Muling inamin ni Priscilla Meirelles na may pinagdaanan ang relasyon nila ng asawang si John Estrada.
Kahit may kaunting hindi pagkakaunawaan, itinuloy pa rin ng kanilang pamilya ang nakaplanong bakasyon sa Cebu nitong nakaraang linggo.
Masaya raw ang naging bakasyon nilang ito dahil nakilangoy pa ang anak nilang si Sammanta Anechka Estrada sa mga butanding ng Oslob, Cebu.
"We're very blessed to be able to enjoy that trip. Actually, it was scheduled three months ago. There is no reason to not push through with that.
"It was such a blessing. It was an amazing time together,” pahayag ni Priscilla sa panayam ni Mario Dumaual para sa ABS-CBN News ngayong araw, April 18, 2023.
Bago sila pumuntang Cebu, nag-post si John sa kanyang Instagram noong April 7 ng sweet photos nila ng asawa na tila panunuyo rito.
Sa caption, sinabi ni John na si Priscilla lamang ang kanyang “one and only Queen.”
Ang hashtags din ng kanyang post ay tumutukoy sa masayang pagsasama nila.
Buong caption ni John: “The love of my life, my wife, my one and only Queen.
#happytogether #j [heart emoji] p #naturalbeauty #happywifehappylife”
Read: John Estrada posts intimate photos with Priscilla Meirelles amid marital-problems issue
Ibig bang sabihin nito ay “all is well” na sa pagitan nila ni John?
Tugon ni Priscilla, “Actually, we never really had any major, let's say... I cannot say that it wasn't well.
"Every marriage goes through very rough patches. We were going through a rough time, actually for a while already.”
"LONG-TERM RELATIONSHIP"
Nitong nakaraang Pebrero lamang ay ipinagdiwang nina Priscilla at John ang kanilang 12th wedding anniversary.
Mensahe ni John sa kanyang Instagram post noong February 26: “Just cant thank you enough for what uv done for the two of us for the past 15 years now, 3 years dating, and 12 years married, and now we are three.
"Thank you for being the perfect partner that anyone could wish for.
“I love you my love, happy 12th year anniversary to us.
“Anyway, baka nag tataka kayo bat to ang kanta na pinili ko, kasi kasama to sa wedding vow ko sa kanya, yun lang naman #theloveofmylife”
View this post on Instagram
Para kay Priscilla, kapag ganito na katagal ang pinagsamahan ng mag-asawa ay maiisip mo rin minsan kung ano pa ang naghihintay na bukas para sa inyo.
Katulad ng ibang pagsasama ng mag-asawa, meron at meron talagang pagdadaanan ang relasyon nila.
Saad ng Brazilian beauty queen, “When you come to a point your life where you're 12 years married and you know each other so well and you already can foresee the future and what to expect from the future, there is a tendency you start to somehow explain to a partner what to expect from your partner in that long-term partnership.
"Just like any marriage, we have our differences. We've been talking a lot about what we want 10 years from now. I think it's just part of life.”
Ikinumpara pa niya ang sitwasyon nila bilang mag-asawa ngayon sa isang bahay na may sirang ilaw.
Iginiit din niyang napagdesisyunan nilang magsasama pa rin sila habambuhay.
Ani Priscilla, "If it comes to a point where you have a house and one of the lights is broken, do you change the house or do you fix the light? We try to fix the light first. This is basically what's happening.
"We are talking. There is no major happening right now. I think the most important part is that we respect each other and we respect each other's space. All is good.”
LORD IS FIGHTING HER BATTLES
Hindi man binanggit ni Priscilla ang dahilan ng problema ng kanilang pagsasama, naniniwala siyang may natutunan silang dalawa sa nangyari.
"I hope so. I've also learned a lot. I believe that... He knows how I am and the things that I believe and my principles. For me, family is very important,” saad pa nito.
Bilang isang Born Again Christian, inamin niyang humuhugot sila ng asawang si John ng lakas sa Diyos dahil sa pinakahuling pagsubok sa pagsasama nila.
Sabi pa ni Priscilla, "I'm a Christian, I'm Born Again. I always give to the Lord whatever I cannot carry, whatever I cannot handle. He's always the One fighting my battles.
"John actually was actually the first Christian in the family. He's the reason why I became a Born Again.
"I think it's a good reminder not only for us but I think even for everybody... to realize what really matters and what are the things worth fighting for."
Samantala, tahimik na rin ngayon ang itinuturong third party sa problema nina John at Priscilla, ang Internet star sa Cebu na si Chiyo dela Vega.
Unang inamin ni Priscilla sa PEP.ph (Philippine Entertainment Portal) na may problema sa pagsasama nila ni John, noong March 31, 2023, matapos ang ilang makahulugang posts nito sa Instagram.
Read: Priscilla Meirelles confirms marital problems with John Estrada: “Napuno na ako.”