Iwas at tikom ang bibig ng aktor na si John Estrada tungkol sa naging isyu nila ng asawang si Priscilla Meirelles.
Sa ginanap na grand mediacon ng FPJ's Batang Quiapo nitong Huwebes, May 4, 2023, hiningan ng reaksiyon ng PEP.ph (Philippine Entertainment Portal) at ilang miyembro ng press si John.
Hindi lingid sa kaalaman ng lahat na kamakailan lamang ay dumaan sa pagsubok ang pagsasama nina John at Priscilla.
Halatang iwas si John na pag-usapan ang tungkol sa naging problema nila dahil simula pa lang ay pabiro na niyang sinabi sa presscon proper na “walang magtatanong” sa kanya ng hindi related sa kanilang teleserye.
Gayunpaman, sinubukan pa rin ng ilang miyembro ng press na hingan siya ng reaksiyon nang makausap siya pagkatapos ng presscon proper.
Isa sa mga natanong sa aktor ay kung paano nila naayos ni Priscilla ang kanilang naging gusot.
Sagot ni John: “Hindi ko puwedeng iano [sagutin] yan kasi pribado kong buhay ito.
“Although public figure ako, of course this is my life.
“Kung mayroon man akong sagutan, sa pamilya ko lang yon, sa mga taong mahal ko… yun lang.”
Sundot pa na tanong sa kanya: “Pinag-usapan niyo rin ba ni Priscilla na next time na magkakaroon kayo ng problema, hindi na ilalagay sa social media?”
Natatawang sagot ni John: “Ah… no comment ako diyan.”
Hindi kaila na matapos maisapubliko ang naging problema nila ng kanyang asawa ay may ilang humusga sa kanya. Paano hinarap ni John ang kanyang bashers?
Sagot niya: “Isa lang ang mantra ko sa buhay, kanya-kanyang trip yan.
“I don’t have to explain myself to everyone.”
JOHN-PRISCILLA RELATIONSHIP ON the ROCKs
Noong March 31, 2023, mismong si Priscilla ang nagkumpirma sa PEP.ph na may problema sa pagsasama nila ni John.
Read: Priscilla Meirelles confirms marital problems with John Estrada: “Napuno na ako.”
Ito'y matapos niyang mag-post sa Instagram ng "cryptic post" ukol sa mga babaeng pumapatol sa lalaking may asawa.
Pero paglilinaw ni Priscilla sa PEP.ph, hindi cryptic ang mga post niya.
Read: Why is Priscilla Meirelles asking what to call a woman who entertains a married guy?
Sa madaling salita, kinukumpirma niyang third party ang isa sa pinag-uugatan ng problema nila ngayon ni John.
Mensahe ni Priscilla: “I don’t understand why people are saying my posts are cryptic. The way I see it, I was very direct to the point.”
Inamin din ni Priscilla na matagal-tagal na ang problema nila ni John at masalimuot ang pinagdadaanan niya.
“I have been going through a rough time in my marriage for a while already for many reasons.
“And just like with anyone else, it has been tough. I constantly pray for strength and wisdom and hope for better days ahead but the truth is napuno na ako.”
April 18, 2023, sinabi ni Priscilla sa panayam niya sa ABS-CBN na pinili nila ni John na ayusin ang gusot nilang mag-asawa.
Bahagi ng pahayag ni Priscilla sa ABS-CBN News, “If it comes to a point where you have a house and one of the lights is broken, do you change the house or do you fix the light?
"We try to fix the light first. This is basically what's happening. We are talking. There is no major happening right now.
"I think the most important part is that we respect each other and we respect each other's space. All is good.”
Read: Priscilla Meirelles says she and John Estrada decide to "fix the light" amid marital issues
Ikinasal sina Priscilla at John noong March 2012. Mayroon silang isang anak, si Sammantha Anechka, 11.
Si John ay may may apat ding anak sa una niyang asawa na si Janice de Belen: sina Ina, Kaila, Moira, at Yuan.