alex Gonzaga, nabahiran ng isyu dahil sa pagpahid niya ng cake sa noo ng waiter
- Alex Gonzaga personally apologizes to waiter after severe bashing online
- Alex Gonzaga camp breaks silence on viral video; says waiter is close to Gonzaga family
- Mo Twister lambasts former Juicy! co-host Alex Gonzaga over her viral video; Mikee Morada posts message of support for Alex
- Handwritten letter ng waiter na pinahiran ni Alex Gonzaga, ipinagtaka ng netizens