Ilang linggong mawawala sa social media ang singer na si Jake Zyrus.
Ito ang inanunsiyo ni Jake sa kanyang Instagram post ngayong Martes, May 23, 2023.
Ayon kay Jake, kailangan niya munang pagtuunan ng pansin ang kanyang mental health.
Mayroon daw kasing puwersa na nais siyang warakin kaya kailangan niyang bumuwelta sa pamamagitan ng pagpapagaling.
Anunsiyo niya: “Hi all! I know I don’t post a lot, but just wanted to let you guys know that I’ll be taking a break from social media for a few weeks to focus more on my mental health.
“It’s been a rough ride. A lot of people have tried to break me, so this is me fighting back, by healing.”
Alam daw ni Jake na mahirap ang kanyang susuungin pero makakatulong daw ito nang malaki sa kanya.
Hinihikayat din niya ang ibang netizens na baka may mga senyales na rin sila katulad ng kanyang nararamdaman, ito na raw ang nararapat na panahon upang sabayan siya sa kanyang healing process.
Pagtatapos ni Jake, “I know it’s not gonna be easy, but I also know it will help me a lot.
“If you’re looking for a sign to also take a break because it’s been a lot for you, this is it.
“Let’s do this together.”
View this post on Instagram
LAST NEWS ABOUT JAKE ZYRUS
Ang huling nabalitaan ng publiko tungkol sa singer ay ang kuwento tungkol sa pagkairita nito sa mga taong patuloy na binubuhay si Charice Pempengco.
Si Charice ang dating katauhan ni Jake bago siya nag-come out bilang isang trans man.
Read: Goodbye Charice, welcome Jake Zyrus!
Pilit kasing ikinukumpara si Charice sa ibang mga singer.
Hindi nagbanggit ng pangalan si Jake pero malinaw na may kinalaman ang galit niya sa pagkukumpara sa kanyang dating pagkatao at estilo ng pagkanta kay Morissette Amon.
Isa si Morissette sa mga special guest sa concert ni David Foster na ginanap sa The Theatre ng Solaire Resort & Casino noong Marso.
Isa nga sa nag-post sa Facebook ng comparison na ito ang kanyang inang si Raquel Pempengco.
Read: Raquel Pempengco says "nothing compares" to Charice's singing after watching David Foster's concert
Bago sumapit ang nakaraang Mahal na Araw, hindi napigilan ni Jake na magsalita sa isang online gaming session niya.
Nagpupuyos na litanya pa ng singer, “Anong gusto ninyong mangyari? Bubuhayin si Charice? Paano?
“Scientifically, wala, e. It’s impossible because I’m already taking, like, hormones because that’s who I am.
"So, anong, like, the f*ck*ng stupid question… Questions na, ‘Oh, can you bring back your voice?’ That’s not possible!
"So, some of you just shut up and listen to your Charice’s songs in your own f*ck*ng time!”
Read: Jake Zyrus calls out rude netizens who "miss" Charice Pempengco
Buo ang paniniwala ni Jake na kawalan ng respeto sa kanya at sa ibang mang-aawit ang pagkukumparang ginagawa sa kanila ni Charice, kaya ipinaalaala niyang matagal nang wala ang Filipina singer na hinangaan noon dahil sa mahusay na pag-awit.
Naiiritang sabi ng transgender singer: “And to actually compare the old me to some of the greatest singers out there, hindi lang disrespectful sa akin yon! Disrespectful din sa kanila yon!
“You’re literally comparing these singers to the person that doesn’t even exist anymore! Do you guys even think about that?”
Read: Jake Zyrus, nairita sa pagkukumpara sa kanya sa dating Charice