Mukhang nahawa sa pagiging mapangahas ni Joseph Marco ang dating That’s My Bae member na si Joel Palencia at komedyanteng si Archie Alemania.
Ginaya ng dalawang personalidad ang “pabakat” post ni Joseph.
Sa Instagram kahapon, February 16, 2023, ginaya ni Archie ang sexy post ni Joseph at ibinahagi niya ito sa kanyang followers.
Biro ng Bubble Gang star, parang ginaya raw ng pictorial ni Joseph ang konsepto ng kanyang dating post.
Ani Archie, “Sabi nga nila imitation is the best flattery. Na flatter naman ako kaso bakit hindi man lang mag isip ng consepto sa pictorial iniba lang ang suot. Hayyyys kakainis din minsan... oh well. #hardfordbrief @josephcmarco”
View this post on Instagram
Ngayong araw, February 17, si Joel naman ang nag-post ng kanyang sexy photo.
Ginawa pa niyang “inspirasyon” ang kamay ng orasan sa kanyang caption.
Saad ni Joel, “Hinahamon ako ni @josephcmarco lodi nag tatalo kami kung ano ba ang tamang oras! 10 am ba or 1 pm? Kayo na humusga [laughing emojis] ano oras nga ba? [face with rolling eyes emoji]”
View this post on Instagram
Sa parehong post nina Archie at Joel, hindi maitatagong “bakat” ang kanilang pagkalalaki.
Kaya naman samu’t saring komentong kamunduhan ang sinasabi ng netizens.
Matatandaang noong Valentine’s Day, February 14, ibinahagi ng Kapamilya actor sa publiko ang pictorial sa kauna-unahan niyang endorsement para sa isang underwear brand.
Sabi niya sa caption, “I decided this year to get out of my comfort zone, so for the first time I’m sharing with you my very first underwear endorsement!
"Grateful to be part of this family! #HANFORDxJOSEPHMARCO @hanfordph
“Happy Valentine’s everyone! [heart emoji]”
View this post on Instagram
Agaw-pansin ang "pabakat" ni Joseph sa pictorial kaya hindi maiwasang may pagka-naughty rin ang komento ng ilang celebrity friends ni Joseph katulad nina Gerald Anderson, Rosanna Roces, Joross Gamboa, Albie Casiño, at iba pa.
Lumikha rin ito ng “kaguluhan” sa kanyang mga followers sa Instagram.
Wala pa ring reaksiyon si Joseph sa mga pang-uuyam sa kanya ng mga kaibigan.